Obradoiro de arte. E.I.

MASIDE EN COMPOSTELA. O TESTAMENTO PITÓRICO DO MESTRE.

Os días 25 e 26 de marzo, o alumnado de E.I., asistimos á Fundación de Abanca na Rúa de Vilar de Santiago, a ver a exposición pitórica " Maside en Compostela" do destacado pintor galego.

Este é o testimonio da nosa frutífera saída.

TROGLODITAS. Lembranzas do noso disfraz.

Con estes sinxelos debuxos a cera, quixemos deixar constancia do guapísimos e guapísimas que fomos o día da festa do entroido. Mirade algunha das nosas vestimentas.

DEBUXAMOS CON CARBONCILLO

No obradoiro de arte tamén quixemos aportar o noso granciño de area ao interesante proxecto da prehistoria no que estamos inmersos.

Por suposto o primeiro que fixemos foi informarnos e documentarnos tanto en libros e enciclopedias como visitando algunha páxinas en internet.

Deixamos enlaces a algún dos vídeos interesantes cos que fomos aprendendo e ampliando o noso coñecemento.

69º. PINTURAS RUPESTRES.

COMO HACER PINTURAS RUPESTRES. 

Premede aquí ou nos debuxos se queredes ver os prehistóricos resultados.

MANS RUPESTRES

Unha vez máis volvemos a voltas coas mans. Ao igual que na arte prehistórica quixemos deixar a nosa pegada en positivo e en negativo.
Mirade os resultados.

Para saber máis sobre a enigmética representación das mans como elemento artístico, coma sempre documentámonos vendo algúns interesantes vídeos.

VídeoMANOS RUPESTRES.

Vídeo LA CUEVA DE LAS MANOS.

PIGMENTAMOS

Para entender como pintaban con elementos naturais os homes e mulleres da prehistoria, intentamos facer o mesmo que eles. Mesturamos distintos elementos naturais e auga, remexemos e segundo a cor orixinal, a auga aparecía tinxida.

Utilizamos terra e  ladrillo machacado e conseguemos marróns e vermello.

Tamén utilizamos outros produtos procesados en pó, para conseguer outas cores. Traballamos con cacao, café, colorante alimentario, pemento, curri, especias indias e canela. 

Así quedaron os coloridos fondos.

Clicade aquí ou na foto para ver as imaxes.

ESGRAFIADO. Que nome tan raro!

Para nós: debuxo máxico

Con este nome témonos referido a distintos traballos realizados outros anos. Utilizámolo de cada vez que unha técnica por pasos nos sorprende  no seu resultado. Agora sabemos que esta é unha actividade moi coñecida, pero para nós era nova e máxica.

Utilizamos un anaco de cartolina branca e máis ceras brandas manley de cores. Pintamos anaquiños de distintas cores, cubrimos todo de cera negra e ....rascamos con algo punzante para ir creando o noso debuxo. Si, agora sabemos, estivemos utilizando a técnica do esgrafiado, que utiliza un pouco da técnica do gravado e outro da serigrafía.

Mirade o proceso e os resultados.

Se queredes saber máis sobre esta técnica aquí vos deixamos un enlace.

OLA, OLA!

Con un pouco de retraso comezamos un curso máis a nosa particular, didáctica, creativa e divertida ANDAINA pola ARTE. Xa levamos mes e medio dándolle as mans, e xa comprobaredes por que o dicimos.

Se queredes ir vendo unha mostra do moito que levamos artisteando, aquí vos vai  un adianto.

Preme aquí ou na foto

E como pasa o tempo! Como imos medrando! Queredes ver o maiorcísimos que nos vemos? 

Así foi como comezamos o noso paseo artístico, presentándonos coa mellor forma que sabemos facelo, debuxándonos. Así che son! Así me vexo!

Mirade os resultados.

Voando vou, voando veño...

e así sen nos percatar,

ao terceiro trimestre

acabamos de chegar

As meninas de Diego Velázquez

Por segundo ano consecutivo, decidimos abordar un traballo sobre esta enigmática e cautivadora pintura. Logo do noso enorme interese  por saber sobre sobre o que alí acontece, coñecer a súa historia e descubrir os seus personaxes, este curso démoslle un tratamento especial coa nosa particular interpretación desas Meninas de Velázquez e da Infanta Margarita, protagonista do cadro.

E para saber máis fomos á aula de informática a mergullarnos na rede e atopamos moita información do cadro e dos seus personaxes. Ata poidemos escoitar as explicacións da propia Infanta e do mesmo Velázquez sobre todos eles! E mesmo vimos un conto de animación sobre a sua historia!

Como pintoras e pintores case profesionais, e logo de recabar un mundo de información, comezamos o noso traballo, facendo bocetos.

Logo disto, comezamos o noso taballo sobre os lenzos coas nosas particulares e orixinais versións. Así quedaron "As Meninas da Ramallosa".

Construíndo xunt@s.    

Nesta actividade grupal, precisamos poñer moita imaxinación, consensuar, coordinarnos, expresarnos, dialogar e mesmo discutir un pouquechiño ata chegar a acordos.

En cada grupo de traballo, pensamos nunha creación para que nos representase diante dos demais, como se se tratase dunha mascota.  Debatemos sobre que queriamos facer, e por maioría acadamos un consenso. Pensamos no material base, onde eliximos entre poliespán, tubos de cartón e caixas de cartón e de plástico. Logo, fómoslle dando forma ao noso proxecto, verbalizando os detalles, e á vez decidindo que outros materiais iamos utilizar. Para iso, unha vez máis recorremos ao baúl das trangalladas, tan útil para permitirnos imaxinar. Recorremos as bandexas cos materiais de refugallo  e fomos decidindo que nos facían falta.  

E nesas andamos, uns xa rematados e outros en pleno proceso. No que coincidimos todos foi no que gozamos coa actividade. O que tal nos gustou! E que orgullo!

Botádelle un ollo ás nosas construcións 

Flores de primavera

Non é a primeira vez que facemos unha actividade como resultado dunha necesidade. Chegada a primavera, puxémonos a debuxar flores para adornar a árbore que temos nocorredor de infantil. Así de sinxelo e así de útil.

    Premede aquí ou na fotopara ver distintos modelos.