Skip to Content

Novas

Exposición "A Paz cuestión de Fondo" no IES Praia Barraña

 

    Exposición cedida ao IES Praia Barraña do 1 ao 15 de maio, polo Fondo Galego de Cooperación de Socialización

   Mostra de viñetas nas que se afonda en temas como a pobreza, o racismo e a violencia. En clave visual e, nalgúns casos verbal, ao longo de 16 caricaturas amosanse os prexuízos que operan acerca da idea de paz, do racismo, das diferenzas sociais ou da guerra. Verdades en miniatura que retratan a sociedade contemporánea é a proposta desta exposición colectiva internacional, que non só serve de repaso á realidade actual, senón tamén como punto de debate cargado de sátira e ironía para amosar a cruenta realidade.

Abril, mes dos libros. Concurso de fotografía "O MAR"

 

Preme na imaxe para acceder á galería das fotos participantes.

Proxecto Comenius: Intercambio con Holanda

Entre os días 16 e 21 de marzo, un grupo de 8 alumn@s de 4º ESO viaxaron a Bélxica e Holanda, denro do proxecto Comenius "The teenager investment fund - How to take care of the future", no que o IES Praia Barraña participa dende o curso pasado. Nesta ocasión o centro organizador foi o Zeldenrust-Steelantcollege da cidade holandesa de Terneuzen. Enlace á nota de prensa aquí

Para acceder á galería de fotos da viaxe preme na imáxen.

Euroscola 2014

Logo do éxito obtido no pasado certame Euroscola 2013 o alumnado de 1º de Bacharelato do IES "Praia Barraña" que cursa a materia TIC's está de novo inmerso na nova edición do certame Euroscola 2014.  Nesta ocasión o lema do concurso é facer unha proposta para a mellora dalgunha das Políticas Europeas. Conscientes do gran problema que a sociedade actual ten co sobrepeso e a obesidade o alumnado propón levar a cabo unha iniciativa que pretenderá concenciar a cidadanía desta problemática. Dita iniciativa leva por título "Vida Saudable Boiro: Alimentación equilibrada e exercicio físico". Toda a información que se recabará, as entrevistas que se realizarán e o proxecto final que se levará a cabo para  esta iniciativa atópase no seguinte blogue: Vida Saudable Boiro.

Dada a importancia do tema de estudo, dito proxecto pora en práctica a interdisciplinaridade e a colaboración entre tres departamentos do noso instituo. Participarán os Departamentos de Tecnoloxía - que actuará coma coordinador-  o Departamento de Bioloxía e máis o Departamento de Educación Física. Enlace á nota de prensa.

Vista previa

 

 

 

 

 

 

 

 

 

 

 

 

Europarlamento: Intervencións alumnado do centro

Participación dos alumnos de 2º Bacharelato do noso centro no europarlamento:

presentación pola alumna  Victoria Domínguez e intervención do alumno  Raúl Lojo.

sentímolo, flash non está dispoñible.

sentímolo, flash non está dispoñible.

 

Enlace á entrevista da Radio aquí.

Entroido 2014: Fotos

O pasado 28 de febreiro tivo lugar no noso centro a festa do Entroido. Tivemos concurso de disfraces, DJs, un "Photo Call" organizado pola Biblioteca, concerto en directo dos grupos musicais que temos no noso instituto e larpeiradas, filloas, orellas... que os alumnos de 4º ESO elaboraron para costear a súa excursión de fin de estudos a Roma. 

entroido2014

Se queredes disfrutar das máis de 600 fotos realizadas por Pascual para o blogue da Biblioteca premede na foto ou aquí.

O “Praia Barraña” no corazón da Unión Europea

O Parlamento Europeo abriu o pasado venres as súas portas a un grupo de 23 alumnos do noso IES para que coñecesen, de primeira man, o funcionamento dunha das institucións claves do entramado administrativo da UE. Viaxaron dende Boiro ata Estrasburgo acompañados por dúas docentes como premio o galardón nacional logrado no certame Euroscola 2013.

Os estudantes tiveron a posibilidade de visitar a cidade, un enclave francés cerca do límite con Alemaña, e o Parlamento Europeo, onde por un día convertéronse en eurodeputados. Reuníronse en grupos de traballo, debateron e intercambiaron puntos de vista sobre as prioridades europeas como as próximas  eleccións europeas, o problema da busca de emprego, a liberdade de información, o futuro de Europa, como frear o desperdicio de alimentos ou o desenvolvemento sostible e o uso de enerxías renovables. Os participantes reuníronse no Hemiciclo do Parlamento Europeo e celebrouse unha sesión plenaria, como se de verdadeiros políticos se tratase.

Os representantes galegos tiveron así a oportunidade de compartir escano na Cámara con representantes de outros 22 centros escolares procedentes doutros tantos países. En total, case 500 persoas entre alumnos e profesores. Enlace á nota de prensa aquí.

 

Delegación de Boiro que visitou o Parlamento Europeo en Estrasburgo

(para ver máis fotos da viaxe prema aquí)

Festival de entroido 2014

Prema nas imaxenes para máis detalle.

Distribuir contido


by Dr. Radut