CEIP de Cespón

Seguindo unha proposta do ENDL, este curso cada ciclo encargouse de representar cada unha das estación do ano. O 1º ciclo en vistas de que o verán xa está petando á porta púxose mans a obra e crearon un curioso e orixinal mural, sen deixar de facer un guiño ao plan anual da Biblioteca: A reciclaxe! SE DO VERÁN QUERES GOZAR, A PRAIA DEBES COIDAR!

O superheroe da reciclaxe: "Capitán Verdemán" atópose na aula do alumnado de 2º de primaria. Da man deste personaxe o alumnado repasa a bibliografía do proxecto anual da biblioteca e recorda que facer e onde botar cada residuo que xeren na aula. COIDEMOS O PLANETA! NÓS PODEMOS!  

O alumnado de 2º elaborou unhas pulseiras con bólas de madeira. Querédelas ver? Aquí vos deixamos algunhas fotos.

O alumnado do 1º ciclo o martes, 24 de maio realizou unha saída cultural a Santiago. Visitamos a catedral e as cubertas acompañados dunha guía. Logo, realizamos un percorrido polo casco antigo de Santiago, no tren turístico e, por último, vimos o Museo de Historia Natural. Tres grandes salas con rochas, minerais, animais disecados, fósiles... e tamén vimos ouro atopado na praia de Barraña! SE QUERES VER MÁIS FOTOS VAI A GALERÍA.

O alumnado do 1º ciclo divírtese realizando diferentes xogos populares: xogo da ra, zancos, chapas, a chave...

Atopámonos agora cun xogo denominado xincana. É unha actividade colaborativa onde o grupo ten que coordinarse para ir resolvendo cada proba que lle dará unha pista para realizar a proba seguinte. Ninguén se salva: conserxe, profes, clases...hai que atopar as pistas aínda que poñamos o colexio patas arriba; por iso resulta tan divertida

Os nenos e nenas de 2º estiveron realizando un obradoiro de decorar bolsas de papel. Contaron coa axuda de Verónica, Paula e Carlos de 5º, que se perderon o xogo de probas, por colaborar cos máis pequenos. Quedaron moi fermosas. Non cres?

O alumnado do 2º curso realizou estas coloridas flores a partires de oveiras recortadas en forma de corazón. Logo, pintaron de cores variadas. Empregaron plastilina verde para recubrir o cáliz e  amarela para os estames. De talo, paus de pinchos pintados de verde. Colocaron plastilina de cores no fondo dun vaso de plástico de tubo e adornaron con boliñas de cores.

EN ABRIL, FLORES MIL