Letras Galegas

SEMANA CULTURAL, 2016

O venres, 20 de maio celebramos un gran feirón enmarcado dentro da Semana Cultural para festexar as Nosas Letras. Levamos a cabo distintos obradoiros (chapas, marcadores, flores, xogos colaborativos e didácticos) e degustamos  batidos de froitas, churros con chocolate e torta de San Ramón. A ANPA tamén colaborou coa realización dun divertido e inxeñoso obradoiro de xoaniñas de mazá. Foi unha axetreada e doce mañá, na que toda a comunidade educativa gozamos deste gran día.

Para ver fotos visitade a entrada feita no blog da Biblioteca Avelaiona Luíña

http://bibliotecacespon.blogspot.com.es/2016/05/feiron-semana-cultural.html

OBRADOIRO CAMISETAS

O alumnado de infantil elaborou unhas coloridas e fermosísmas camisetas nun dos obradoiros realizados dentro da XIV Semana Cultural.

OBRADOIRO DE PORTALIBROS

As nenas e os nenos de 4º, 5º e 6º realizaron un obradoiro de portalibros. A partires de goma eva e moita imaxinación confeccionaron uns fermosos, útiles e coloridos portalibros. Actividade enmarcada dentro da XIV Semana Cultural.

OBRADOIRO DE XABÓN

XOGO DE PISTAS

As clases divididas en equipos tiñan que unir esforzos para resolver unha serie de probas. Todas elas xiraban en torno á procura de información na nosa eiruga das palabras e tamén sobre a vida e obra do autor homenaxeado neste ano das Letras Galegas 2015: X. Filgueira Valverde.

SEMANA CULTURAL

Obradoiros, charlas, xogos, actividades plásticas...son algunhas das actividades previstas para a SEMANA DAS LETRAS.

MURAL ROSALÍA

O pasado 24 de febreiro de 2014 celebrouse o "Día de Rosalía" . A actividade de pintado dun gran mural nas paredes do patio cuberto non puido levarse a cabo debido ao mal tempo. Agora,  grazas a colaboración do alumnado de 6º e as labores de coordinación de Vanesa, Olivia e Muñiz xa podemos gozar desta obra de arte.

 

 

 

LETRAS GALEGAS 2013

O alumnado do 3º ciclo, seguindo a labor comezada fai xa moitos anos, elaborou as tres cartolinas coa caricatura, vida e obra de ROBERTO VIDAL BOLAÑO, autor homenaxeado nas Letras Galegas 2013. O noso conserxe Muñiz, continúa a colección de pratos de polbo gravando a caricatura de Roberto Vidal. ORIXINAIS, VERDADE?

 

PREMIOS MARCAPÁXINAS CONCELLO DE BOIRO

O alumnado do noso centro participou no certame de elaboración de marcapáxinas convocado polo Departamento do Concello de Boiro. A participación foi masiva e as técnicas e slogans do máis orixinal. O xurado seleccionou dous gañadores do noso centro: Carla de 4º e Nicolás de 3º.

A exposición dos marcapáxinas e entrega de premios tivo lugar o venres, 17 de maio. No mesmo acto, alumnado dos centros e primaria de Boiro realizaron a lectura de poemas. O noso centro estivo representado por Adriana de 4º que recitou o poema :"A FALA" de Manuel María e por Lidia de 3º que recitou "Con leres un libro" de Mamá Cabra.

 

OBRADOIROS SEMANA CULTURAL

Durante a Semana Cultural realizamos diversas actividades e obradoiros: "Mesas de expertos/as arredor dos seres mitolóxicos e as lendas, obradoiros de chaveiros, imáns, broches, trufas...Queremos destacar o obradoiro de cestería realizado grazas a colaboración da asociación  ADISBISMUR que ten a sede en A Serra de Outes, e se achegou ao noso centro para impartilo . Resultou moi interesante, o alumnado estivo moi motivado e unha gran maioría rematou a cesta. Foi unha semana moi atarefada para o profesorado, para o alumnado, para Muñiz e Ana...pero estivo xenial. Aquí déixovos un aperitivo de imaxes, pero se queredes ver máis entrade na GALERÍA.

 

Distribuir contido