O  alumnado de FP Dual do CM Mantemento electromecánico e CS Mecatrónica industrial realizaron unha Mobilidade a Alemaña enmarcada dentro do Plan de dinamización da FP dual de Galicia da Consellería de Educación, Universidade e Formación Profesional. Esta mobilidade permitiulle ao alumnado visitar a Feira Blechexpo and Schweisstec sobre tecnoloxías de unión e tratamento de chapa en Stuttgart. Nesta feira puideron aprender e visualizar novas tecnoloxías neste campo de traballo. Ademais tamén visitaron en Paderborn a central da empresa coa que realizan a formación dual, Benteler Automotive GmbH.

Esta viaxe tamén serviu para mellorar as súas competencias sociais e lingüísticas, visitando distintos museos en varias cidades alemáns como Stuttgart, Munich, Colonia ou Paderbor.

O día 27 de Novembro fíxose o Simulacro de Evacuación  no  noso Instituto  de forma EXITOSA.

Dar as grazas a Agrupación de Voluntariado de Protección Civil do Concello  de Vigo pola súa presenza  ano tras ano , a nosa compañeira de Emerxencias Isabel Rodríguez e ao  titor de 2º de FP Básica Antonio Ramilo pola sua organización, ao alumnado de 1º do Ciclo de Prevención  e ao alumnado de  2º de FP básica pola organización previa, e a todos os membros da comunidade educativa pola súa colaboración .

  Un CENTRO comprometido coa SEGURIDADE !!

 O día 3  de decembro Día  Internaciónal  da Diversidade Funcional no Politecnico de Vigo  celebrámolo con instalacións de TEGP  baixo a dirección do profesor Lois Corvera   e Exposición de Deseño realizadas polo alumnado de 2º Bacharelato Artes  baixo a dirección da profesora  Gema Jiménez .

 O alumnado de 1º curso do Ciclo Básico de Electricidade e Electrónica, dinamizados pola  súa profesora Carme Adán e Equipo Igualdade instalaron a exposición “ O machismo mata” con 51 globos negros en homenaxe as 51 mulleres asasinadas no que vai de ano 2019.No momento da publicación 52.

O Alumnado de 1º curso do Ciclo Básico de Electricidade e Electrónica, dinamizados pola  súa profesora Carme Adán e Equipo Igualdade instalaron a exposición “ O machismo mata” con 51 globos negros en homenaxe as 51 mulleres asasinadas no que vai de ano 2019.

O martes 26 de novembro o alumnado de 2º de Bacharelato de Artes visitou as Facultades de Belas Artes e de Ciencias Sociais e da Comunicación, así como a Escola Superior de Conservación e Restauración de Bens Culturais para coñecer de cerca as titulacións de Grao e Master que ofrecen. Unha interesante visita que favorecerá a toma de decisións sobre o seu futuro académico e profesional entre outras propostas e accións que se desenvolverán ao  longo do curso.

O venres 29 de Novembro rematará o prazo de SOLICITUDES de BOLSAS ERASMUS+, nesta nova convocatoria.

 Solicita a túa bolsa Erasmus+!

Aquí deixámosvos un vídeo que pode axudarvos a decidir.

O Equipo de Igualdade do Politécnico de Vigo, un ano máis, elaborou un amplo programa de actividades para a conmemoración do  Día Internacional Contra a Violencia de xénero.

O equipo de igualdade do Politecnico de Vigo, representado pola responsable de igualdade Eva Piña e Carmen Adán, estivo nas xornadas municipais "Coeducacion  para  previr  a violencia de xénero e para a promoción dunha cultura en IGUALDADE"  organizadas pola Concellería de Igualdade os días 6 e 7 de novembro. Nelas Compartiron as boas prácticas no eido da igualdade  e da prevención de violencia de xénero que se desenvolven no noso centro.

"Enriquecedor encontro, compartir experiencias con outros centros moi comprometidos coa Igualdade!" (Eva Piña)