XORNADA DE ACOLLIDA - ALUMNADO DE 6º DE PRIMARIA

Como cada ano por estas datas recibimos a visita do alumnado dos CIPS adscritos (Nº1, Martagona, Pastor Barral, Toques e Arcediago).

O alumnado que de 1º de ESO capitaneou un acto informativo, flexible e interactivo no que se presentaron cuestións de interese relativas á nova etapa educativa que o alumnado iniciará en setembro. 

No acto, no que tamén participou o equipo directivo e a orientadora do centro, tratáronse tamén cuestións que atinxen á organización e funcionamento do IES de Melide e á liña de traballo que se segue.

Finalizou o acto cun percorrido polas instalacións do IES.

Vémonos en setembro!

PIRAGÜISMO 2018

O departamento de Educación Física organizou en para o alumnado de 1º ESO un Itinerario Ambiental navegando en kaiak polas augas da Ría de Ares. 

Ofertouse esta actividade co obxectivo de fomentar e espertar o interese pola práctica físico-deportiva na natureza e como  programa de educación ambiental onde o ecosistema do litoral mariño foi o protagonista, sen esquecer os importantes aspectos socioculturais da zona.

O Club Náutico Firrete de Pontedeume foi a entidade concertada para desenvolver a actividade. 

CORREMELIDE 2018

   Un ano máis o IES de Melide organizou o “Corremelide”, unha actividade lúdico-deportiva que ten como principal obxectivo o fomento da lingua galega nun día de convivencia entre os rapaces e rapazas dos centros educativios de Melide.

   Máis de seiscentos nenos e nenas dos centros educativos de Melide (CEIP nº1, CEIP Martagona e CEIP Mestre Pastor Barral, CEIP Martagona, CEIP de Toques e IES de Melide) participaron neste evento cultural e deportivo que cumpría a súa décimo oitava edición.

   O IES de MELIDE agradece a colaboración na organización do Concello de Melide, Policía Local, Protección Civil e da empresa JIM Sport.

CADRO DE ACTIVIDADES

IES DE MELIDE GAÑADOR DO CONGRESO ALIMÉNTATE BEN

Alumnado de 1º ESO do noso centro participou no I Congreso Aliméntate ben onde expuseron as conclusión do seu traballo realizado ó longo do curso e seguro convenceron ó xurado cos seus "5 nutriconsellos para un prato saudable" pois conseguiron o 1º premio. Noraboa a todos!!

O proxecto presentado o pasado venres 4 de maio foi elixido como o mellor para o ámbito do ensino secundario e de formación profesional. O premio concedido de 2.500 €  empregarase en financiar as actividades do proxecto que se está a desenvolver no centro. O alumnado de 1º de ESO gozará tamén dun día de desfrute no parque acuático de Cerceda.

Seguir lendo...

Enlace a iesaudemelide para ver vídeo e presentacións...

 

CONCURSO ROBÓTICA EEI EN VIGO

Alumnado de robótica participou no concurso que organiza a Escola de Enxeñeiros Industriais en Vigo o pasado 4 de maio. Alí competiron cos seus deseños e desfrutaron dunha xornada inolvidable.

IES DE MELIDE NA INTERCOMARCAL DE XADREZ

Alumnado de 1º ESO do IES de Melide participou este pasado domingo 29 de abril na fase intercomarcal do torneo de xadrez organizado dentro do programa xogade da Consellería de Educación, quedando como subcampións da súa categoría. Noraboa Iker, Xoel, Raúl, Carlos e Simón.

torneo xadrez

 

MARIÑA FERREIRO 1º PREMIO TRADUCIÓN TEXTOS LATINOS

Mariña Ferreiro, alumna de 2ºBACH, foi a gañadora da Olimpíada de Traducción de Galicia organizada pla SEEC (Sociedade Española de Estudos Clásicos). Onte día 25 de abril, e coincidindo coa celebración dos III LUDI COMPOSTELANI,  foille entregado o primeiro premio. Noraboa Mariña!!

mariña ferreiro

O IES DE MELIDE NOS III LUDI COMPOSTELANI

Alumnado do IES de Melide estivo nos III LUDI COMPOSTELANI, celebrados na Facultade de Filosofía en Santigo de Compostela, nos que se organizaron diferentes actividades relacionadas coa cultura clásica para alumnado de primaria e secundaria e  no que o noso centro participou organizando obradoiros de moda clásica, escritura e danza ademais de representar a Regueifa filosóf@s greg@s vs filosof@s alemáns.

IIILUDICompostelani

conferncia "MAIO DO 68 EN COMPOSTELA"

Ricardo Gurriarán, doctor en Historia Contemporánea pola Universidade de Santiago de Compostela, estivo este martes co alumnado de 1º bach que cursa a materia de historia do mundo contemporáneo para explicar como foi e como se viviu o maio do 68 en Compostela.

maio68Compostela

VISITA Ó PARQUE EÓLICO DE SOTAVENTO

O martes día 24 de abril, o alumnado de tecnoloxía visitou as instalacións do parque eólico de Sotavento. Alí poideron ver o prototipo dunha vivenda bioclimática e incluso facer un chocolote cunha cociña solar.

Sotavento

As nosas creacións

CALENDARIO

Distribuir

Distribuir contido