Skip to Content

Novas

Charlas do escritor basco Jon Arretxe

O pasado xoves 25 de abril pasou polo noso IES o escritor de novela negra Jon Arretxe no marco da primeira edición do proxecto denominado Barraña Negro, unha actividade que pretende dar a coñecer este tipo de novela á comunidade educativa e establecer vínculos con escritores e escritoras deste tipo de literatura.

Os encontros do autor comezaron a primeira hora da xornada dándolle a coñecer a este os gravados que o alumnado do 2º de Bacharelato de Artes creou para a ocasión, inspirándose na trama da novela 19 Cámaras.

Un pouco máis tarde Jon presentou ao alumnado de Literatura Universal a súa primeira entrega da denominada saga "Touré", unha serie de novelas protagonizadas polo detective - vidente negro, chamado Touré, que desenvolve as súas pescudas na cidade de Bilbao e, máis concretamente, no barrio de San Francisco.

A media mañá o escritor puido coñecer tamén os traballos de investigación e crítica elaborados polo alumnado que participou nos encontros e relacionados cos principais temas que desenvolve 19 Cámaras.

A xornada de encontros concluíu coa charla - tertulia que se produciu entre o creador da saga literaria e todo o alumnado e profesorado que forma parte do Clube de Lectura do IES Praia Barraña.

Sen dúbida resultou ser un día moi fructífero e ameno e no que, tanto escritor como asistentes ás súas charlas, gozaron intercambiando impresións e opinións sobre literatura negra.

CONCURSOS LETRAS GALEGAS 2019

 

O Equipo de Dinamización Lingüística e o Departamento de Lingua e Literatura Galega do IES Praia Barraña, convocan os concursos de poesía, relato curto e banda deseñada para conmemorar o Día das Letras Galegas, dedicado este ano ao historiador Antonio Fraguas.

 

 

 

BASES:

 

1. Todos os traballos deben ser orixinais e estar escritos en lingua galega.

 

2. O tema é o proposto para o proxecto de investigación deste curso: A loita pola igualdade, a diversidade, a violencia de xénero...

 

3. A data límite de entrega de traballos é a última semana de maio.

 

4. Os traballos, asinados baixo un “pseudónimo” presentaranse nun sobre grande, no que se fará constar no seu exterior a modalidade do concurso. Acompañará outro sobre pequeno pechado que conteña os datos persoais do autor ou autora ( nome, apelidos, curso e grupo ). Deberán gardarse tamén en formato “pen drive” ou soporte dixital para ser editados na revista do centro.

 

POESÍA: O poema ou poemas -máximo tres-, terán unha extensión libre e presentaranse impresos en papel DIN A4 por unha soa cara.

 

RELATO CURTO: O relato terá unha extensión mínima de 2 folios DIN A4, mecanografados a dobre espazo.

 

BANDA DESEÑADA: A técnica, o material e o estilo son libres. Poderán entregarse en papel ou formato dixital (DIN A4 ou proporcional). A extensión tamén é libre. A autoría poderá ser individual ou de dúas persoas (debuxante e guionista).

 

5. O xurado estará formado por profesores e profesoras do centro.

 

6. Establécense tres categorías: Primeiro ciclo da ESO, Segundo ciclo da ESO e Bacharelato. Concederase un premio por categoría.

 

7. Cos traballos presentados en todas as categorías, farase unha selección e serán expostos no centro e os traballos premiados editaranse na revista do centro.

 

8. O xurado pode declarar desertos os premios en calquera categoría, se o considera oportuno.

 

 

A participación neste concurso supón a aceptación destas bases.

CHARLA MEDIOAMBIENTAL E RECOLLIDA SELECTIVA DE RESIDUOS EN PRAIA BARRAÑA.

O IES Praia Barraña participou encantado ca Asociación Chelonia, no marco do proxecto “Mares Circulares”, patrocinado por The Coca-Cola Foundation, e que organiza un concurso en apoio á realización de proxectos de investigación ou estudos científicos que incrementen o coñecemento sobre a problemática e os impactos dos lixos mariños e os residuos sólidos e ofrezan alternativas para reducilos en mares, costas e ambientes acuáticos e busquen solucións que promovan, ao mesmo tempo, a economía circular.

Os alumnos de 1ºESO disfrutaron primeiro dunha charla para posteiormente facer un traballo de campo na nosa contorna próxima e realizaron unha retirada selectiva de residuos na Praia de Barraña onde aprenderon que si todos colaboramos en pequenas cousas podemos alcanzar grandes obxetivos.

 grupo limpeza 2.jpg

  

residuo_0.jpggrupo limpieza  1_1.jpg

 

EQUIPO DO IES PRAIA BARRAÑA NA CARREIRA DE ORIENTACIÓN -FASE PROVINCIAL-

   O martes 9 de Abril celebrouse na Coruña a Fase Provincial de Orientación. Os integrantes do equipo IES PRAIA BARRAÑA previamente clasificados na Fase Comarcal fixeron un gran traballo representándonos con gañas e ilusión.

   Mención especial para o alumno Alejandro Valiño Rodríguez que co seu 4º posto conseguiu clasificarse para o Campionato Autónomico de Orientación.

equipo orientación provincial_0.jpg

VI Semana Temática: Diversidades

Premendo na imaxe pódense consultar as actividades que se desenvolverán durante esta semana adicada á identidade e diversidade de xénero.

CARREIRA DE ORIENTACIÓN, FASE COMARCAL- DEPORTE ESCOLAR XOGADE.

Algúns dos alumnos de 1º e 3º da ESO do IES PRAIA BARRAÑA participaron na "Fase Comarcal de Orientación" disputada no parque da Cachada do noso concello o pasado xoves 21 de Marzo.

Noelia Vilarnovo Suárez acadou o segundo posto na categoría Infantil Feminino, e Alejandro Valiño Rodríguez subiu ao primeiro posto na categoría Cadete Masculino.

Parabéns a todos os participantes por haber gozado dunha grata experiencia deportiva e por apostar por un estilo de vida activo e saudable. 

 

Admisión de alumnado no IES Praia Barraña. Curso 2018 - 2019.

 

 

 

Prazo de presentación de solicitudes.

O prazo de presentación de solicitudes de admisión será do día 1 ao 20 de marzo, ambos os dous incluídos.

Lugares e formas de presentación das solicitudes.

Información xeral sobre o proceso de admisión e vacantes ofertadas.

Poden lela na seguinte ligazón:

Información xeral e prazas vacantes

Documentación  necesaria que se deberá entregar:

a) Formulario de admisión ED550B (proporcionado co impreso de prematrícula solicitado polo Centro)

b) DNI do/a alumno/a.

c) Se é o caso, convenio regulador ou resolución xudicial de separación ou divorcio.

d) Co obxecto de contribuír a unha mellor organización por parte do Centro, os/as solicitantes deberán indicar as materias que desexan cursar no nivel para o que solicitan praza. Con este obxectivo, na táboa seguinte recóllense os impresos organizados por cursos xunto co formulario normalizado ED550B:

ESO BAC
 
 

 

Nota: todo o alumnado procedente dos centros adscritos (CEIP Praia Xardín e IESP A Cachada) que fixo a reserva de praza escolar entre os días 01 e 15 de febreiro está admitido para continuar os seus estudos no IES Praia Barraña na etapa correspondente.

As listaxes deste alumnado admitido polo procedemento de reserva de praza están expostas no taboleiro de anuncios do Centro para a súa consulta pública.

Distribuir contido


by Dr. Radut