As nosas festas

ESPALLANDO A OBRA DE ROSALÍA

Foron varias as actividades levadas a cabo para celebrar o Día de Rosalía. Por unha banda, sumámonos a proposta da Asociación de escritores en Lingua Galega coa campaña #AbrideAFiestra, na que o alumnado escribiu poemas e realizou debuxos relacionados coa obra da nosa poetisa,  plasmándoos nas fiestras do colexio. Elaboramos carteis para colgar nos autobuses escolares, realizamos actividades LIM por ciclos,...Deixámosvos algúns recordos plasmados en fotos.

COMEZO DO NOVO CURSO A RITMO DE MUIÑEIRAS


Brais e Martín (alumnos de 6º  curso do ano pasado) viñeron facernos unha visita musical. A ritmo das notas das súas gaitas, xunto con Pablo no tambor e Áex na pandeireta gozamos dun recreo musical. ATA A SEMANA CULTURAL CHICOS!!!

 

INTERCAMBIO DE TRABALLOS INTERCENTROS: CADRECHE

Este curso estase levando a cabo un intercambio de ideas, experiencias e traballos entre o noso centro e o CEP Pilar Maestú Sierra de A Pobra. O alumnado de 6º acaba de recibir unhas fermosas postais para commemorar o Día de Rosalía. Quedaron moi contentas/os

POSTAIS NO DÍA DE ROSALÍA


O 24 de febreiro celebramos o "Día de Rosalía" coa confección de postais, seguindo unha proposta da Asociación de Escritores en Lingua Galega (AELG). No noso centro introducimos algunha variación á proposta inicial, tanto na elaboración dos postais como na temática dos versos.Os poemas que eliximos para que o alumnado memorizase o copiase foron versos relacionados coa cociña (tema do Proxecto Anual). Tamén se traballou na vida e obra desta galega ilustre.

 

DÍA DE ROSALÍA

O 24 de febreiro celebrouse o Día de Rosalía. O noso centro participou no relato colectivo proposto pola Asociación de Escritores en Lingua Galega (podedes velo no blog) co poema: "Nasín cando nasen as flores". Tamén se realizou este mural colectivo con poemas de Cantares Galegos, coincidindo o 150 anos da súa publicación.

EXPOSICIÓN E PREMIOS "DÍA DA PAZ"

Para conmemorar o Día da Paz organizouse un certame de contos, debuxos, poemas e SMS.

DÍA DE ROSALÍA 2011

O alumnado do 1º ciclo traballou poemas de Rosalía e fixo esta bonita presentación.

 

Distribuir contido