6º Curso

O 11 de decembro participamos na fase comarcal da competición de Campo a través que tivo lugar nas instalacións do complexo deportivo de Monterrei, no concello de Pereiro de Aguiar.

Foi unha xornada festivo deportiva de convivencia con outros centros educativos da zona de Ourense na que, ademais de realizar exercicio físico, puidemos disfrutar dun fantástico entorno natural ao tempo que traballamos valores como o compañeirismo, amizade, respecto, xogo limpo...

Na galería de imaxes podedes ver o ben que o pasamos nesta xornada.

 ENTREGA DE MEDALLAS E CLASIFICACIÓNS

• Clasificación benxamín feminino.
• Clasificación benxamín masculino.
• Clasificación alevín feminino.
• Clasificación alevín masculino.
• Clasificación infantil feminino.
• Clasificación infantil masculino.

Desde a Concellería de Educación en colaboración coa Escola Xadrez – Club Liceo Academia Postal,  presentouse no noso centro un programa de xadrez, orientando as bases para socializar aos nenos e nenas e crear  vínculos de comunicación e amizade.

Este programa ten a seguridade dun futuro para o alumnado participante, que lles axudará a desenvolverse e mellorar  o seu rendemento escolar, como a súa mellor arma pedagóxica para aprender a aprender toda a súa vida.

Está previsto que esta actividade se desenvolva de 16:00 a 18:00 dous días pola semana (martes e mércores) na biblioteca do noso centro.

• Descarga o impreso de solicitude para entregar no centro.

O 14 de novembro realizamos o primeiro concurso de animación á lectura deste curso. Nesta ocasión o libro escolleido foi No corazón do bosque de Agustín  Fernández Paz.

Raquel ten nove anos e vive na cidade. Un día vai coa súa clase de excursión ao bosque das Fragas do Eume. De regreso na casa, descobre abraiada que se lle coou na mochila un ser vello e diminuto. É Derdrín, un trasno de máis de trescentos anos, que habitaba na fraga e non quería pasar o inverno só. Dille á nena que unicamente precisa conversación e algo de comida. Raquel acepta que se converta no seu hóspede secreto e ofrécelle para durmir a caravana das barbies.

A novela é a crónica dos meses que pasan xuntos, durante os cales Derdrín exercerá unha influencia moi grande na vida da nena, tanto no ámbito familiar como na escola. Unha historia tenra e cargada de humor, que reivindica a necesidade da fantasía e, tamén, a importante función que cumpren os antigos mitos en calquera sociedade.

O equipo gañador levou como premio o libro que traballaremos ao longo do próximo mes: A balada dos unicornios de Ledicia Costas.

O 8 de novembro celebramos no polideportivo do centro a festa do magosto.

Este ano, a mestra de educación física organizaou sete estacións de xogos populares polos que fomos pasando todos os cursos do cole.

Unha vez que rematamos os xogos, disfrutamos do menú de outono que nos serviron e prepararon os nosos profres: bolos preñados, empanada, lacón asado, bica e as protagonistas da festa, as castañas, asadas con moita paciencia polo profe Alfonso.

Para rematar, coma sempre, pintámonos todos e todas cos tizóns dos restos da fogueira.

Pasámolo xenial!!

O alumnado de 4º, 5º e 6º de Ed. Primaria asistiu ao Auditorio Municipal para presenciar o concerto de música electrónica: “Bitácora. Un concerto musical”.

Un submarino perdido na inmensidade do océano precisa reiniciar todos os seus sistemas de navegación para poder volver ao seu fogar. Para conseguilo, a tripulación deberá seguir as instrucións de Bitácora, un caderno musical. O espectáculo permitiu ao alumnado coñecer a música electrónica interpretada por instrumentos coma o ewi, o octapad ou o theremin.

O obxectivo principal desta actividade foi darlles a coñecer a música electrónica e algúns dos instrumentos cos que se pode interpretar, así como axudarlles a comprender e valorar elementos significativos da música electrónica facendo que gocen das experiencias e creacións artísticas e contribuíndo, así, ao seu enriquecemento persoal