Outras actividades

PARABÉNS!!! O ACIVRO DO CENTRO ESTÁ DE ANIVERSARIO

O acivro do centro está de aniversario: 25 anos!

Para celebralo o alumnado achegouse e fixo fotos ao seu carón. Logo, as nenas e nenos  de 5º encargáronse de buscar información deste tipo de árbores. Grazas a eles puidemos enterarnos de moitas curiosidades! PARABÉNS, 5º!

O NADAL EN IMAXES: DECEMBRO, 2018

UNHA LANDRA HOXE: UN CARBALLO MAÑÁ

Para as e os seguidores da nosa páxina recordaredes que alá no mes de marzo levamos a cabo a plantación de  landras, actividade que estivo coordinada polo Departamento de Medio Ambiente de Boiro. Non queremos deixar de amosarvos o grandes que xa están esas landras convertidas en pequenos carballos. Podedes ver tamén algunha foto das coloridas plantas de tulipáns, xacintos,...actividade enmarcadas dentro do Proxecto Voz Natura.

EDUCACIÓN VIARIA EN 3º e 4º

A mestra de Educación Viaria organizou unha sesión máis visual e práctica co alumnado de 3º e 4º de primaria. Nesta clase práctica acompañaron a Xaona, membros do equipo de ciclismo de Boiro, un empresario do ramo do deporte especializado en ciclismo e Ricardo,  un veciño de Boiro,  que desgracidamente sufriu hai anos  un accidente en moto o que lle ocasionou unha grave lesión que o deixou postrado nunha cadeira de rodas. Isto non significou que Ricardo abandonase a bicicleta, só que agora faino nunha bicicleta adaptada. Todas estas persoas o que quixeron foi concienciar o alumnado de facer un bo uso do casco e das normas de educación viaria vistas na aula. Ademais de animar ao alumnado á práctica do deporte, amosáronlles bicicletas de montaña, de fibra de carbono, eléctricas,..

PARABÉNS A TODAS E TODOS E MOITAS GRAZAS!!

 

CALLEJEROS BARBANZA: CARLOS E LÚA

O xoves 30 de novembro tivemos unha visita moi especial: Lúa chegou á nosa biblioteca na compaña de Carlos. Quen é Lúa? Pois unha fermosa e cariñosa cadeliña que a asociación "Callejeros Barbanza" recolleu na rúa e agora coida á espera de atopar un fogar. E así sucede con moitos outros cans e gatos que esta asociación recolle e coida nas súas instalacións. Pois ben Carlos, estivo dialogando co alumnado recordando que os animais de compañía non son xoguetes nin caprichos. Ter un animal implica coidalo, querelo,...Así llo demostrou Lúa ao alumnado que repartiu caricias o tempo que estivo con nós.

 
 

UNHA LANDRA HOXE: UN CARBALLO MAÑÁ

O concello de Boiro a través do persoal do Departamento de Medio Ambiente realizou unha sesión no noso centro na que explicaron ao alumnado as árbores autóctonas de Galicia, a fauna propia da nosa contorna,...unha vez rematada a sesión cada nena/o plantou nun brick unha landra. Subímolas ás aulas para coidalas á espera de que agromen uns pequenos carballos que iremos coidando para despois repoboar os nosos montes. ESTUPENDA ACTIVIDADE!

BOIRO SOSTIBLE

O alumnado do centro recibiu unha sesión de información promovida polo concello en colaboración coa USC. Dependendo das idades o alumnado a través de imaxes estivo reflexionando sobre necesidade de reducir, reutilizar, reciclar e recuperar todo aquilo que se poida. O efecto invernadoiro, o cambio climático,...son os efectos que xa estamos notando.

COMO MEDRARON AS NOSAS PLANTAS!!!!


Supoño que recordaredes a plantación que realizamos de bulbos de gladiolos, liliums, petunias...POIS MIRADE COMO MEDRARON!! Claro, ... é que as coidamos moito,  día tras día. Agora agardamos que saian pronto as flores.
 
 
 
 

COMEDEIROS PARA PAXAROS

Distribuir contido