Animación á lectura

ALUMNADO DO CEIP CESPÓN ACADA CINCO PREMIOS

Adrián Hermo, Marcos Lorenzo de terceiro de primaria e Antía Sánchez, Sergio Rial e Javier Torrado de 6º de primaria obtiveron premios no VI Certame Literario Ramón Martínez López,  convocado pola Concellería de Cultura e a Biblioteca Municipal. O acto de entrega tivo lugar o venres, 18 de xaneiro na Biblioteca Municipal . NORABOA AOS PREMIADOS/A e a todos e todas os/as que participástedes. Animarvos a seguir escribindo, a deixar voar a imaxinación...Aquí vos deixamos algúns momentos da entrega: lectura dos relatos, foto de grupo e fotos do noso alumnado con Mª José concelleira de educación do Concello de Boiro.

 

 

MOCHILAS VIAXEIRAS ANPA

Colaboración ANPA-colexio.

COLABORACIÓN ANPA COA BIBLIOTECA DO CENTRO

"A biblioteca debe ser o eixe dinamizador do centro" Curso tras curso intentamos que isto sexa unha realidade. Pois ben, os pais e nais do noso alumnado son plenamente conscientes desta afirmación. Así e unha vez máis a ANPA do noso centro, colaborou na organización dunha xornada de presentación de fondos ao alumnado, profesorado e as familias, para que fagan as súas propostas. A idea da ANPA e a de poñer en funcionamento unha mochila viaxeira máis por curso, con vistas ao vindeiro ano. MIL GRAZAS!

 

DÍA DO LIBRO

TÉS MOITO CONTO! este é o eslogan proposto para unha das actividades para conmemorar O DÍA DO LIBRO. Se queres ver máis información ou fotos visita o noso blog nos enlaces

http://bibliotecacespon.blogspot.com.es/2013/04/tes-moito-conto.html

http://bibliotecacespon.blogspot.com.es/2013/04/dia-do-libro.html

DÍA DA PAZ

Cancións, murais, presentacións, muro dos desexos...lecturas pola paz..hoxe 30 de xaneiro DÍA DA PAZ. FELIZ DÍA!

RECITANDO A CELSO EMILIO: 12 DO 12 ÁS 12

Acabouse a conta atrás...CHEGOU O 12 DO 12 ÁS 12. Punto de encontro: a Biblioteca. Despois dunha sinxela prezi recordando as pegadas de Celso Emilio, preparámonos para comenzar o recitado colectivo: "Deitado frente ao mar"   ademais de moitos outros poemas do comprometido galeguista.

A LOCOMOTORA MARÍA FUMAÇA CHEGOU Á BIBLIOTECA

O alumnado de cuarto de primaria presentou o libro con CD e DVD María Fumaça ao alumando de infantil e 1º ciclo. Elaboraron traballadas coreografías e o máis importante as gañas de colaborar e o espíritu de participación. Parabéns! Tivo lugar na biblioteca na hora de ler porque... a música tamén se le!

LENDAS CON TERESA

Quen é Teresa? É a avoa de Jairo de 4º de primaria e Ainara de 6º de infantil. Teresa tamén é profe. E nós como sabiamos que lle encantaría colaborar con nós, convidámola para que nos contase lendas na Biblioteca. E así foi: A orixe de Noia, A muller lobo,  A lenda da cobra...foron algunhas das que nos relatou. Só nos queda darlle as grazas e pedirlle que cando xa recompile algunha máis nos volva a visitar. Grazas, Teresa por colaborar no Proxecto Anual: "Lendas no tempo. Tempo de Lendas" da Biblioteca.

PREMIOS LITERARIOS

Alumnado do C.E.I.P. Cespón  recibe premios no V Certame Literario "Ramón Martínez López". Como en anteriores anos,  foron tres os premios recibidos: Desi (3º primaria), Sergio (4º primaria) e Lorena (6º primaria) recibiron premios polos relatos presentados. O acto tivo lugar na Biblioteca Municipal e o seu bibliotecario, Anxo Campos, foi o encargado de conducir esta entrega de premios. FELICITAR AOS PREMIADOS/AS  e como non,  a todos e todas os/as que presentástedes os vosos relatos e seguir animándovos a escribir as vosas historias, soños, desexos...

A PRENSA NA ESCOLA

o alumnado de 6º leva realizando ao longo do curso diversos e variados traballos coa prensa. Hoxe toca de novo, revisar e buscar a información precisa para opinar, responder a unhas cuestións plantexadas, ampliar información de temas traballados...Aquí volos deixo...SSSSSSSSSSS! Precisan silencio, so o ruído de pasar as follas curioseando as distintas seccións.

Distribuir contido