Lingua inglesa

Convocatoria das Bolsas Junior Year 2018-19

Programas educativos do Concello da Coruña. Bolsas Junior Year

Un ano máis, o Concello da Coruña pon en marcha o programa educativo A Coruña no mundo: Junior Year, para cursar 1º de bacharelato nun high School en EE.UU.
Para todas as persoas interesadas, o mércores 28 de novembro haberá una reunión informativa no Centro Cívico Municipal dos Mallos ás 19:00 h. Calquera que o desexe, pode consultar a información sobre o programa clicando no seguinte enlace web.

JANNA NAS XUNTANZAS DE BOLSEIROS FULBRIGHT

A nosa compañeira Janna Karatas auxiliar de conversa e representante dos bolseiros Fulbright en Galicia acudiu esta semana a varias xuntanzas autonómicas e nacionais sobre o plurilingüismo na educación e o importante labor desempeñado polos bolseiros Fulbright en todo o país como auxiliares de conversa nas aulas de lingua inglesa. Nestas xuntanzas actuou coma ponente en varias sesións e mesas redondas (velaí as fotos que acompañan a reseña, nas que Janna adicou espazo a outros benqueridos "compis do insti").
Para o IES Plurilingüe Elviña, como xa dixemos noutras ocasións, é algo máis que unha honra poder contar entre os docentes do noso centro coa presenza dos bolseiros do Programa Fulbright, profesionais sempre de altísima calidade, pero aínda máis no caso de Janna, na que á calidade profesional se xunta a cercanía, a afabilidade e o permanente sorriso. Thanks, Janna!

ACTIVIDADES PLURILINGÜES DO DEPARTAMENTO DE INGLÉS (IES PLURILINGÜE ELVIÑA)

Este luns 1 de Outubro, tal e como se sinalaba na circular de solicitude, comezan as actividades plurilingües no IES Elviña. O horario das actividades será de 16:10 a 17:00. O alumnado realizará actividades de inmersión en lingua inglesa coa auxiliar do centro Janna Karatas e o profesor Francisco Amado Vilariño. O alumnado seleccionado pode consultarse nesta lista (clicar aquí). A non asistencia ou as posibles baixas supliranse co alumnado excluído pola orde que se indica na mesma listaxe.

BECARIOS FULBRIGHT 2018-19

Lingua inglesa

Benvida de novo a Elviña, Janna!

O mércores pasado organizouse en Santiago de Compostela o tradicional acto de benvida para os becarios Fulbright que colaboran como auxiliares de lingua inglesa nos centros de ensino plurilingües de Galicia. Coma o ano pasado, Janna Karatas, que dirixiu unhas palabras no acto a todo o persoal presente, foi destinada ao IES Plurilingüe Elviña, nesta ocasión por decisión propia. Nin que dicir ten a honra que para o noso centro supón contar cunha traballadora da súa categoría humana e profesional. Unha forte aperta de benvida para ti, Janna. Xa sabes que estás na túa casa.

Programa IDIOMAS DO MUNDO 2018. CONCELLO DA CORUÑA

O concello da Coruña abre o prazo para a inscrición de alumnado no Programa Idiomas do Mundo 2018

     O programa municipal Idiomas do Mundo 2018 é unha actividade de inmersión lingüística nun dos catro principais idiomas do mundo (inglés, francés, alemán e portugués). Ofrece ao alumnado de 4º de ESO e 1º de Bacharelato dos centros de ensino secundario da cidade un conxunto de 71 bolsas para estadías veraniegas de 4 semanas de duración en catro cidades europeas. O obxectivo do programa é mellorar a competencia nalgunha das linguas europeas máis faladas no mundo e poder acreditar de xeito oficial o nivel acadado consonte o Marco Común Europeo de Referencia para as Linguas (MCERL); ademáis de participar nunha acción intercultural aumentando a conciencia e comprensión doutras culturas e países e a educación dos participantes no respecto á diversidade e á igualdade, ao tempo que lles permita avanzar o seu desenvolvemento persoal.
     O prazo para a presentación da documentación comeza o 5 de marzo e remata o día 28.
     Para arranxar calquera dúbida relacionada con este programa, os representantes de educación do Concello farán unha reunión para as familias e persoas interesadas o luns 12 de marzo ás 19:00 horas no Centro Cívico Municipal dos Mallos.
    A convocatoria e as bases do programa, así como os formularios de inscrición pódense consultar na web do Servizo de educación do Concello da Coruña. O próximo luns 5 de amarzo habilitaráse a ficha de inscrición en liña. Clicando na imaxe de cabeceira acceden a un resume da convocatoria.

ESPAZO MAKER

Erasmus+ Internacionalización

DEPARTAMENTOS

Departamentos

Ciencias naturais	Debuxo
Economía	Educación Física
Filosofía	Física e Química
Lingua castelá	Lingua francesa
Lingua galega	Lingua inglesa
Linguas clásicas	Matemáticas
Música	Tecnoloxía
Xeografía e Hª	Normalización
Orientación	Relixión

BIBLIOTECA

Club de lectura

Revista "Xiada dixital"

Último número
Números anteriores

Dereitos de imaxe

As imaxes e vídeos contidos nesta páxina web corresponden ás actividades desenvolvidas dentro da Programación anual de actividades do noso centro polo noso alumnado. Todas as familias e responsables legais do alumnado que aparece nelas asinaron coa matrícula un permiso específico para permitir a difusión destas imaxes a través da web do instituto ou a través das contas en espazos web e en redes sociais que son de titularidade do IES Plurilingüe Elviña. Asimesmo, familias e responsables están tamén informados do seu dereito de revogar esa autorización de uso de imaxe.
Lémbrase que a descarga destes materiais visuais e o seu uso por terceiros fóra do estrito marco dos espazos e funcións permitidos pola autorización citada (isto é, a difusión meramente informativa das nosas actividades complementarias e extraescolares a través da páxina web oficial do centro e a través das contas das que o centro é titular) son ilegais, poden e deben ser denunciados. O IES Plurilingüe Elviña non se fai responsable do uso que se poida facer destas imaxes por terceiros fóra do ámbito dos espazos web que son da súa titularidade.