Homenaxe a Evaristo de Sela

 

O día 2 de marzo  fanse 100 anos do nacemento de Evaristo de Sela e o noso instituto foi o lugar escollido para realizar a homenaxe á súa figura. Será ás 12:00 horas en Usos Múltiples e no acto participarán diversas persoas ligadas a este escritor e tradutor, que foi represaliado durante o franquismo.

A Asociación de Escritoras eEscritores en Lingua Galega faise eco deste acto na súa páxina web, tal e como podes ver no enlace:  http://axendaaelg.blogaliza.org/tag/evaristo-de-sela/

Evaristo de Sela

Estamos de celebración: Viva o entroido!

Estamos a celebrar o Entroido, comezámolo no IES e logo continuarémolo cadaquén na súa casa. Por iso, a pasalo moi ben, correde o entroido, comede filloas, orellas, cachucha de porco, grelos... e lembrade que tedes que estar de volta o 2 de marzo! Pasádeo moi ben.

Folga de alumnado o xoves 16 de febreiro

A presidenta da Xunta de Delegados do IES Pazo da Mercé comunicoulle á Dirección do centro no día de onte que, tras a celebración dunha Asemblea de Estudantes, o alumnado deste centro se sumaba á folga convocada para o xoves 16 de febreiro. Esta ten como obxectivo solicitar a paralización e retirada da LOMCE.

Desde a Dirección así se lles comunicará no día de hoxe ás familias e a toda a comunidade educativa do centro.

Datos académicos e de convivencia da 1ª avaliación

Achéganse os datos sobre os resultados académicos da 1ª avaliación así como os referidos á convivencia no centro durante o 1º trimestre.

Lémbrase a toda a comunidade que na ESO unha cualificación negativa en Matemáticas e mais unha Lingua (galega ou castelá) impide promocionar ao seguinte curso.

Datos académicos e de convivencia

Repoboamento de especies de xardín no centro

Coa colaboración da Deputación e o Concello estase a repoboar algunhas zonas axardinadas do noso centro. As diferentes especies foron seleccionadas con criterios técnicos e estéticos. Non tardaremos moito en poder gozar plenamente delas.
Novas especies de xardínNovas especies de xardínNovas especies de xardínNovas especies de xardínNovas especies de xardín
Distribuir contido