Responder ao comentario
COAS NOSAS MANCIÑAS, COUSAS BEN BONITIÑAS
PALMA, REPALMA...
Aquí estamos de novo coas mans na masa. Supoñemos que xa tedes comprobado que temos moi boas mans.
Modestia aparte, a verdade é que nos demos conta que utilizando as nosa mans como modelo , podiamos facer un mundo de cousas distintas. Utilizando a contorna da man e botándolle un chisco de imaxinación, decoramos a árbore do noso corredor e fixemos uns cadros ben chulos.
Mans á obra! Mirade aquí os resultados.
ARTÍSTICAS TOALLIÑAS
En máis dunha ocasión temos botado man de materiais que xa non se usan ou de refugallo para novos traballos artísticos. O que non podiamos crer que mesmo a tolliña na que limpamos as mans, chegara a ser unha auténtica obra de arte. Querédelo ver?
MUROMÁN
Pois agora, erguémola ben alto e deixamos a nosa impronta en dous muros do patio de area. Mirade que vistoso quedou e canta imaxinación lle botamos.
ARTISTEO NA AREA.
ARTE EFÍMERA.
Mentres algúns compañeiros estaban en plena creación artística coa súa man no muro, algúns e algunhas decidimos non perder inspiración e seguir deixando, iso si por pouco tempo, a nosa obra.