STARgal 17

O 16 de maio celebrouse o STARgal ó longo da mañá centrándonos en 2 temas: a vida e obra de Carlos Casares e a Ruta Translatio, Proxecta no que levamos traballando todo o ano (Mirando polo camiño). Todo o alumnado do centro participou: competiron nos 8 videoxogos, interactuaron coas instalacións de robótica; viron os mellores booktrailers e videocontacontos… En total había 11 estacións coordinadas integramente por alumnado monitor (50 rapaces e rapazas); tivemos, ademais, un stand no que se mostrou material elaborado por Bricolabs, o laboratorio de hardware libre da Coruña que fomos visitar en febreiro.

As propostas tecnolóxico-literarias agrupáronse nas seguintes estacións:

Vento Ferido: escolma de booktrailers elaborados polo alumnado de 3º ESO baseados na guía elaborada desde o departamento de Galego do noso centro, As meigas da Raíña Lupa
Os escuros soños de Clío: proxección dos vídeo-contacontos que se presentaron ó concurso Máis que Palabras organizado o Departamento de Lingua Galega.

Xoguetes para un tempo prohibido: exposición con mostras do fedellar nas aulas de Tecnoloxía. Unha mostra elaborada en coordinación co espazo maker Bricolabs da Coruña.
Deus sentado nun sillón azul: un máxico Sillón Azul no que un respresentante de cada equipo de alumnos se sentou e foi caracterizado como Carlos Casares para ser entrevistado. As video-reportaxes emitíronse en directo por Periscop
As laranxas máis laranxas de todas as laranxas: deseñamos e construímos unha gran laranxa con estrutura de domo frecuencia 2. Dentro, gracias a unhas gafas de RV, podía accederse a cinco contornos extraídos de obras de Casares.

Toribio revoluciona o tráfico: as Monitoras desta proba propoñías un circuíto entre cidades que tiveron que ver coa vida de Casares. O alumnado de de 1º ou 2º podía empregar unha app que implementou o alumnado de 4º, os de 3º ou 4º debían programar. O obxectivo era que o Lego cubrise o traxecto no menor tempo posible e sen tirar os obstáculos.

Cambio en tres: nesta estación baseada en Makey Makey concursábse como grupo. Tratábase de atinar co recipiente que contiña a resposta correcta ás preguntas que se proxectaban na pantalla sobre a obra de Casares

Ilustrísima: instalación didáctica baseada en Arduino que deseñou e construiu o alumnado de 4º para que todos nos achegásemos de forma lúdica á vida de Casares.

Un polbo xigante: un gran polbo que cos tentáculos seguía o movemento da nosa man. Fixémolo empregando un sensor de presencia 3D e varios servos conectados a un mblock.

Lolo anda en dron: unha mostra de voo con drons que lle encantaría a Lolo, quen en verdade só andaba en bicicleta...

Todo o alumnado de 2º, 3º e 4º traballou os contidos de programación en Scratch (2º e 3º), Mblock (3º e 4º) e LEGO (4º e voluntariado de 3º). Eis unha unha escolma dos mellores:

Lendas da Ruta Translatio (1), preguntas e respostas, por Laura Agra e Ainhoa Muñiz
Lendas da Ruta Translatio (2), preguntas e respostas, de Gisela Fernández e Gabriela Alonso
O labirinto da Ruta Translatio, por María García e Laura Places
Raíña Lupa vs Apóstolo, un xogo de batalla de Jason Sánchez e Manuel López
A historia da Raíña Lupa, un xogo de superar fases elaborado por Alejandra Melón e Raquel Romero
Jimmy e a pantasma (contan a lenda da Raíña Lupa,
Ollo cos bois!, versión do Pacman de Manuel Sánchez no que tés que esquivar os Toros Bravos que mandou a Raíña Lupa para deter ós apóstolos
Flappy Apóstolo, un flappy de José Ramón onde a Raíña Lupa debe esquivar apóstolos
O peixe de cores, unha proba de habilidade de Laura Outeiral
As aventuras da Translatio, un xogo de Mario Sánchez cos personaxes do Códice Calixtino
Atrapa a palabra correcta, xogo gramatical baseado nas personaxes de Casares, de Irene Iglesias e Paula García
Plataformas de Casares, con personaxes dos seus contos. Por Alicia Guijas, Carla Vidal e Andoni Fernández
A galiña burlona, xogo de rebotes coa galiña en vez de pelota, por Carlos López e Alejandro Vázquez
Doces da felicidade, xogo de Candela Vidal sobre o conto de Casares
O labirinto da Galiña Azul, por Jesús Fontaine
Que non te coma o dragón, xogo de Tania Martínez e Noemí Otero

En colaboración coa A.C. Olloboi propuxemos ó alumnado do obradoiro audiovisual un material didáctico sobre o audiovisual: un conxunto de vídeocharlas e actividades interactivas que mellorou o dominio da linguaxe audiovisual por parte do alumnado.

Tralo obradoiro, o alumnado escribiu, gravou e montou a seguinte curta sobre a Ruta Translatio logo de facer o roteiro correspondente (folleto ó final do post).