Obradoiro con pompas de xabón

O 29 de marzo, estivo con nós José Benito Vázquez Dorrío, Doutor en Física e profesor titular na Escola de Enxeñaría de MInas e Enerxía da Universidade de Vigo. A través dun obradoiro con pompas de xabón e moitos experimentos, explicounos por que se forman as distintas cores nas pompas.

Desfrutamos moito, polo que agardamos poder contar con el para o vindeiro curso.

Alumnado no obradoiro

Comeza a Erasmus experience!!!

Nestes últimos días de marzo e primeiros de Abril, comeza o alumnado do ciclo de Sistemas Microinformáticos e Redes a súa experiencia europea. Dous destes alumnos, Jonathan e Aaron, viaxarán a Praga (República Checa) esta fin de semana. Un día despois voará Javier con destino a Dublín para realizar a súa estadía en Mallow (Irlanda). O cuarto alumno que viaxa é Borja, que xa está en Braga (Portugal) integrado na súa empresa.

Semana da froita

Durante esta última semana de marzo, celébrase no centro a semana da froita. Esta iniciativa pretende fomentar entre o noso alumnado hábitos de vida saudables e educar na importancia dunha alimentación de calidade. Estades todos convidados durante o recreo a merendar unhas pezas de froita. Comezamos o luns cuns ricos amorodos, que nos agardará nos vindeiros días?

Admisión e matrícula para o curso 2017/2018

Seguindo as instrucións da Consellaría de Cultura, Educación e Ordenación Universitaria, está aberto o prazo de Admisión de alumnado para o vindeiro curso 2017/2018. Este ano pódese solicitar a través da páxina Admisión de alumnado a cal permitirá á alumna ou alumno seguir o proceso da súa solicitude, porén tamén poderá realizala en papel. Máis información a continuación.

Aquel alumnado que está a cursar estudos no centro e non teña pensado continuar estudando no IES Pazo da Mercé, deberá informar á administración do centro.

Exames da 2ª avaliación

Achéganse as datas de exames das que informaron os diferentes grupos.

Distribuir contido