1º ciclo

O ALUMNADO DO 1º CICLO VISITA AS FERVENZAS DO RÍO BAROSA

O martes, 6 de maio,  o alumnado do 1º ciclo viaxa ata o concello de Barro para visitar e gozar das fermosísimas paisaxes que ofrecen as fervenzas do río Barosa e a súa contorna. Observaron o funcionamento dun muíño e dun forno de leña. Degustaron un almorzo e participaron nun obradoiro de pan.  FOTOS NA GALERÍA

O 1º CICLO VISITA NOIA

O alumnado do 1º ciclo realizou unha visita a vila de Noia. Acompañados de titoras e titor e facendo as funcións de guía Vanesa,  a profe de relixión,  xa que coñece ben estas terras.  Visitaron o casco antigo de Noia pasando por:  a Praza do Tapal, da Fanequeira, a rúa do Comercio, ...a igrexa de Santa María na que viron as laudas gremiais. Logo, desprazáronse ata a Casa do Mar: o encargado da charla informativa púxolles a  funcionar o motor dun barco, faloulles das partes e pezas das embarcacións. Tamén tiveron nas súas mans restos fósiles como a mandíbula dun tiburón e a espada do peixe espada,... Estaba prevista a visita a uns muíños, pero o mal tempo fixo que houbese cambio de plans....  E ALÁ SE FORON A PRAZA DE ABASTOS A TOMAR CHOCOLATE CON CHURROS! QUE LARPEIROS/AS!

 

O 1º CICLO VISITA SANTIAGO

O alumnado do 1º ciclo o martes, 24 de maio realizou unha saída cultural a Santiago. Visitamos a catedral e as cubertas acompañados dunha guía. Logo, realizamos un percorrido polo casco antigo de Santiago, no tren turístico e, por último, vimos o Museo de Historia Natural. Tres grandes salas con rochas, minerais, animais disecados, fósiles... e tamén vimos ouro atopado na praia de Barraña! SE QUERES VER MÁIS FOTOS, VAI A GALERÍA.

 

O ALUMNADO DO 1º CICLO VISITA O PAZO DE GOIÁNS

O alumnado do 1º ciclo visitou o Pazo de Goiáns. Da man de dous monitores, Luís e María, fomos coñecendo datos, anécdotas, lendas...O primeiro que nos contaron foi que todo pazo debe ter capela, ciprés e pombal. Efectivamente, vímolas. Percorremos os arredores ateigados de árbores: camelios, sobreiras, carballos... Baixamos ata o embarcadeiro desde onde se pode acceder á praia. No edificio non puidemos entrar porque se atopa en mal estado e pode supor un perigo se algo se desprende e cae. En canto se poida e teñades ocasión non deixedes de visitalo. Paga a pena! Podedes ver máis fotos na galería.

O ALUMANDO DO 1º CICLO VISITA Á CONTORNA

O alumnado do 1º ciclo realizou unha visita á contorna. En primeiro lugar visitamos o viveiro de plantas de Espiñeira; a continuación, unha granxa de polos de Cures. En Espiñeira, coñecemos o nome de moitas plantas e árbores. Percorremos unha extensa finca con camelias, cerdeiras, plantas de kiwis...Plantamos unha árbore chamada Liquidambar e descubrimos unha placa coas características, o nome do noso colexio e os cursos que realizamos a saída. Tamén nos agasallaron con gominolas e dous contiños para colorear. Ás profes e ás mamás que nos acompañaron déronnos unha fermosa e colorida planta. Na granxa de polos tamén aprendemos moitas cousas: había 13.000 polos... Dende aquí queremos dar as grazas ás persoas que fixeron posible estas dúas visitas e ás nais de 1º e 2º que nos acompañaron. Recomendamos esta visita, sobre todo na primavera. SE QUEREDES VER MÁIS FOTOS IDE Á GALERÍA (arriba á dereita).

 

 

Distribuir contido