OBRADOIRO DE CESTEIRÍA

Do 12 ao 16 de maio celebramos a XIII Semana Cultural. Hoxe realizou o 2º ciclo un obradoiro de cestos grazas á colaboración de ADIBISMUR de A Serra de Outes, que un ano máis colaborou nesta estupenda actividade.

 

O ALUMNADO DO 1º CICLO VISITA AS FERVENZAS DO RÍO BAROSA

O martes, 6 de maio,  o alumnado do 1º ciclo viaxa ata o concello de Barro para visitar e gozar das fermosísimas paisaxes que ofrecen as fervenzas do río Barosa e a súa contorna. Observaron o funcionamento dun muíño e dun forno de leña. Degustaron un almorzo e participaron nun obradoiro de pan.  FOTOS NA GALERÍA

VERMES DE SEDA BUSCAN CASA!

Como xa vén sendo habitual nos últimos anos a compañeira Ana encárgase de levar a cabo a experiencia das distintas etapas da vida do verme de seda. A tarefa do coidado é laboriosa porque a parte de encargarse de traer as follas de moreira que devoran rapidamente, necesitan  limpeza. Este curso o número de vermes é moi abundante polo que, ANA,  propuxo a idea de poder repartir algúns entre o alumnado e poidan continuar o proceso nas súas casas. Tres eran as condicións que debían cumprir: pedir permiso nas casas, traer unha caixiña de cartón e localizar follas de moreira para poder alimentalos. Hoxe pola mañá xa se foron parte das PEQUENAS LARVAS  para as casas do noso alumnado. AGORA COIDÁDEOS MOITO!

 

ENCONTRO CO ESCRITOR ANTONIO MANUEL FRAGA

  O autor do libro "O castañeiro de abril" , Manuel Fraga,  estivo no noso centro para manter un encontro co alumnado do 3º ciclo. Estes alumnos e alumnas realizaron varias actividades en torno á historia narrada neste entrañable relato. Para ver máis fotos entra en ...

http://bibliotecacespon.blogspot.com.es/2014/04/o-castaneiro-de-abril.html

XORNADA DE SENDEIRISMO

E como xa vén sendo habitual nos últimos anos, a véspera de vacacións de Semana Santa,  realizamos unha xornada de sendeirismo en San Ramón de Bealo. Ao chegar dividímonos por ciclos realizando distintos percorridos polas fermosísimas paraxes de San Ramón. Facemos un pequeno descanso para tomar a merenda e continuamos a caminata ata as 13:00h. Este día realízase xornada reducida tal e como consta no Plan Xeral Anual.  VER FOTOS NA GALERÍA.

 

VERMES DE SEDA

Xa comezamos coa posta en marcha do ciclo de vida do verme de seda ata chegar a bolboreta. A encargada da actividade é, ao igual que en anos anteriores,  Ana que coida con esmero todos os pasos a seguir. Este ano a exposición está colocada nunha gran caixa de madeira con cristal na parte externa para que se poida observar con toda nitidez todo o proceso. 

O ALUMNADO DO 2º CICLO REALIZA UNHA SAÍDA CULTURAL

O alumnado do 2º ciclo realizou o martes 8 de abril a viaxe cultural do segundo trimestre. Pola mañá achegámonos ao Museo de Pontevedra para realizar a actividade: "Vendo, ollando, mirando". O alumnado en  grupos convertéronse en auténticos críticos de arte. A partires dun cuestionario e a través do diálogo e a posta en común ían observando un cadro. Para concluír cada grupo expoñía as súas pescudas aos demais compañeiros/as.

Pola tarde achegámonos ao río Barosa no concello de Barro. Un precioso e bucólico lugar con paisaxes marabillosas, augas tranquilas, muíños e unha fermosa catarata. Aquí realizamos varias actividades guiadas: visita e explicación a un muíño de auga e a un forno de leña. Posteriormente, realizaron un obradoiro de amasado de pan, para rematar merendando zume, chocolate, galletas e magadalenas. EXCURSIÓN MOI INTERESANTE!

 

O ALUMNADO DE 6º CELEBRA OS ANIVERSARIOS DO TRIMESTRE

O alumnado de 6º, como vén sendo habitual ao longo dos cursos, celebra os aniversarios do alumnado que cumpriu no segundo trismestre do curso 2013/2014. Neste caso,  PARABÉNS para Jhon, María da Silva, Borja e Rubén Otero.

 

LISTAXE PROVIDIONAL DE ADMITIDOS CURSO 2014/2015

 

DÍA DA POESÍA, 2014

O 21 de marzo celebramos o Día da Poesía. A proposta da biblioteca tiña por título: POESÍA E CIENCIA. Cada clase elaborou poemas en forma de caligramas (con inventos), pictogramas,...poemas a Marie Curie, Alfred Nobel, Darwin,  A. Fleming,...

Distribuir contido