IES de Melide

Está aberto o prazo para a solicitude do fondo solidario de libros de texto para o curso 2023-24 e axudas para adquirir material escolar.

O prazo para realizar as solicitudes remata o 21 de xuño.

As solicitudes poden presentarse de forma telematica a través da aplicación FONDOLIBROS ou presencialmente no centro presentando ANEXO I e ANEXO II.

Máis información NESTA LIGAZÓN.

Probas recuperación módulos pendentes 2º FP básica Carpintería e moble.

Xuño 2023.

Por motivos de organización, modifícase o horario da proba do módulo Acabamentos básicos da madeira, quedando do seguinte xeito:

• Acabamentos básicos da madeira:
• Proba escrita: mércores 21 de xuño, 11:45 a 12:35 (1 sesión)
• Proba práctica: mércores 21 de xuño, 12:35 a 14:15 (2 sesións)
• Atención á clientela:
• Proba escrita: mércores 21 de xuño, 11:45 a 12:35 (1 sesión)
• Ciencias Aplicadas II:
• Proba escrita: martes 20 de xuño, 9:30 a 11:10 (2 sesións)
• Tapizado de mobles:
• Proba escrita: luns 19 de xuño, 11:45 a 12:35 (1 sesión)
• Proba práctica: luns 19 de xuño, 12:35 a 14:15 (2 sesións)

Como axuda para cubrir as matrículas para o vindeiro curso, para alumnado de 4º ESO e o que se matricule en bacharelato tedes a continuación os itinerarios de bacharelato e as ponderacións das ABAU.

ITINERARIOS BACHARELATO

PONDERACIÓNS ABAU

Publicado o calendario e inscrición nos ciclos de formación profesional (ciclos de grado medio, grado superior e para a fp dual). O prazo de presentación das solicitudes comprende dende o 23 de xuño ás 9:00 ata o 5 de xullo á 13:00. 

Para máis información consultar nesta ligazón.

Dende o Departamento de Orientación facilitamos o proceso, realizando a matrícula con vós para solucionar posibles incidencias. 

Publicada a convocatoria para a solicitude dunha praza nos centros residenciais docentes(CDR) de Coruña, Vigo e Ourense, para estudos postobrigatorios.

O prazo de presentación das solicitudes comeza hoxe día 7 de xuño e remata o 1 de agosto de 2023. 

Para máis información consultar a convocatoria na seguinte ligazón. 

Tedes, a continuación, o calendario das probas extraordinarias de 2º BAC.

O 31 de maio, iníciase o período de presentación de solicitudes para participar nos premios extraordinarios de ESO ao rendemento académico 2022-2023 (código de procedemento ED311D) cuxa orde de convocatoria publicouse no DOG o pasado 14 de abril.

O prazo de presentación de solicitudes é do 31 de maio ata o 30 de xuño.

Máis información  no ARQUIVO ADXUNTO

A Universidade da Coruña e de Santiago de Compostela teñen aberto o prazo para solicitar as residencias universitarias públicas para o alumnado que vai cursar un grao universitario no curso 23-24. 

Para máis información consultar os seguintes ligazóns:

A CORUÑA   Convocatoria 

SANTIAGO   Convocatoria 

Para resolver calquera dúbida ou informarse sobre as residencias en calquera outra cidade, contactar co Departamento de Orientación. 

Recordamos que o prazo para solicitar as axudas para alumnado NEAE está aberto ata o 20 de setembro de 2023.

Estas axudas están destinadas a: 

- Alumnado que precisa determinados apoios e atencións educativas especiais derivas de discapacidade, de trastornos graves de conduta ou de trastornos da comunicación e da linguaxe asociados a necesidades educativas especiais. 

- Alumnado con TEA que require esas axudas e apoios educativos especiais. 

- Alumnado con necesidades específicas de apoio educativo derivadas de ALTAS CAPACIDADES. 

NOVIDADE DESTE CURSO: ofrécese a posibilidade de recibir un subsidio de cuantía fixa para gastos adicionais de carácter xeral.

Para realizar a solicitude e obter máis información prema aquí.

  Este ano, e despois de tres sen poder celebrarse, voltamos a encher as rúas de Melide de deporte e ilusión. O Corremelide 2023, a lendaria carreira pola lingua galega, que este ano celebra a súa vixésima edición, transcorreu sen dificultade, con unha xornada moi propicia para poder desenvolver a carreira sen grandes contratempos. O tempo acompañou e os corredores e corredoras deron o mellor de si mesmos para conseguir moi boas marcas, e o que fundamental, participar na visibilización da importancia da nosa Lingua e tamén da necesidade de manternos en forma, fomentando hábitos de vida saudable. 

 Comezouse coa lectura dos manifestos e a entrega de premios para os gañadores deste concurso, que redactaron uns textos cargados de forza e sentimento cos que lograron emocionar aos presentes, depois douse comezo ás carreiras de Primaria (alevín e benxamín), e tras a entrega de medallas destas categorías, comezaron as carreiras de secundaria.

 Queremos dar as grazas aos nosos colaboradores Ribeirao, Jim Sports e o Concello de Melide, xunto con todos os colexios de primaria da nosa contorna, por facer que este día fora todo un éxito.

 Ao longo desta semana iremos ampliando este artigo con fotos dos medallistas e as clasificacións.