"A ARTE DEXENERADA", conferencia de Carolina Munáiz

O pasado 20 de febreiro o alumnado de 4º ESO e de artes de 2º BAC estivo na conferencia impartida por Carolina Munáiz "A ARTE DEXENERADA".

 A charla tiña como obxectivo primeiro dar a coñecer a purga que o réxime nazi fixo dende a súa chegada ao poder en 1933 de todas as manifestacións artísticas que se alonxasen e/ou non reflectisen exactamente o ideal de beleza que se pretendía para a sociedade xermánica. (seguir lendo)

ENTROIDO 2018

O pasado venres día 9 de febreiro celebramos o entroido no instituto, aquí tedes un resumo do que foi o festival.

 

IX OLIMPIADA DE XEOLOXÍA

O pasado mércores 7 de febreiro tivo lugar en Santiago a fase galega da IX olimpíada de xeoloxía. Asistiron á mesma Paula Cordero Sánchez, Sara Folgueira Fernández e Lucía Vázquez Arias, alumnas de 4º ESO B.

Pola mañá fixeron unha proba práctica en grupo, coa que puideron demostrar, sobre o terreo, os seus coñecementos xeolóxicos. Pola tarde tivo lugar a proba individual. Tras esta puideron visitar o animalario da facultade de bioloxía, onde descubriron a importancia que teñen animais como os ratos ou a robaliza na investigación biomédica.

Aínda que non resultaron clasificadas para participar na fase nacional, seguro que fixeron unha probas magníficas. Parabéns rapazas pola vosa actitude e aptitude!

OLIMPÍADA GALEGA DE BIOLOXÍA. 2º BACHARELATO

O pasado venres 12 de xaneiro do 2018 tivo lugar en Vigo a XIII Olimpíada de Bioloxía (Fase autonómica). Asistiron á mesma Paula Ares Turrado, Iria Barreiro Vázquez, Patricia López Andrés e David Sesar Casal, acompañados pola súa profesora Cristina Viqueira Gómez. Unha vez alí gozaron, xunto con outros 100 alumnos procedentes de 31 institutos de Galicia, dunha interesante xornada aprendendo bioloxía e demostrando o aprendido durante todos estes anos. Aínda que non foron seleccionados entre os 3 gañadores, non dubidamos que os nosos alumnos fixeron una proba magnífica, polo que dende aquí, queremos felicitalos.

Conferencia "FACENDO CIENCIA EN GREGO"

O pasado 12 de xaneiro tivemos a sorte ter no IES de Melide a Teresa Amado, profesora de grego da USC, que impartiu unha conferencia sobre a orixe da ciencia na antiga Grecia e a creación de léxico científico ao alumnado de 4º ESO e ao de grego de BAC.... (preme aquí para seguir lendo).

Facendo Ciencia en Grego

Asistencia ó espectáculo "RÉQUIEM POR UN MONICREQUE"

O pasado 11 de xaneiro o alumnado de 4º ESO de artes escénicas e de 1º BAC asisitiron en Santiago de Compostela ó espectáculo "REQUIEM POR UN MONICREQUE", peza deliciosam que partindo dunha anécdota histórica operística indaga con ironía na relación do escénico co extraescénico (preme aquí para ler máis)

requiem por un monicreque

GALA DOS 50 ANOS DO ENSINO MEDIO EN MELIDE

Un documental e un xantar de reencontros poñen o broche de ouro ós actos conmemorativos do 50 aniversario de ensino medio en Melide.

O alumnado de 2º de ESO que cursa a materia de eNPRoXECTO doulle vida a un documental que, baixo o título “Letras que adornan números”, deu coñecer as idas e benvidas das avenidas das vidas do Colexio Libre Adoptado (1967-1969), da sección Delegada do Arzebispo Xelmirez (1969-1973), do Instituto Nacional de Bacharelato (1973-1966) e do IES de Melide.

Nun emotivo acto, as testemuñas de alumnado, profesorado, persoal de administración e servizos e pais e nais de diferentes décadas, nos lembraron 50 anos de pasos cruzados compartidos, anos de historias respectuosas coas novas xeracións, que queren ceder o seu protagonismo as letras que non están escritas.

Así remataba o documental, apostando polo liderado compartido, para sermos quen de seguir enfrontando con ilusión os retos do ensino do século 21: unha aposta pola ensinanza plural, sostible, integradora e atenta coa realidade que nos toca vivir para interpretar e construír un mundo bo, xusto e bonito. 

INAUGURACIÓN DOS ACTOS DO 50 ANIVERSARIO DO IES DE MELIDE

O pasado 29 de novembro puidemos asistir á inauguración da exposición e á poxa de mobles conmemorativa dos 50 anos do IES de Melide.

inauguracion

Nestes actos o alumnado do centro tivo un protagonismo especial, pois foron eles os encargados de inaugurar a exposición cunha pequena representación teatral ademais de ser os guías da xente que se achegou ó centro asomándolles unha exposición eles mesmos prepararon.

 inauguracion2

inauguracion3

 A exposición, sita no corredor principal da planta baixa do IES de Meldie, fai un pequeno percorrido pola historia do centro: fotos, notas deprensa, documentos e obxeto que amablemente distintas persoas cederon, amosan como foi a historia do instituto dende antes da súa creación ata a actualidade e como este foi evolucionando a par que a sociedade, a contorna e a tecnoloxía.  

 inauguracion4

Ás 19:00 puidemos asistir á poxa de celebración do 50 aniversario, na que Javier Iglesias e Cristina Viqueira amosaron o traballo realizado polo alumnado do Ciclo Medio de Madeira ó público asistente.

Poxa

 

Poxa público

CELEBRACIÓN DO 50 ANIVERSARIO DO ENSINO MEDIO EN MELIDE

MEDALLA DE OURO DO CONCELLO DE MELIDE 2017

Estimado Sr./Sra.

En representación do IES de Melide é un pracer para nós informarlle dos actos que terán lugar co gallo da celebración do quincuaxésimo aniversario deste centro de ensino e o que para a comarca de Melide supuxeron estes 50 anos de ensino medio.

Os actos darán comezo o vindeiro 29 de novembro ás 18:30h  no IES de Melide,coa Inauguración da Exposición dos 50 anos, onde se recolle unha pequena mostra do material didáctico empregado nos últimos anos no noso instituto, así coma obxectos e recordos que membros da comunidade foron achegando amablemente ó centro para enriquecer esta exposición. Nesta data teremos tamén a oportunidade de ver os traballos que o alumnado Ciclo Medio de Carpintaría e Moble fixo no último curso na “Poxa de Mobles Curso 1967-2017” ás 19:00 h no salón de actos (aula 309) do noso centro.

Remataremos os actos de celebración o día 16 DE DECEMBRO ÁS 12:00H COA GALA 50 ANIVERSARIO TAMÉN NO IES DE MELIDE para posteriormente, desfrutar do Xantar de Celebración e Reencontros previsto para as 14:30h no Pavillón do centro.

Esperamos poder contar con vostede nestes actos de celebración.

 Un cordial saúdo, 

A DIRECCIÓN

P.D.: É PRECISO CONFIRMAR ASISTENCIA ANTES DO DÍA 11 DE DECEMBRO

-CONFIRMAR ASISTENCIA GALA 50 ANIVERSARIO NO IES de Melide teléfono 881866109 indicar nome e apelidos das persoas asistentes.

-XANTAR DE CELEBRACIÓN E REENCONTROS

         Menú: Polbo, carne ó caldeiro, postre e café.

         Prezo: 20€

Ingreso en conta BANCO POPULAR ES17 - 0238 - 8194 - 1908 - 5000 - 0197, indicando XANTAR CELEBRACIÓN  así como nome e apelidos da persoa ou persoas que asisten.

Obradoiro Danza e Expresión Corporal

Este luns 13 de novembro tivemos con nos á bailarina Lola Corzo para achegarnos ao mundo da danza clásica.

O alumnado de Artes escénicas poido experimentar e darse conta da importancia do movemento dentro da escena, así como da complexidade que leva consigo o control do corpo e a dura disciplina de entrenamento que require.

A danza é unha das expresións culturais máis descoñecidas pero que está chea de beneficios, non só para a saúde, senón tamén  para a expresión, para a adquisicións de hábitos de traballo, disciplina de estudo e entrenamento, autocontrol, é un largo etcétera

As nosas creacións

 





Distribuir

Distribuir contido