CEIP de Cespón

Estimadas familias, pola presente publicación queremos comunicar que a Conselleróia de Educación ven de facer pública a cuarta versión do protocolo de adaptación ao contexto da covid 19. En breve publicaremos neste mesmo medio a adaptación desta nova versión do plan ao noso centro, así coma o plan de ensino virtual no caso de corentenas ou confinamentos, pero pola súa importancia queremos destacar e adiantarvos a seguinte instrución, que consta no citado protocolo e que é novidade con respcto a anteriores versións: 

 "Se algunha persoa do núcleo familiar convive cunha persoa cun diagnóstico positivo da Covid-19, o alumnado ou o persoal do centro que convivan coa persoa positiva non poderán acudir ao centro, en virtude de ser considerados contactos estreitos.

Os conviventes dunha persoa con síntomas compatibles coa Covid (alumno/a ou profesional) que se encontre á espera do resultado, evitarán as interaccións sociais que sexan prescindibles ata que se confirme o resultado, pero non será necesario que garden corentena no domicilio, PODENDO ACUDIR tanto á escola como ao seu posto de traballo."

Poderedes consultar o resto das novidades pinchando AQUÍ

A dirección

Prezadas familias. pola presente comunicamos que a Anpa organiza un concurso "virtual" de cabazas de Samaín. Podedes consultar a información na foto que se achega nesta mensaxe.

Un saúdo

Achegamos información sobre unha actividade que realizará a Anpa o luns 26 de outubro, ás 18:30, no centro social de Cespón, sobre a prevención da violencia de xénero. 

No documento que compartimos, e que podedes visualizar e descargar, constan máis detalles da actividade.

A dirección

Achegamos dous documentos con información relativa á actividade da Anpa do centro.

A dirección

Prezadas familias: poñemos á vosa disposición a adaptación do protocolo Covid19 para o noso centro. Achegamos os diferentes documentos que podedes descargar e consultar co protocolo e anexos.

A dirección

Pola presente informamos que na secretaría do centro quedan bastantes vales de material para recoller. A partir do inicio das clases, o xoves 10 de setembro, podedes pasar a recollelos no horario habitual do centro. Recordade a persoa que o recolla debe ser a mesma que o solicitou.

Tamén aproveitamos para indicarvos que o alumnado deberá traer ao centro unicamente os libros do 1º trimestre. O resto de libros quedará na casa.

A dirección

Pola presente informamos que está convocada, por parte de diversas organizacións sindicais, unha xornada de folga no ensino para o xoves, 10 de setembro, polo que a actividade lectiva prevista poderase ver afectada.

No día de hoxe publícanse no DOG os servizos minimos que garanten a atención ao alumnado e que serán os seguintes para o noso centro: 

• 1 membro da dirección
• 1 mestre/a por cada grupo de alumnos que teña actividade lectiva prevista (4º e 5º de educación infantll 1º, 2º e 3º curso de educación primaria)

Consultar os documentos que se achegan.

Estimadas familias, pola presente comunicación achegamos nos diferentes documentos adxuntos a esta publicación as listas de material para as diferentes aulas de primaria. 

No referente aos materiais queremos resaltar que o alumnado NON traerá hidroxel, xa que o centro se encargará de xestionar a súa compra, distribución e uso nas aulas e diferentes dependencias. Esta decisión está fundamentada en que se evitan problemas derivados do seu mal uso e, ao mesmo tempo, na tentativa de minimizar (na medida das nosas posibilidades), a inversión económica á que vos tedes que enfrontar as familias neste inicio de curso. 

A dirección

Estimadas familias, iniciamos o curso académico 2020/2021 e queremos empezar por transmitirvos a seguinte información:

- Recollida de cheques de libros (1º e 2º) e vales de material: na secretaría do centro en horario de 10:00 a 13:00. O xoves, día 3 de setembro, o centro non fará atención ao público.

- Entrega de libros do fondo (3º a 6º): nos primeiros días de clase.

- En canto ao protocolo de adaptación á situcación actual informamos que estamos traballando para poñelo en coñecemento da comunidade educativa na maior brevidade posible. O obxectivo principal será tentar garantir a seguridade do alumnado, familias e profesorado cos medios que pon á nosa disposición á Consellería de Educación.

- Para o inicio das actividades lectivas seundo a Resolución do 1 de setembro de 2020 da Dirección Xeral de Educación, Formación Profesional e Innovación Educatva pola que se establece a incorporación gradual do alumnado para o curso 2020/21 nos centros docentes sostdos con fondos públicos na Comunidade Autónoma de Galicia. : 

• O día 10 de setembro incorporarase o alumnado de 4º e 5º de educación infantll 1º, 2º e 3º curso de educación primarial e educación especial.
• O día 11 de setembro incorporarase o alumnado de 6º de educación infantl e 4º, 5º e 6º curso de educación primaria.  

- Iremos informando a través deste medio das novidades que vaian xurdindo. 

A dirección