Encontros con autores/as

PABLO NOGUEIRA VISITA AO ALUMNADO DE 1º E 2º

Pablo Nogueira visitou a nosa biblioteca para atoparse co alumnado de 1º e 2º de primaria. Despois de ler o seu libro "NUBE BRANCA" , o alumnado tiña moito interese en coñecelo e falar da fermosa historia que narra no seu libro. As nenas e os nenos agasallárono cun fermoso mural colectivo situado na entrada da biblioteca e con fermosas plumas de indios  nas súas cabezas.  MOI ORIXINAL.

CELTIA FIGUEIRAS CO ALUMNADO DE INFANTIL

Celtia Figueiras a autora de ULA LÚA? representou este fermoso conto ao alumnado de infantil,  a través de MONICREQUES e de distintas paisaxes: o xardín, o parque,..Lúa é unha gatiña pequena, algo tímida e asustadiza. Vive coa súa avoa  nunha humilde casa. No exterior contan cun fermoso xardín no que Lúa pasa as horas xogando soa. Non ten irmáns e a avoa non lle deixa saír fóra, mais Lúa soña con viaxar, coñecer novos lugares e ter amigas e amigos para xogar.
 Unha historia sobre o amor, a familia e a amizade, onde valores como a  tenrura, o respecto ou a solidariedade cobran importancia para levarnos a un mundo onde a violencia non ten cabida e a ilusión fai dos soños unha realidade. PARABÉNS, FERMOSA HISTORIA!

ENCONTRO DE HÉCTOR CAJARAVILLE CO ALUMNADO DE 5º E 6º

O alumnado de 5º e 6º vén de ler o libro KUSUMA do autor Héctor Cajaraville. Como broche final a esta lectura e diferentes actividades levadas a cabo en torno ao libro, recibimos na biblioteca a visita do autor.

MARÍA CANOSA VISITA A BIBLIOTECA

O alumnado de 3º e 4º tivo un encontro coa escritora María Canosa. O tema central desta visita foi o seu libro " A CAZADORA DE ESTRELAS" que o alumnado estivo lendo. Un tema moi interesante e relacionado co Proxecto da biblioteca. O alumnado realizou marcadores coa protagonista da historia: Megumi, coas súas inseparables estrelas e as frechas de cor lila. Agasallaron a autora cun marcador. María Canosa deixou a súa adicatoria no libro de visitas da biblioteca e en cada libro do alumnado. Parabéns, por transmitirnos estas emocionantes historias na nosa lingua

O AUTOR MARCOS CALVEIRO VISITA O CENTRO

O alumnado de 5º e 6º traballou a obra de Marcos Calveiro: PALABRAS DE AUGA. Emocionante  historia de Amadou, o neno protagonista desta novela que nos traslada ao interior de África, a un deses lugares onde a eterna sequía e a guerra máis cruel condicionan a vida de todos. Estupendo mural realizado polo alumnado de 6º B no que contan e ilustran esta apaixonante historia. PARABÉNS!

ENCONTRO CO ESCRITOR ANTONIO MANUEL FRAGA

  O autor do libro "O castañeiro de abril" , Manuel Fraga,  estivo no noso centro para manter un encontro co alumnado do 3º ciclo. Estes alumnos e alumnas realizaron varias actividades en torno á historia narrada neste entrañable relato. Para ver máis fotos entra en ...

http://bibliotecacespon.blogspot.com.es/2014/04/o-castaneiro-de-abril.html

ANXO MOURE VISÍTANOS

O contacontos Anxo Moure, visitou hoxe, tres de maio o noso centro. Realizáronse tres sesións desde infantil ata o alumnado do 2º ciclo. A experiencia foi moi positiva, o grao de participación do alumnado e as ensinanzas que transmite a través dos seus contos son moi enriquecedoras. "O carballo con botas" "As árbores da PAZ" ...foron algúns dos contos en defensa da natureza, da paz, solidariedade,..dun xeito divertido e ameno. Se queres ver máis fotos destes divertidos encontros visita o blog da biblioteca.

 

SEMANA DA PRENSA

Do 11 ao 15 de marzo estivemos realizando actividades con xornais. Primeiro unha breve e sinxela explicación a que podedes acceder no blog da biblioteca no enderezo que aparece abaixo en primeiro lugar.  Tamén realizamos actividades escritas: ler noticias, partes, seccións, fotos, pé de foto, ..redactar noticias,coñecer tipos de xornais... podedes ver algunhas das propostas,  no blog da biblioteca no segundo enderezo que aparece.

http://bibliotecacespon.blogspot.com.es/2013/03/semana-da-prensa.html

http://bibliotecacespon.blogspot.com.es/2013/03/actividades-semana-da-prensa.html

 

MARCOS CALVEIRO, PREMIO MERLÍN 2012

O alumnado do 3º ciclo estivo traballando o libro " PALABRAS DE AUGA" de Marcos Calveiro. Hoxe, 6 de marzo tivo lugar na biblioteca do centro a charla que o autor mantivo co alumnado. Moi interesante e gratamente motivadora. É un libro que dende a Biblioteca Avelaiona Luíña vos recomendamos. Podedes ver algúns dos traballos realizados polo alumnado para recrear o relato.

 

Distribuir contido