Blogue de Mónica

O TEMPO PASA RÁPIDO, XA SE INICIOU O MES DE FEBREIRO.

- REMATAMOS O MES DE XANEIRO CONMEMORANDO O DÍA DA PAZ ESCOLAR. NO TRABALLO DE AULA:

   *DESCUBRIMOS OS SÍMBOLOS DA PAZ,  E QUEN FOI GANDI,

   *APRENDIMOS UNS VERSOS DO POEMA DE GLORIA FUERTES "SOLO 3 LETRAS PARA ESCRIBIR PAZ, LA P, LA A Y LA Z, SOLO 3 LETRAS",

   *DIALOGAMOS SOBRE O NECESARIO E POSITIVO QUE É AXUDAR AOS DEMAIS DA MANEIRA QUE POIDAMOS, NON FACER A VIOLENCIA QUE CAUSA DANO E TRISTEZA.

NÓS SOMOS UN GRUPO, E ENTRE TODOS E TODAS INTETAREMOS AXUDARNOS E RESPETARNOS

LEMOS O CONTO "WANGARI Y LOS ÁRBOLES DE LA PAZ", E DÉMONOS CONTA QUE HAI XENTE QUE NON QUERE FACER A PAZ, QUE TRATA MAL ÁS PERSOAS QUE BUSCAN A XUSTIZA, A IGUALDADE; "NON É XUSTO"

E A NIVEL DE COLE, XUNTOS COMO COMUNIDADE, CANTAMOS UNHA VERSIÓN GALEGA DE "IMAGINE", DE JOHN LENNON, ACOMPAÑADA POLOS INSTRUMENTOS NAS MANS DE MOITO ALUMNADO.

- PROPOSTA DE LECTOESCRITURA CO NOME:

CADA DÍA C@ ENCARGAD@, MIRAMOS CANTAS LETRAS TEN O SEU NOME E SE HAI OUTROS CON IGUAL CANTIDADE?

- EXPERIMENTACIÓN:

XA SEMANA PASADA INICIAMOS ESTE TRABALLO: FIXEMOS UN EXPERIMENTO CON XICES DE CORES E, COMPROBAMOS QUE SE AS MOLLAMOS EN AUGA MISTURADA CON AZUCRE, A COR NON SE DIFUMINA

DESPOIS DE FACER O EXPERIMENTO, PINTAMOS, FIXEMOS AS NOSAS CREACIÓNS PARA COMPROBAR QUE O XIZ NON SE BORRABA

E APROVEITAMOS A TRABALLAR CO TEXTO INSTRUCTIVO, RECORDANDO AS SÚAS PARTES E A SÚA ESTRUCTURA, FACENDO TAMÉN ESCRITURA CONTEXTUALIZADA (É DICIR, ESCRIBIMOS CUN MOTIVO), TRABALLANDO A ORGANIZACIÓN NO PAPEL, O RECOÑECEMENTO DE LETRAS PARA ORDENAR A COMPOSICIÓN DO TÍTULO, INICIÁMONOS NO USO DE ORDINAIS. UNS EXEMPLOS:

- LOXICAMATEMÁTICA:

   * ASOCIAR E AGRUPAR CANTIDADES, REPRESENTADAS EN CARTAS CON DISTINTOS ELEMENTOS (DEDOS, PAUS, PUNTOS), PARA SEGUIR FAMILIARIZÁNDOSE COS CARDINAIS, COA SÚA CANTIDADE, COA SÚA ORDE NA SERIE NUMÉRICA

   * APROVEITAMOS QUE XA REMATAMOS O MES DE XANEIRO, PARA FACER UN RECONTO DOS DIVERSOS PLÁSTICOS QUE XERAMOS NA NOSA AULA: BOTES, BRICKS E ENVOLTORIOS DE PLÁSTICOS. A PARTIR DA TÁBOA DE RECOLLIDA DA DATOS QUE MARCAMOS CADA DÍA, USAMOS DISTINTO MATERIAL PARA FACER A REPRESENTACIÓN DAS CANTIDADES ANOTADAS (CORCHOS- BOTES, TACOS- BRICKS, PEZAS CIRCULARES- ENVOLTORIOS).

FIXEMOS UN RECONTO MANIPULATAIVO- ILUSTRATIVO E, DÉMONOS CONTA QUE XUNTAMOS MÁIS ENVOLTORIOS PORQUE 39 É MÁIS GRANDE (BUSCAMOS E SITUÁMOLO NA TÁBOA NUMÉRICA), AÍNDA QUE A FILA DOS BOTES ERA MÁIS LONGA E A NIVEL VISUAL, PENSABAN QUE ERA ONDE HABÍA MÁIS.

ADEMAIS XA ENCHEMOS O COLECTOR COS PLÁSTICOS DUN SO USO, DAS MERENDAS, EN TAN SO 13 DÍAS, DENDE O 16 DE XANEIRO ATA O 1 DE FEBREIRO

POUCO A POUCO AS CRIANZAS VANSE CONCIENCIANDO, E REFLEXIONANDO SOBRE ESTE TEMA, QUE É O IMPORTANTE. OXALÁ AS AUTORIDADES AXUDARAN NESTE ASPECTO!

- 2 DE FEBREIRO, DÍA DA CANDELORIA, FALAMOS DESTA DATA POLO SIGNIFICADO QUE TEN NO ÁMBITO NATURAL DENDE TEMPOS PASADOS:

   *DISE QUE É O DÍA DO CASAMENTO DO PAXAROS ("A PARTIR DA CANDELORIA NINGUNHA AVE VOA SOA"),

   *TAMÉN NO ÁMBITO AGRÍCOLA, ERA O INICIO DA LUZ, A PARTIR DESTE DÍA QUE COMEZABAN A PREPARAR AS TERRAS PARA SEMENTAR. NÓS TAMÉN IMOS APROVEITAR A PLANTAR NAS NOSAS XARDINEIRAS, PERO QUE SE PLANTA NESTAS DATAS?

   *NO ÁMBITO RELIXIOSO, É COÑECIDA COMO A FESTA DAS CANDEAS, QUE ACENDÍAN E BENDECÍAN COMO SÍMBOLO DE FERTILIDADE, DE PROTECCIÓN FRENTE ÁS DESGRAZAS

GRAZAS Á COMPAÑEIRA BERENA QUE NOS MOSTROU UNS NIÑOS, UN QUE CREOU E OUTRO NATURAL QUE ATOPOU

- INICIAMOS A ACTIVIDADE DE PRÉSTAMO DE CONTOS, NA QUE CADA VENRES AS CRIANZAS LEVAN UN CONTO Á CASA PARA COMPARTIR A SÚA LECTURA COA SÚA FAMILIA E GOZAR DUN TEMPO DE GOCE E DIÁLOGO ARREDOR DO CONTO

SEGUIMOS UNHA SEMANA MÁIS, COMPARTINDO ALGUNHAS DAS PROPOSTAS NAS QUE ANDIVEMOS TRABALLANDO NESTA SEMANA:

- INICIAMOS UNHA ACTIVIDADE, DENTRO DO PROXECTO "COMANDO VERDE", QUE CONSISTE EN ANALIZAR E TOMAR CONCIENCIA DA CANTIDADE DE PLÁSTICOS QUE XERAMOS, SOAMENTE COAS MERENDAS. PRETÉNDESE QUE OBSERVEMOS E ANALICEMOS A GRAN CANTIDADE DE PLÁSTICOS DUN SO USO, QUE XUNTAMOS TAN SO NO NOSO CENTRO, E CANTO TEMPO TARDAMOS EN ENCHER UN COLECTOR AMARELO.

PREOCÚPANOS ESTE TEMA E CONSIDERAMOS QUE NAS NOSAS MANS ESTÁ A LABOR DE AXUDAR A REDUCIR ESTE RESIDUO QUE TANTO DANO ESTÁ CAUSANDO NO NOSO PLANETA: CONTAMINANDO AUGAS E MONTES, CAUSANDO A MORTE DE ANIMAIS, ...; A NOSA TERRA PRECISA DA AXUDA DE TOD@S!

PARA PRESENTAR ESTA ACTIVIDADE, PARTIMOS DA VISUALIZACIÓN DUNHAS IMAXES IMPACTANTES (ANIMAIS ATRAPADOS EN ENVOLTORIOS DE PLÁSTICO, MONTAÑAS DE PLÁSTICO,...) E DUNS DATOS TERRIBLES SOBRE O GRAN IMPACTO DOS PLÁSTICOS NA VIDA NA TERRA,E DIALOGAMOS SOBRE O QUE PODEMOS FACER NÓS SIMPLEMENTE CAMBIANDO ALGÚNS HÁBITOS

  O PLÁSTICO DE 2 MERENDAS NA AULA                  O PLÁSTICO DAS MERENDAS DE TODO COLE EN 3 DÍAS

- LOXICAMATEMÁTICA:

   * AVANZAR NA SERIE TANTOS LUGARES COMO INDICA O DADO EN CADA TIRADA. O OBXECTIVO E IDENTIFICAR A CANTIDADE E FAMILIARIZARSE COA SERIE NUMÉRICA: VERBALIZAMOS A QUE NÚMERO CHEGAMOS, IDENTIFICAMOS CAL ESTÁ DIANTE E CAL DETRÁS. SENÓN SE RECOÑECE CANTOS PUNTOS HAI SOLO OBSERVANDO O DADO, POIS CONTAMOS E SENÓN SE SABE INDICAR O NOME DO NÚMERO AO QUE CHEGA, OU ANTERIOR E POSTERIOR, RECURRIMOS A CONTAR SOBRE A SERIE NUMÉRICA.

   * ORDENAMOS A SERIE NUMÉRICA ATA 6 E ASOCIAMOS COA SÚA CANTIDADE. LOGO ORDENAMOS ATA 10, TENDO QUE IDENTIFICAR O CARDINAL QUE TOCABA, APOIÁNDONOS NA SERIE SE ERA PRECISO.

- INICIAMOS UN PROXECTO SOBRE OS GATOS, DESPOIS DUNHA ELECCIÓN E VOTACIÓN CONXUNTA

   * PRIMEIRO PASO FOI REXISTRAR O QUE SABEMOS E O QUE QUEREMOS SABER SOBRE ESTE ANIMAL

   * FOMOS Á BIBLIOTECA PARA BUSCAR LIBROS INFORMATIVOS SOBRE ESTE ANIMAL, PARA LEVAR Á NOSA AULA, E CREAR O NOSO RECANTO DESTE PROXECTO E TER A DISPOSICIÓN RECURSOS PARA INFORMARNOS E COÑECER UN POUCO OS GATOS 

- SAÍDA Á SANTIAGO DE COMPOSTELA, PARTICIPAR NUN "OBRADOIRO STEAM" NA AFUNDACIÓN ABANCA. ONDE NOS FALARON DA TORMENTA DE IDEAS, QUE MOITOS ARTISTAS EMPREGAN PARA LOGO DESEÑAR AS SÚAS OBRAS DE ARTE (OBSERVARON E ANALIZARON CADROS; QUE ELEMENTOS EMPREGABAN , QUE LLES PODERÍA FALTAR, OBRAS QUEREN REXEITAR A IGUALDADE, COMO SE PODE ENCENDER UNHA BOMBILLA CONECTANDO A PILA COS CABLES USANDO CLIPS COMO UNIÓN, TRAZAR E PINTAR SOMBRAS DE SILUETAS DIFERENTES,...)

NESTAS SAÍDAS, TAMÉN RESULTA TODA UNHA EXPERIENCIA IR EN BUS (PARA ALGÚNS QUE NON USAN ESTE MEDIO), SABER CAMIÑAR POLAS RÚAS, COMO FOI NESTA OCASIÓN EN SANTIAGO, E DESCUBRIR NO CAMIÑO DIFERENTES COUSIÑAS (POMBAS COMENDO, A CATEDRAL DE SANTIAGO, ALGÚNS RECOÑERON O MUSEO GRANELL,...)

CHEGAMOS XA AO REMATE DO 1º TRIMESTRE NESTE CURSO; QUE RÁPIDO PASOU!!!

E PARA DAR INICIO ÁS VACACIÓNS DE NADAL, QUIXEMOS DENDE O COLE, POÑER O NOSO GRAN DE ILUSIÓN E ALEGRÍA, REMATANDO O ÚLTIMO DÍA CON FESTA:

-- A DEGUSTACIÓN DE CHOCOLATE CON CHURROS- CORTESÍA DO COMEDOR

-- A REPRESENTACIÓN SIMBÓLICA DAS CAMPANADAS DE FIN DE ANO, NESTA OCASIÓN CON GUSANITOS, PARA DAR A BENVIDA AO NOVO ANO TOD@S XUNT@S.

-- A AMBIENTACIÓN MUSICAL CON DIFERENTES PANXOLIÑAS INTERPRETADAS POR TODO O ALUMNADO, NOS DISTINTOS NIVEIS, E ACOMPAÑADAS POLO SON DE INSTRUMENTOS E VOZ, EN VIVO E EN DIRECTO, DO MESTRE DE MÚSICA, ÓSCAR, XUNTO A VARIOS CRIANZ@S; FOI UNHA FESTAZA!!!

               BOAS FESTAS FAMILIAS!!!

XA PASOU UNHA SEMANA MÁIS E CON ELA REMATA NOVEMBRO E DA INICIO AO ÚLTIMO MES DO ANO; DECEMBRO

* O MES DE DECEMBRO, É UNHA DATA ESPECIAL PARA AS CRIANZAS, PORQUE É A ÉPOCA DOS XOGUETES POR EXCELENCIA, POR ISO, QUEREMOS REFLEXIONAR UN POUCO CON ELAS SOBRE ESTA TEMÁTICA.

PARA COMEZAR A PROPOSTA, TROUXERON Á AULA O XOGUETE QUE MÁIS GUSTA A CADA QUEN, PARA FACER UNHA ANÁLISE MÁIS SIGNIFICATIVA, CON CARGA EMOCIONAL PORQUE SON OS SEUS XOGUETES.

AO LONGO DA SEMANA XA PUIDEMOS REXISTRAR NA TÁBOA CREADA, PARA O FIN:

   - O MATERIAL DE QUE ESTÁN FEITOS, COMPROBANDO QUE O PLÁSTICO É O MÁIS ABUNDANTE.

   - CANTAS PERSOAS PODEN XOGAR CO XOGUETE AO MESMO TEMPO- COMPROBANDO QUE MAIORMENTE SON XOGUETES INDIVIDUAIS

   - A QUEN VAI DIRIXIDO CADA XOGUETE- AQUÍ A MAIORÍA DAS CRIANZAS TIÑAN CLARO QUE CALQUERA XOGUETE PODE SER TANTO PARA AMBOS SEXOS

 SEGUIREMOS COA NOSA ANÁLISE............

* SEGUIMOS CON PROPOSTAS PARA IDENTIFICAR E TOMAR CONCIENCIA DAS FIGURAS XEOMÉTRICAS QUE NOS RODEAN

   - FIXERON UNHA CREACIÓN CONXUNTA COS ELEMENTOS CIRCULARES QUE APORTARAN AS CRIANZAS DAS SÚAS CASAS

   - XOGO DE IDENTIFICACIÓN DE FORMAS AO MESMO TEMPO QUE SE FOMENTA A PINZA DIXITAL

* ACTIVIDADES DE FOMENTO DA LECTOESCRITURA:

   - BUSCA DAS LETRAS DO SEU NOME ENTRE O MILLO. ORDENAR E COMPOÑER OS SEUS NOMES E COMPROBACIÓN COA TARXETA DE APOIO QUEN A PRECISE

   - RECORTAR, ORDENAR AS LETRAS DO SEUS NOMES, IDENTIFICAR A SÚA INICIAL E FINAL E CONTAR O NÚMERO DE LETRAS, TENDO COMO APOIO A SERIE NUMÉRICA PARA LOCALIZAR O CARDINAL QUE CORRESPONDA

* SESIÓN DE PSICOMOTRICIDADE: COMPROBAR AS VARIADAS POSIBILIDADES QUE NOS OFRECEN OS AROS

UNHA SEMANA MÁIS COMPARTIMOS ALGÚNS EXEMPLOS DE PROPOSTAS SOBRE AS QUE TRABALLAMOS:

- DISCRIMINACIÓN DE FIGURAS XEOMÉTRICAS: AGRUPACIÓN DE FORMAS IGUAIS (CÍRCULOS, CADRADOS, TRIÁNGULOS)

- LOXICAMATEMÁTICA;

IDENTIFICACIÓN DE CARDINAIS: O OBXECTIVO ERA RECOÑECER O NÚMERO, TENDO A SERIE NUMÉRICA DE APOIO, E CREAR CONXUNTOS COA CANTIDADE QUE REPRESENTAN CADA UN (UN GRUPO DE CRIANZAS)

LOGO ORDENAR EN ORDE ASCENDENTE. E DESPOIS OUTRO GRUPO DE CRIANZAS TIÑA QUE CREAR CONXUNTOS IGUAIS AOS DADOS, COA MESMA CANTIDADE DE ELEMENTOS.

- LECTOESCRITURA;

RECOÑECER OS SEUS NOMES E LOGO COMPOÑELO CON LETRAS MÓVILES, TENDO COMO APOIO AS TARXETAS, E INCLUSO IDENTIFICAR O NÚMERO DE LETRAS QUE TEN

- DADO QUE NOVEMBRO É O MES DA CIENCIA, COMEZAMOS A FACER EXPERIMENTOS SINXELOS, PARA FAMILIARIZARSE COA ESTRUCTURA DO TEXTO INSTRUCTIVO, ASI COMO FAVORECER FORMULACIÓN DE HIPÓTESES SOBRE O QUE VAI PASAR E EXPRESAR O RESULTADO FINAL, ENTRE OUTROS

NESTA OCASIÓN FIXEMOS O EXPERIMENTO DA AUGA TINGUIDA: USANDO LACASITOS O SEU TINTE PASA Á AUGA, DISÓLVESE  E LOGO MISTÚRASE SE MOVES O RECIPIENTE.

INCLUSO PROBAMOS COMO O TINTE DOS LACASITOS PINTA AS LINGUAS AO COMELOS, PERO TAMÉN TINGUIRÁ A NOSA BARRIGA??

- DENTRO DO PROXECTO CONTA COMIGO, TIVEMOS A SORTE DE TER CON NÓS A AVOA MARY (AVOA DE LIRA), QUE NOS VEU CONTAR O CONTO DE "COCORICO" E ADEMAIS TRÓUXONOS UNHA BICA PARA COMPARTIR, MIL GRAZASSS MARY. ADEMAIS XA NOS CITAMOS PARA FACERNOS OUTRA VISITA PORQUE VAINOS TRAER Á AULA UNS GATIÑOS PARA TOCALOS, COÑECELOS,..

- PSICOMOTRICIDADE: HOXE FIXEMOS QUENCEMENTO CORRENDO DE FRENTE, DE LADO, DE COSTAS, A SALTOS E LOGO EN GRUPO TRABALLAMOS AS NOCIÓNS POR DEBAIXO DE - FACENDO UNHA FILA E UN TÚNEL COAS PERNAS ABERTAS PARA PASAR E LOGO PASAR POR ENRIBA DOS CORPOS DELES DEITADOS , POR QUENDAS