Ed. física
Remata a semana!!!! (Ed. Física)
Enviado por Anónimo o Lun, 13/04/2020 - 00:03Termina a semana, unha Semana Santa un pouco diferente, pero na que traballamos moito, aquí poño uns poucos dos traballos que recibín esta semana.
O aeroporto do CEP Sequelo sigue aumentando, Roberto envíanos unha foto practicando diana.
Seguimos Reducindo-Reutilizando-Reciclando, e aumentando a nosa exposición de xogos e xoguetes.
Un novo xogo de mesa, un dominó xigante!!!!
Unhas sesións rematan con volta á calma, e esta entrada rematámola cun mandala.
Aínda quedan algúns dos vosos traballos no tinteiro, espero poder subilos pronto, empecemos a semana con forza!!!!
#euficonacasa
Remata a semana!! (Ed. Física)
Enviado por Anónimo o Dom, 05/04/2020 - 23:44A semana rematou, e vou deixar algúns traballos que me enviástedes: quero empezar cuns xogos que coñecedes todos e todas, peroooo con algunhas modificacións propostas por dous compañeiros do cole.
Tamén tiña moitas ganas de publicar os mandalas desta semana, están cheos de cor, e darannos toda a enerxía positiva para esta semana santa, espero que vos gusten!!!
Empezan a aparecer os nosos primeiros modelos de avións.
Nesta última foto, temos un modelo diseñado por unha mamá!!! Está xenial a colaboración de todos para aumentar o noso aeroporto CEP Sequelo.
Para o samaín teremos un montón de esqueletos, estes son modelos novos de diseño, ocorresevos algún máis orixinal?
Todavía me quedan algunhas cousiñas por publicar, espero poder engadilas mañá.
"A búsqueda" (Ed. Física)
Enviado por Anónimo o Ven, 03/04/2020 - 22:11Ola!!
Hoxe vou un pouco tarde, pero non quería deixar un día sen propor unha actividade, este xogo gústame moito, só precisades dúas follas de periódico ou revista, o voso obxecto máis prezado e moitas ganas de percorrer a casa.
Espero que vos guste!!!
Creamos pictogramas (Ed Física)
Enviado por Anónimo o Xov, 02/04/2020 - 17:33Bos días chicos e chicas,
Hoxe traio unha actividade un pouco especial, estamos no #diaMundialdoAUTISMO, e vamos traballar empregando pictos, sabedes o que son os pictogramas?
Seguindo o dicionario da RAE (Real Academia Española), un pictograma é “un signo de la escritura de figuras o símbolos”.
Con esta definición vou achegarvos os Sistemas Aumentativos e Alternativos da Comunicación (SAAC), que son formas de expresión distintas a linguaxe falada, que teñen como obxectivo aumentar (aumentativos) e ou compensar (alternativos) as dificultades de comunicación e linguaxe de moitas persoas con discapacidade. A comunicación e a linguaxe son esenciais para todo o ser humano, para relacionarse cos demais, para aprender, para gozar e para participar na sociedade. Os SAAC, están relacionados a persoas con discapacidade intelecutal, parálise cerebral (PC), trastornos de espectro autista (TEA), párkinson, entre outras moitas, pero despois desta actividade veredes que están moi integrados na nosa vida diaria e que son moi útiles para comunicarnos.
Para a actividade de hoxe eu vou poñervos unha batería de pictogramas, e vamos transformalos en fotografías, fixen unha de exemplo, pero espero poñervos máis, teredes que escoller un picto, facer a foto imitando o que nel se representa e enviarma ao meu correo.
Empezamos a crear os nosos pictos!!
Deportistas galegas (Ed. Física)
Enviado por Anónimo o Mér, 01/04/2020 - 13:43O alumnado de 5º e 6º estamos a facer uns carteis con información sobre deportistas galegas, estes son algúns dos que van chegando estes días, esperamos seguir aumentando a nosa colección.
Ioga para toda a familia (Ed. Física)
Enviado por Anónimo o Mér, 01/04/2020 - 13:03Darío Vidal Salgueiro recórdanos que:
#nonsexasburrooprimeirodeabril.
Debemos quedar na casa, pero sen esquecer que se empeza un mes novo, e para celebrar este inicio vamos practicar Ioga, equilibrio, respiración, relaxación,... hoxe ensinarannos diferentes posturas con nomes de animais, envíovos un enlace de ioga para a familia, xa me contaredes se alguén da vosa casa se anima a practicalo con vós.
Como xa levamos moito tempo en terra, vamos facer un pequeno viaxe en barco pirata, espero que non vos mareedes.
A navegar meus grumetes!!!!
#euquedonacasa
"Disfruta las cosas buenas que tiene la vida" (Ed. Física)
Enviado por Anónimo o Mar, 31/03/2020 - 12:49Hoxe toca día de bailar e gozar da música (este día deben ser todos), pero antes de empezar, un pouco de mobilidade articular, lembrade mover os nocellos, xeonllos, cadeira, ombreiros, cóbados, pulsos, pescozo,… mmmmm, esquezo algún?
Poño varias coreografías da mesma canción, están colocadas por dificultade para min, pode que vos resulten sinxelas, xa me contaredes.
Empezamos a semana con enerxía (Ed. Física)
Enviado por Anónimo o Lun, 30/03/2020 - 12:15Vamos empezar a semana cuns exercicios pola casa
Gústame moito o profe Edwin, dalle moita importancia ao quecemento, pero eu sei que moitos dos exercicios que saen no vídeo xa os coñecedes.
Os exercicios de hoxe empezan con “sentadillas” (lembrade que os pés teñen que estar separados a mesma distancia que os ombreiros), levantarnos do chan, no vídeo fala de subir o banco (pero eu na miña casa non podería subirme ao sofá e imaxínome que nas vosas tampouco) polo que podemos modificar o de subir ao banco por unha caixa, caixón,… e “sentadillas con salto”.
E para o seguinte bloque de exercicios vamos axudar a dobrar a roupa, non teñen porque ser todas camisetas, poden ser calcetíns, pantalóns,…
Na volta á calma, algúns e algunhas de vós xa coñecedes o exercicio, espero que vos guste.
Para terminar a sesión estiramos os músculos traballados.
Unha vez rematado o exercicio, vamos a polo reto, fabricamos avións de papel, envíovos uns exemplos de diferentes modelos de avións, eu hai moitos que non coñecía, lembrade que podedes facelos con papel que estea para reciclar, non precisamos un folio en branco, posteriormente poderemos decoralos.
En este enlace podedes ver 40 modelos diferentes, animo a que fagades algún e me enviedes unha foto.
E para practicar se os nosos avións voan ou non, un reto de puntuación.
Podedes empregar para isto papeis de periódico, folios unidos,… non precisades ter cartolinas, só tesoiras para facer os buratos, cinta adhesiva para colocalo no marco dunha porta e rotuladores, bolígrafo,… para escribir as puntuacións.
A divertirse!!!!!!
Un pequeno resumo dos traballos desta semana (Ed. Física)
Enviado por Anónimo o Lun, 30/03/2020 - 00:17Este é un pequeno resumo dos traballos que recibín esta semana, espero que vos animedes a seguirme enviando cousas para que todos e todas poidamos ver en que estades traballando.
Moito ánimo para a nova semana!!!!!!
Reto 14: Gaña 5 veces a pedra-papel-tesoira
Enviado por Anónimo o Dom, 29/03/2020 - 01:30Hoxe toca xogar a “pedra-papel-tesoira”, na miña casa xogamos despois de cear ás cartas (a escoba concretamente) para ver a quen lle toca fregar os cacharros, eu frego moitas veces, non sei se terei que cambiar de xogo, vos tamén practicades algún xogo de mesa?, aprendéstedes algún xogo novo estes días? xa me contaredes cales coñecedes.
Envíovos dúas propostas de xogos de mesa un pouco diferente a como os coñecedes, espero que vos gusten e que me comentedes cal podemos practicar na clase.
Reto 13: Debuxa unha diana nun folio...
Enviado por Anónimo o Dom, 29/03/2020 - 00:38Eu hoxe non fixen os meus deberes, pero... fixen un pescaconexo, espero que vos animedes a facer algún.
Tamén vos envío un test de deportes, vamos comprobar canto sabedes de deporte?
Un aplauso polas nenas e nenos do CEP Sequelo
Enviado por Anónimo o Sáb, 28/03/2020 - 13:28
Bos días nenos e nenas,
Hoxe cúmprense 2 semanas de encerro na casa, dúas semanas nas que todos e todas estades demostrando o fortes que sodes e o poder que tedes, por iso hoxe ás 18:00 horas o aplauso vai a ser para todas e todos vós, porque non só os/as que están no hospital, nas ambulancias, no supermercado, na farmacia, nas rúas vixiando que non salgamos en exceso, os/as investigadores,… están traballando en contra desta pandemia, todas e todos os que estamos nas nosas casas con gañas de saír pero sabendo que non debemos tamén formamos parte da cura, porque cremos e credes que isto vai ser positivo, que se encontrará unha vacina, que os investigadores lograrán coñecer mellor este virus que non só por perigoso senón tamén por descoñecemento sobre el nos está a gañar unha guerra, todos e todas sodes importantes, si non nos poñemos enfermos e non contaxiamos somos unha barreira para esta enfermidade, uns pequenos soldados que sen sabelo salvaredes moitas vidas, moito ánimo para estes días que nos quedan na casa, sodes uns e unhas grandes guerreiras e guerreiros!!!!
Unha aperta enorme para todos os meus guerreiros e guerreiras do CEP Sequelo!!!! Verémonos moi axiña.
Reto 12: Move articulacións como facemos en clase
Enviado por Anónimo o Ven, 27/03/2020 - 14:08Bos días,
Hoxe toca repasar articulacións, encontrei unha actividade que me gustou para traballar articulacións, osos, partes do corpo,…
Envío o modelo, pero podedes modificalo, eu na casa hoxe non teño tantas pastas diferentes para facelo igual, pero podedes empregar a vosa imaxinación, o que propoño é que fagades o esqueleto, sinaledes nel todo o que sexades capaces de identificar, por suposto non vou dar pistas, eu espero ter o meu rematado pronto e poder ensinárvolo.
E para terminar un pouco de actividade física, recordarvos que os exercicios de mobilidade articular están a moita velocidade para que o vídeo sexa máis fácil de cargar, pero teredes que facelos como na clase, contando ata 10 e a unha velocidade baixa, para que non sexa prexudicial.
A primeira actividade é de saltos, adiante, atrás, laterais,…
Toca elevación, podemos ir aumentando a dificultade 3 series de 5 elevacións para os máis pequenos ata chegar o que nos indican no vídeo de 3 series de 12 elevacións, faremos un descanso entre serie e serie de 10 segundos.
Traballo de tesoiras laterais con cada perna 12 repeticións e 10 segundos de descanso entre cada repetición.
A rodar.
Na actividade de saltos con fonemas podemos variar: os fonemas (poden ser de m, p, r,…), números, para que identifiquen, que sexan pares e impares, con sumas e restas, a táboa de multiplicar,… podedes ir complicando a actividade como desexedes, posiblemente non poidades debuxar no chan, facede os números ou fonemas en papel e suxeitádeo con cinta.
Lanzamento e recepción, eu non teño pelotas de ping-pong na casa, polo que modifiquei a actividade a hora de realizala e lanzaba unha saltarina e recollía cunha botella de plástico, podedes facer os lanzamentos con diferentes pelotas e lugares de recepción (caixas, cestas, panos, ….).
Pranchas con brazos estendidos 3 series de 5 segundos, e iremos pouco a pouco aumentando cada día para chegar a que nos indican no vídeo. Prancha abrindo e cerrando pernas, 3 series de 5 repeticións con 10 segundos de descanso (aumentaredes a vosa vontade) e escaladas 3 series de 5 repeticións, aumentando ata chegar as tres series de 15 repeticións.
Sentadillas, vamos empezar con tres series de 5 segundos apoiados/as na parede e 10 repeticións con 10 segundos de descanso entre serie e serie. Lembrade cando realicedes a actividade que a separación entre os pés ten que ser similar a separación que temos entre ombreiro e ombreiro.
Para terminar realizade os exercicios de estiramentos que aparecen ao final do vídeo.
Enviádeme as vosas creacións a profetamaraef@gmail.com
Reto 11: Emprega un anaco de cartón como raqueta...
Enviado por Anónimo o Xov, 26/03/2020 - 13:34A actividade de hoxe está relacionada co reto 5, ese día había unha actividade de reciclaxe, preparástedes algún material para o 28 de abril?, eu estou empezando cos meus deseños, hoxe preséntovos a miña tetrapala, non tiña cartón para realizar unha pala como manda o reto, polo que modifiquei un pouco o material.
Vou explicarvos como fixen a miña tetrapala (buscade a explicación nos pdf adxuntos),invítovos a crear unha e enviarme as vosas creacións por correo electrónico.
Envío un vídeo que ten moitas actividades de materiais reutilizados e reciclados, hai moitos que non podemos realizar nin practicar, pero outros poden resultar divertidos e entretidos, espero que vos gusten, podedes enviarme algún vídeo ou foto dos que fagades.
Reto 10: Busca en YouTube "Baby Shark"
Enviado por Anónimo o Mér, 25/03/2020 - 02:02Hoxe toca empezar o día con enerxía e con música, empezade facendo un pouco de quecemento, repasando os nomes das articulacións e os movementos.
Seguimos pola canción de "Baby Shark" pola máis coñecida por todas e todos.
E para rematar vamos por un “Baby Shark” versionado, visionade unha vez o vídeo para ver que unha parte dos pasos se repiten e que tedes outra parte de estilo libre, espero que vos guste e gocedes imitando algún pasos e inventando as segundas partes.
A Bailarrr!!!!
Reto 9: Desprázate pola casa de 10 maneiras diferentes.
Enviado por Anónimo o Mar, 24/03/2020 - 14:40Este reto é similar ao que facemos cando ides para as clases de educación física, pero en este caso teredes que inventar vós as normas, non pisar nas liñas, ir de lado, de costas,... podedes retar a alguén da casa a que vos acompañe, pode ser que cada un/unha propoña unha maneira distinta sen poder repetir, ou que vos teñan e teñades que imitar.
Envío outro xogo para que fagades un pouco de equilibrio, desprazamentos,...
A polo 20!
Para xogar hoxe ides precisar un dado, lapis, papel e algúns outros obxectos que dependerán do curso.
O obxectivo é conseguir 20 puntos, para logralos debes lanzar o dado e dependendo do número que che corresponda terás que superar o reto para poder anotar tantos puntos como puntiños teña o dado, pode ser de un só xogador ou de cen.
Como podes ver fixen o xogo en papel con rotuladores de cores, anímote a que modifiques, mellores, inventes, decores,… os retos que che propoño e mos envíes a profetamaraef@gmail.com, podemos publicar novos retos cada día, colgarei todos os que me enviedes, poden ser feitos a man ou a ordenador, escaneados, fotocopiados,... con retos de actividade física, de trabalinguas, musicais,… seredes os/as creadores/as.
Reto 8: Ioga
Enviado por Anónimo o Lun, 23/03/2020 - 18:26O reto de hoxe é practicar posturas de ioga, na sesión do reto 5 a volta á calma xa vimos algunhas posturas como a montaña, a estrela e o triángulo, coñeces algunha máis?
Recordarche que para a sesión de hoxe precisarás un colchón, mantiña,… algo que nos permita traballar sobre unha superficie branda para que non provocar ningunha lesión.
Vamos empezar a clase cun conto.
Para seguir envío un enlace a unha sesión de ioga que podedes facer por parellas, ten unha pequena introdución a acroioga (só como experimento), realizade a primeira parte da sesión.
O ioga axuda a correxir posturas corporais, aumentar a flexibilidade, equilibrio,... as culturas orientais que na súa expansión polo mundo occidental, trouxeron mandalas como obxectos de relaxación, tranquilidade e reflexión, favorecendo a concentración, equilibrio, creatividade, … existen moitas e moi variadas, eu propoño que lle poñas cor a unha para terminar a clase de hoxe porque comezou a primavera e vamos dedicarlle un ratiño.
Este último enlace é para facelas no ordenador ou na tableta.
Namasté
Reto 7: Día do circo
Enviado por Anónimo o Dom, 22/03/2020 - 19:23Seguides todos e todas cos dous calcetíns desparexados???
Hoxe o reto era un pouco circense, envíovos un pdf para que elaboredes o voso material do circo e practiquedes. Na rede podedes encontrar moitas ideas, ide enviándome algunha foto do que fagades, eu estou terminando algúns materiais, espero poder ensinárvolos pronto.
Reto 5: REDUCIR-REUTILIZAR-RECICLAR
Enviado por Anónimo o Ven, 20/03/2020 - 14:13Hoxe toca día de reciclaxe, traio unhas cantas actividades para os nenos e nenas do CEP Sequelo:
Empezástedes o día superando o reto de hoxe?, era unha pequena introdución dun dos traballos que temos, xa que, co gallo da celebración do Día da Educación Física na Rúa o 28 de abril, e coa intención de reducir-reutilizar-reciclar, vamos facer os materiais que empregaremos ese día, envío un pdf con moitas ideas que encontrei por internet, pero seguro que vós tedes moitas máis, hoxe empezaremos a elaborar o noso material!
2. Tamén vos envío unha sesión de educación física con dúas cancións para que vaiades aprendendo as coreografías e unha introdución ao ioga, espero que vos guste.
Para rematar tamén teño un xogo que me gusta moito pero vou explicalo con pictogramas, espero que o pasedes ben.
Reto 4: día de heroes e heroínas
Enviado por Anónimo o Xov, 19/03/2020 - 14:59Bos días,
Hoxe imos adestrar imitando os nosos heroes e heroínas preferidas e preferidos, pero antes de comezar co adestramento, debemos quecer os nosos músculos e preparar as nosas articulacións (xa sodes uns expertos).
Pincha enriba da imaxe e goza da actividade.
Cantos heroes imitas nesta actividade?
