Escolares, Complementarias, Extraescolares, Actividades, Programación

Érase unha vez ..... no país dos soños ........... uns alumnos e uns profes que decidiron facernos pasar unha mañá estupenda agasallándonos coa súa música e a súa interpretación, primeiro, a todos os nenos e nenas dos coles de primaria e logo aos seus compañeiros do instituto.
Moitas horas de ensaio que se recompensan vendo a leicia de todos os asistentes. E colorín colorado, ste conto remata dando as grazas a todos os que empregan o seu tempo e a súa enerxía en facer felices aos demais.
Grazas David, grazas Marga e grazas Afonso.

O IES DE MELIDE GAÑA O 1º PREMIO COMO MELLOR PROXECTO DO PROGRAMA DO PLAN PROXECTA ALIMÉNTA-T BEN (FROITA ESCOLAR).

O xurado composto por representantes do Fondo Galego de Garantía Agraria e da Dirección Xeral de Educación, Formación Profesional e Innovación Educativa premiou o proxecto presentado “5 ao día: IES VIDA", de entre máis de 100 proxectos participantes de centros educativos de toda Galicia.

O contido do citado premio consiste nunha achega dun bono de 800 euros para material informático para o centro, libros sobre hábitos saudables para a biblioteca do centro e certificación emitida pola Consellería de Cultura, Educación  e Ordenación Universitaria de premio de Innovación educativa para os seis profesores e profesoras participantes.

Achéganse nun PDF as bases da convocatoria.

Parabéns para toda a Comunidade Educativa do IES de MELIDE

A DIRECCIÓN

Hoxe Venres, 22 de Maio de 2015, 19 alumnos tiverona a grande oportunidade de converterse en case "expertos periodistas".
Baixo as batutas das súas profesoras de Educación para a Cidadanía, Marga Quintela e Loli Vázquez non dubidaron en transmitirlles aos políticos as súas inquedanzas, as súas peticións co fin de mellorar a súa vila e o benestar de todos os demais nenos e nenas melidenses e da contorna.
Un cara a cara que fixo as ledicias dos asistentes.
Parabéns ás profes, aos futoros periodistas e grazas tamén aos representantes das forzas políticas xa que sen a súa perticipación esta actividade non se podería ter levado a cabo.

Foi un pracer para nós recibir este luns no noso IES a visita de Manuel Núñez Singala. A parte de todo o que representa para a lingua galega, este ano no noso instituto os alumnos representaron ao comenzo do curso "Comedia Bífida" da mán de Afonso García e "Instruccións para tomar café" da mán de Marga Quintela. Foi por elo que para o alumnado resultou moi emocionante ter ao autor das obras diante deles.

Uns días antes recibimos ao poeta Carlos Negro coa mesma ilusión e cariño. Toda unha honra para nós na semana das letras galegas.

O departamentos de Educación Física organizou para o alumnado de 1º e 2º de ESO un Itinerario Ambiental polas Fragas do Eume a pé (Sendeirismo) e outro nunha contorna próxima, navegando en kaiak polas augas da Ría de Ares onde desemboca o río eume.

Esta actividade tiña como obxectivo fomentar e espertar no alumnado o interese pola práctica físico-recreativa na natureza, coñecendo novas formas de ocupar o tempo de lecer. Á súa vez pretendeu ser un programa de educación ambiental onde o bosque atlántico caducifolio, o ecosistema fluvial e ecosistemas do litoral mariño foron os protagonistas, sen esquecer importantes aspectos socioculturais da zona.

Deixámosvos unhas imaxes do itinerario en kaiak.

A Asociación Galega para a promoción da Oratoria e Retórica no Ámbito Europeo organizou en Melide pasado sábado, 2 de maio, un encontro da fase galega do MEP (Modelo Parlamento Europeo), ), unha alternativa ás xa coñecidas ligas de debate que ten a súa continuidade a nivel estatal e internacional.

No encontro participou unha delegación do IES Melide formada por Uriela García, María Mato, María Lamela e Álex Sleiman, coa dirección da profesora Loli Vázquez. 

A participación dos representantes do IES Melide foi brillante no seu conxunto. Entre outros recoñecementos, Uriela García foi designada mellor oradora do encontro, e María Lamela ocupou o cuarto posto entre os/as elixidos/as.

A cita celebrouse por primeira vez en Galicia, promovida por Agorae e a Colaboración do Concello de Melide e  a Dirección Xeral de Xuventude. Participaron medio centenar de alumnos de 9 centros escolares galegos.

Parabéns ás nosas alumnas e a Loli Vázquez que as acompañou ó longo de toda a xornada.

Pode descargarse un pequeno arquivo fotográfico do evento aquí:

https://drive.google.com/open?id=0B4ospBhQwCj2flJWQ1ZjZ1JScVpsYkpqVzVEeTlFUTNSVmlQd2ZQaEhkQ2NJQTBTQ0h6MTQ&authuser=0

Programa:http://asociacionagorae.org/oratoria/index.php/especial-mep/itemlist/category/26-mep-galicia)  

Hoxe xoves 30 de Abril a aula de Teatro do IES presentou na Casa da Cultura de Muros " Gorentosadas".

A actuación foi as 12:30 desta maña e ainda que o tempo non acompañou nada, os alumnos voltaron as 18:30 a Melide con unha nova experiencia na suas mochilas. 

A verdade e que estes rapaces están imparables este ano. Parabens a todos e moi agradecidos a Afonso García que leva a ledicia e as ganas de superación dos nenos por todos os lugares da nosa xeografía galega.

A casa da Cultura de Melide acollera o vindeiro Sábado 2 Maio en horario de maña e tarde a celebración da Edición O do MEP ( Model European Parlament). 

Desexamos unha brillante intervención do noso alumnado que estará acompañado pola sua profesora Loli Vázquez. 

As nosas compañeiras Ádega Mariña e Amelia Andrés participaron como relatoras nas Xornadas Plan Proxecta 2015, un encontro organizado polo CAFI ao que asistiron máis de 300 docentes implicados no desenvolvemento dos diferentes programas.

O IES de MELIDEabre así a porta a toda a comunidade educativa galega para dar a coñecer o seu proxecto que leva por título 5 AO DÍA: “IES VIDA”, integrado no programa “ALIMENT-T BEN” do Plan Proxecta.

O proxecto do noso IES foi seleccionado, de entre preto de 100 propostas que se están a levar a cabo nos centros educativos de Galicia, como exemplo de “BOAS PRÁCTICAS”.

O obxectivo do plan é favorecer a integración no currículo escolar de temas transversais baixo unha metodoloxía de traballo por competencias, na que se favorece a colaboración do alumnado, o labor interdisciplinario dos docentes e a integración das novas tecnoloxías da información e a comunicación na práctica educativa.

O relatorio de Adega e Amelia tivo moi boa acollida entre o profesorado asistente as xornadas, sendo felicitadas pola súa amena e simpática exposición que se prolongou quince minutos da hora prevista por mor das moitas preguntas que lles fixeron.

Onte, 23 de abril de 2015 o IES deMelide tivo a immensa honra de recibi unha visita moi especial: Os chavales de Afexdi acompañados de tres dos seus monitores.
Afexdi é unha asociación con sede en Santiago de Compostela (Fontiñas) que se dedica a formación e emprego de persoas con discapacidades. Ofrecéronnos un obradoiro perfectamente estructurado de restauración e confección de libros. ¡Que mellor maneira de celebrar o día do libro que esta na que o alumnado aprende a restauralos e a cuidalos e a valoralos como un dos bens máis prezados que temos!
Cabe salientar que esta visita que tivo lugar onte entre as 11:00 h e as 13:30 h constituiu todo un éxito. Unha experiencia chea de ensinanza, cariño e entrega que quedará moito tempo no noso recordo.