Entroido

ENTERRO DO MECO, BAILES E SOBREMESAS DE ENTROIDO


Unha vez feito o desfile dos disfraces dos distintos cursos, realizouse a lectura do testamento do Meco. O alumnado de 6º acusouno de ser un ser maléfico e foi castigado coa fogueira.

Logo, para rematar de  celebrar a festa, o alumnado de 5º e 6º realizaron bailes. Para finalizar demos boa conta das ricas sobremesas de entroido enviadas polas familias.

MOITAS GRAZAS, FAMILIAS!!!!!

ENTROIDO 2017: DISFRAZÁMONOS DE ANIMAIS


Como vén sendo costume nestes últimos anos o tema dos disfraces sempre vai acorde co Proxecto Anual da biblioteca. Este ano xirou en torno aos animais:  coloridas estrelas de mar en infantil, anémonas en primeiro, ras e moscas en segundo, paxaros en terceiro, lontras en cuarto, coellos en 5º e bufos en 6º.

OS MANDAMOS DO ENTROIDO

O alumnado tivo que seguir os mandados do Meco durante  a semana anterior ao entroido. E cal foi a clase máis marchosa???? Pois si...as nenas e os nenos de 2º aos que a súa profe Carla animaba día tras día. PARABÉNS SEGUNDO!

ENTROIDO, 2016

 

E xa chegou o gran día: DESFILE DE ENTROIDO! O tema común foi a cociña (proxecto anual da biblioteca). Os disfraces: señor e señora pataca (infantil), galletas Chipies Ahoy(1º), iogures (2º), cociñeiras/os (3º), ratos/as e queixos (4º), cupcakes e reposteiros(5º) e ovos fritidos (6º). A continuación,  degustamos as saborosas sobremesas aportadas polas familias. MOITAS GRAZAS!!!

 

O MAR NOS DISFRACES DO ENTROIDO, 2015

Este ano o mar foi a temática en torno a cal xiraron os disfraces do entroido: polbos, cangrexos, pescadores, medusas,...déronse cita no desfile que tivo lugar no pavillón. Logo,  tivemos como todos os anos,  a degustación de sobremesas típicas da época. AGRADECER AS FAMILIA QUE COLABORARON TANTO APORTANDO DOCES COMO ACOMPAÑÁNDONOS NESTA CHUVIOSA MAÑA. Hai máis fotos na galería!!!!

 

CONTRASINAIS ENTROIDO, 2015

Xa estamos na gran semana. o Entroido xa peta á porta e nós deixámolo pasar lucindo unhas fermosas contrasinais. Día tras día, pintamos a cara, facemos peiteados, poñemos a roupa do revés, calzamos botas de auga...ata chegar ao GRAN DESFILE DO VENRES, 13 DE FEBREIRO. Este ano os disfraces van sobre o MAR.

ENTROIDO 2014

Aquí están os disfraces do entroido 2014. Fan referencia ao Proxecto anual da Biblioteca que trata sobre a ciencia. Queremos gozar vendo a imaxinación posta nos disfraces e tamén queremos agradecer ás familias do 2º ciclo pola realización de estupendas maquetas de inventos e agradecer tamén a todas as familias do alumnado a colaboración na preparación de sobremesas. AS FOTOS ESTÁN NA GALERÍA!

ENTOIDO 2013

Grazas a todas as familias pola colaboración e participación nesta xornada de Entroido. Non faltaron sobremesas de ningún tipo: filloas, orellas, rosquillas, tartas, flores, pastas, ... Os disfraces deste ano tiñan como tema común "OS SERES MITOLÓXICOS GALEGOS". ANANOS, COCAS, NUBEIROS, MOURAS, BASILISCOS, OLLÁPAROS, PEPA A LOBA E A SÚA CUADRILLA, DEMACHIÑOS...

Para ver as fotos do entroido ide á GALERÍA (arriba a dereita).

ESTAMOS NO ENTROIDO!

E XA COMEZAMOS CO ENTROIDO! ESTA SEMANA ESTIVEMOS COAS CONTRASEÑAS DE CADA DÍA:  gravata, plumas, antifaces...cada día a bruxa viña polas clases e daba a orde para o día seguinte...FOI DIVERTIDO!

Mañá, día de disfraces. Contaremos coa colaboración das familias para a elaboración de sobremesas de entroido. Será sobre ás doce cando as degustemos. Logo, iremos ás aulas para converternos en ananos, olláparos, nubeiros, mouras, demachiños, cocas,... e faremos o desfile no patio.Convidamos a todas as familias para que nos acompañedes neste día tan festeiro.

O ENTERRO DO FELIPIÑO

Este venres, 11 de marzo acompañamos ao Felipiño no seu triste final. Tal e como manda a tradición, procedemos á queima do Felipiño para poñer fin as festas do entroido. Gran parte do alumnado do centro xa era coñecedor desta actividade, realizada en anos anteriores; pero, era curioso observar as caras de desconcerto do noso alumnado de infantil.

 
Distribuir contido