Alumnado

VISITA A CASA DAS CIENCIAS



VIAXE CULTURAL A CORUÑA

O alumnado de 1º, 2º, 3º e 4º viaxou Á Coruña para visitar a CASA DAS CIENCIAS (PLANETARIO) e a Casa do home (DOMUS). Esta saída estivo promovida desde o Equipo da Biblioteca dado a temática deste curso: O UNIVERSO. O alumnado puido gozar de dous museos onde está "PROHIBIDO NON TOCAR". Foi un achegamento lúdico á ciencia.

FOTOS DOMUS

PAKOLAS NA BIBLIOTECA

Paco Cerdeira, ou Pakolas, nome co que se presenta ante o público infantil, é músico e compositor, e defínese como rockeiro e guitarreiro, creando música para todos os públicos, desde os máis pequenos ata familias ao completo; “música para todos e todas e letras adaptadas aos máis pequenos”.

Que sorte que estivese na nosa biblio,  xa que pasámolo moi ben cos seus ritmos. Dar as grazas a ANPA pola axuda proporcionada para levar a cabo  esta actividade musical.

ANIMAIS SINGULARES: 4º DE PRIMARIA

O alumnado de 4º de primaria, dentro do Proxecto Anual da Biblioteca, procurou curiosidades sobre os seguintes animais: dragón de Komodo (Yago e Adrián), a xirafa (Sabela e Andrea), o cabaliño de mar pigmeo (Ainara, Ramón e Marcos P.) e sobre a balea azul (Noa, Manuel C. e Minia). Logo, gravamos as voces e elaboramos este vídeo. Realizamos a presentación para 5º e 6º de primaria. No caso do cabaliño pigmeo as voces non aparecen gravadas, porque preferiron expoñer en directo. PARABÉNS!!

ALUMNADO DE 5º: Animais en perigo de extinción

O alumnado de 5º de primaria dentro dos animais en perigo de extinción presentaron a vacaloura e o sapoconcho. PARABÉNS!

ANIMAIS QUE SE MIMETIZAN: ALUMNADO DE 3º

O alumnado de 3º de primaria realizou unha maxistral e interesante exposición do insecto folla. A través de vídeos, imaxes e una interesante explicación informáronnos de moitas características e curiosidades deste espectacular animal.

 

MURAL PROXECTO ANUAL DA BIBLIOTECA: OS ANIMAIS

Este curso seguimos co centro de interese "Os animais" comezado o curso pasado. Este é un dos murais realizados e no que podemos observar as temáticas que imos abordar. Cada titoría ten un subtema: animais raros, grandes, pequenos, invasores, autóctonos, ...Trátase de buscar información, preparala e expoñela a outras compañeiras e compañeiros doutras clases. ÁNIMO!!!

DÍA DA POESÍA: POEMANDO DO A ao Z

Na semana da Poesía realizamos varias actividades. Cabe destacar a que tivo lugar no patio onde o alumnado despois de realizar unha selección de poemas sobe animais (Tema do Proxecto da Biblioteca) realizou  actividades de procura de información e outras de carácter máis lúdico. Algúns cursos tiveron a sorte de que o tempo acompañou e puideron levala a cabo no patio. Outra das actividades propostas é a realización de acrósticos tomando como referencia nomes de animais. Se queres ver máis fotos destas actividades visita o blog da avelaiona Luíña.

NOVOS CARNÉS DA BIBLIOTECA ESCOLAR

NOVOS CARNÉS ESCOLARES! Luíña co paso dos anos foi cambiando e as nosas nenas e nenos tamén van medrando. Por iso, decidimos actualizar as fotos dos carnés escolares e cambiar a portada. CHULOS, EH???

POSTAIS NO DÍA DE ROSALÍA


O 24 de febreiro celebramos o "Día de Rosalía" coa confección de postais, seguindo unha proposta da Asociación de Escritores en Lingua Galega (AELG). No noso centro introducimos algunha variación á proposta inicial, tanto na elaboración dos postais como na temática dos versos.Os poemas que eliximos para que o alumnado memorizase o copiase foron versos relacionados coa cociña (tema do Proxecto Anual). Tamén se traballou na vida e obra desta galega ilustre.

 
Distribuir contido