Outras actividades

PLANTACIÓN DE CARBALLOS

O curso pasado o centro participou nunha actividade proposta polo Departamento de Medio ambiente de Boiro: "UN CARBALLO, UNHA LANDRA". Moitas destas landras xerminaron pouco a pouco ata converterse nuns pequenos carballos. Foi o xoves, 21 de febreiro cando o alumnado axudado por persoal de forestal realizou a súa plantación no monte que está ao lado do centro. Para rematar puideron achegarse a un camión motobomba e comprobar, coa axuda dun bombeiro, a gran presión que exerce a auga ao saír pola mangueira.

 

QUE RICA ESTÁ A FROITA!

O colexio, dentro da súa programación de actividades de cara ó fomento dunha vida saudable e unha alimentación equilibrada participa na acción proposta pola Consellería de Medio Rural e  do Mar e coordinada pola Consellería de Cultura, Educación e Ordenación Universitaria no marco dos Plans Proxecta.  Do  11 ao 22 de febreiro de 2019,  levouse a cabo a  degustación  DA FROITA FRESCA NO COLEXIO.: mazás, plátanos,  mandarinas, fresas, plátanos,..

Desde a Biblioteca Avelaiona Luíña,  aproveitamos a ocasión para pedir a colaboración do alumnado para realizar receitas con froitas. Aquí vos deixamos algunhas das estupendas maneiras de comer froita.
Ao mesmo tempo o alumnado puido consultar a gran cantidade e variedade de fondos da biblioteca en torno a este tema.

ANDAINA EDUCACIÓN VIARIA

O alumnado de 3º e 4º,  como cada curso teñen unha sesión quincenal de educación viaria. Son varias as actividades que Xoana, policía local de Boiro e encargada de impartir as sesións, programa curso tras curso.
Este ano tivo lugar a primeira andaina para practicar in situ as normas de circulación traballadas na aula.
Foron varios os colectivos que participaron: Policía Local, Protección Civil, AMPAS dos distintos centros do concello de Boiro...
Co remate da actividade e  ao final da andaina chegou o Pegasus da DGT e aterrou ante a atónita mirada de todos e todas os/as alí presentes. O alumnado de tres en tres foron subindo ao helicóptero.
- QUE PASADA!- así expresaba o alumnado a súa experiencia.
 MOITAS GRAZAS A TODOS OS COLECTIVOS E MOI ESPECIALMENTE A XOANA!! PARABÉNS!
 
 

XA CHEGOU A PRIMAVERA: TULIPÁNS E XACINTOS

O alumnado de 1º, 2º, 3º e 4º no mes de febreiro decorou uns testos de barro nos que, con posterioridade plantou bulbos de tulipáns e xacintos. Pasados dous meses podemos ver o moito que medraron!

Agardamos impacientes que agromen as primeiras flores, que vos amosaremos.

ESPALLANDO A OBRA DE ROSALÍA

Foron varias as actividades levadas a cabo para celebrar o Día de Rosalía. Por unha banda, sumámonos a proposta da Asociación de escritores en Lingua Galega coa campaña #AbrideAFiestra, na que o alumnado escribiu poemas e realizou debuxos relacionados coa obra da nosa poetisa,  plasmándoos nas fiestras do colexio. Elaboramos carteis para colgar nos autobuses escolares, realizamos actividades LIM por ciclos,...Deixámosvos algúns recordos plasmados en fotos.

Distribuir contido