Magosto

XOGAMOS NO MAGOSTO

Despois de comer as ricas castañas asadas acudimos ao pavillón para gozar dunha xornada de xogos variados e moi divertidos. Na maioría deles, a castaña era o eixe principal: "mariola castañeira, papacastañas, carreiras con castañas nunha culler,  circuítos de castañas,...

Hai que destacar a boa organización  dos xogos: ao lado de cada xogo aparecía unha fotocopia explicativa. O alumnado de maior idade axudou e acompañou ao alumnado de infantil no percorrido polos distintos xogos.

MAGOSTO, 2019

NON CHAS QUERO                                                                      OUTONO BONITO                                                    

NON CHAS QUERO                                                                      CASTAÑAS NO CHAN

CASTAÑAS DO TEU MAGOSTO.                                                     CASTAÑAS ASADAS

NON CHAS QUERO                                                                      QUE RICAS QUE ESTÁN!

NON CHAS QUERO

QUE ME SABEN A CHAMOSCO!

MAGOSTO, 2018

O venres, 16 de novembro celebramos o magosto. Despois de comer unhas saborosas castañas asadas realizamos xogos. Pero sen dúbida, o máis divertido foi o tisnado das caras coas cinzas. Tamén é de admirar as distintas manualidades que cada grupo realizou para meter as castañas. BO PROVEITO!

 

MAGOSTO, 2017

E xa está aquí o MAGOSTO 2017. O venres, 10 de novembro nas dúas últimas sesión gozamos dunhas soborosísimas castañas asadas. Moitas nenas e nenos tiñan unhas chulísimas manualidades (caixiñas, cucuruchos,...) para poñer as súas castañas. Logo, chegou a hora das bromas, tisnamos as mans cos restos das brasas e xogamos a poñernos moi,  pero que moi negros. Que divertido!!!

Para rematar a xornada realizamos xogos: as catro esquinas, carreiras de sacos, a corda, o pano, o brilé, os zancos...

MAGOSTO, 2016


O venres, 11 de novembro celebramos o MAGOSTO. Castañas asadas, tisnado de caras e xogos con carozos, piñas, castañas,... foron as actividades que realizamos nas dúas útimas sesións deste día de San Martiño.


Tamén podemos observar os traballos plásticos realizados polo alumnado de infantil e 1º de primaria, para gardar as castañas á hora de degustalas. Neste último curso, engadiron refráns, cantigas e ditos desta temática e desta época.

Unha vez máis agradecer ás familias a súa colaboración mediante o envío de leña, carozos, piñas e castañas!

 

MAGOSTO, 2015

PREPARADOS/AS PARA IR RECOLLER AS CASTAÑAS ASADAS. DISTINTOS MODELOS DE CAIXIÑAS, COFRES, CUCURUCHOS...


 

MAGOSTO, 2014

Hoxe, 21 de novembro celebramos o MAGOSTO, A FESTA DAS CASTAÑAS. Grazas á colaboración das familias aportando leña e castañas e como non, a Muñiz e Pablo, que se encargaron de que estiveran as castañas quentiñas e no seu punto de asado. Despois de saborear unhas exquisitas castañas, adicámosnos a xogar: trompos, gomas, castelos con carozos, carreira de relevos con culler e castaña, xogo da ra, xogo do carozo... Quedan nestas imaxes algúns dos divertidos momentos vividos; se queredes ver máis pinchade na GALERÍA (arriba á dereita)

MAGOSTO, 2015

MAGOSTO, 2013

O venres nas dúas últimas sesións da mañá celebramos o Magosto. Despois de degustar unhas exquisitas castañas aportadas polo alumnado e asadas tan maxistralmente por Pablo, o noso xefe de estudos, estivemos xogando: á corda, cos peóns, a facer castelos con carozos, coas canicas, a xogos de roda ...O mellor é que o vexades! E para iso tedes que entrar na GALERÍA (arriba á dereita). Non vos perdades todos os detalles: as fermosísimas caixiñas elaboradas por infantil para tomar as castañas e as vistosísimas viseiras a xogo co cucurucho do alumnado de 1º, pasando polo típico cucurucho de follas de xornal..MIRADE...SEGURO QUE VOS GUSTAN!

MAGOSTO 2012

E aproveitando os bos días de sol, o xoves 15 de novembro celebramos O MAGOSTO no centro. Grazas a Muñiz e Pablo que suaron a gota gorda puidemos degustar unhas saborosas castañas asadas. O alumnado meteunas nos típicos cucuruchos e os máis pequenos/as realizaron unhas fermosísimas caixiñas moi decoradas para a ocasión. Logo tocou á hora do xogo: castelos de carozos, baile de trompos,... Aquí temos unha pequena mostra da xornada; para ver máis entrade na GALERÍA (arriba á dereita)

 

Distribuir contido