Blogue de Laura

AO CHEGARMOS Á AULA, TIÑAMOS UNHA CAIXA CUNHA NOTA: “SE A CAIXA QUEREDES ABRIR, UNHA CARTA TEREDES QUE ESCRIBIR. ASINADO: O MAGO CATAPÚN”. (NOTA: SE NON O SABEDES, ESTE MAGO VIVE NA CLASE, DORME DENTRO DO PROXECTOR,  ÁS VECES FAI QUE NON NOS FUNCIONE O COMPUTADOR E GUSTA MOITO DE NOS DEIXAR SORPRESAS.)

COA NOSA SABEDORÍA, SEN AXUDA E DE FORMA LIBRE, ESCRIBÍMOLA. DESPOIS, ABRIMOS A CAIXA. HABÍA POSTAIS, ENVELOPES E CARTAS.

TRABALLAMOS O FORMATO, A ESTRUTURA E AS PARTES. 

COMO MOIT@S NEN@S ESCRIBIRON PREGUNTAS AO MAGO CATAPÚN, MOI EDUCADO, CONTESTOU PERSOALMENTE, DEIXANDO AS CARTAS DENTRO DA CAIXA. 

AO IRMOS ADQUIRINDO COÑECEMENTOS DESTE TIPO DE TEXTO, ESCRIBIMOS UNHA CARTA CONXUNTA.

PARTICIPAMOS NUNHA INSTALACIÓN ARTÍSTICA COAS NOSAS FOTOS. AO CHEGARMOS A AULA, ESTABA TODO DISPOSTO PARA COMEZAR. CON TOTAL LIBERDADE E ESCOITANDO A MOZART DE FONDO, CREAMOS E DECORAMOS ATA QUE DECIDIMOS POR NÓS MESMOS QUE AS NOSAS OBRAS ESTABAN REMATADAS. ESTA ACTIVIDADE AXUDOUNOS MOITO NA NOSA CONCENTRACIÓN E RELAXACIÓN.

UNHA DAS ACTIVIDADES DA SESIÓN DE PSICOMOTRICIDADE DE HOXE, FOI UN EXERCICIO PARA TRABALLAR A COORDINACIÓN. POR PARELLAS TIÑAN QUE CAMIÑAR SEN QUE CAESE A BÓLA! QUE DIVERTIDO!

PARA CONMEMORAR O DÍA DA MULLER, FIXEMOS AS SEGUINTES ACTIVIDADES:

1. RECIBIMOS UNHA CAIXA SORPRESA E UN LIBRO (PRIMEIRO PENSAMOS QUE PODERÍA HABER DENTRO: " UNHA CARTA, UN ANEL, UN RATO, UN DINOSAURO, UNHA SEREÍÑA, UN BONECO DE XENXIBRE QUE PODE ANDAR, UN COCHO...). ESTABA ATADA CUN LAZO VIOLETA ("PORQUE O LEVABA UN ANIMAL NA CABEZA, PORQUE É TRISTE. É UNHA CAIXA MÁXICA, TROUXO O REGALO PAPÁ NOEL -NON É NADAL- DIXO OUTRA NENA".

HAI UN SÍMBOLO (DE INTERROGACIÓN PINTADO NA CAIXA) . " SIGNIFICA QUE NON SABEMOS QUE HAI DENTRO". 

NA CAIXA HABÍA FOTOS DE MULLERES E NOMES QUE TIVEMOS QUE INVESTIGAR PARA SABER A QUEN LLE CORRESPONDÍA. PRIMEIRO ASOCIAMOS E DESPOIS COMPROBAMOS OS ACERTOS ("A CONCEPCIÓN ARENAL CHAMARASE ASÍ PORQUE RECOLLERÁ AREA?- PREGUNTOU UNHA NENA E OUTRA ENGADIU QUE A ISABEL ZENDAL ERA COMO ISABEL PANTOJA". TAMÉN ATOPAMOS UN SÍMBOLO (ALGUÉN DICÍA QUE ERA UNNHA CHAVE QUE ABRIRÍA UN PORTAL MÁXICO OU UN COLAR OU PULSEIRA) E DESCUBRIMOS QUE ERA O SÍMBOLO DA MULLER.

2. CADA EQUIPO DE AULA INVESTIGOU UNHA MULLER E PREPARAMOS MURAIS. 

3. XOGAMOS COA BEE BOT. AO SABER DA PIONEIRA QUE FALABAMOS A NOSA ABELLA TIÑA QUE CHEGAR A SÚA FOTO.

4. ELABORAMOS UN XOGO DE MEMORIA PARA PODER CONTINUAR NA CASA A LEMBRAR A VIDA E OS FEITOS TAN IMPORTANTES QUE LOGRARON.

5. DECORAMOS UN COLGANTE CO SÍMBOLO DA MULLER.

6. FORMAMOS UN SÍMBOLO ENTRE TOD@S COS NOSOS DESEÑOS.

A SEMANA PASADA PUIDEMOS FACER O NOSO ATRANQUE COA AULA DE 4 ANOS B. PREVIAMENTE, CREAMOS A COPLA ENTRE TOD@S, ENSAIAMOS... TAMÉN PREPARAMOS O CHAPEU E A ESPADA PARA A NOSA POSTA EN ESCENA!