Skip to Content

4º Curso

Visita a Corrubedo e Porto do Son

O mércores desta semana , o alumnado de 4º curso de Primaria fomos de excursión a Corrubedo e Porto do Son.

En Corrubedo estivemos no Centro de Interpretación do Complexo Dunar, onde nos falaron da fauna e flora deste lugar, e dos recursos que utilizan as plantas para adaptarse ás condicións deste territorio. Despois visitamos a gran duna móbil.

En Porto do Son visitamos primeiro o museo Marea, museo da memoria mariñeira, onde puidemos ver algúns aparellos de pesca e marisqueo, e por último, coñecemos o traballo das redeiras do porto.

Sofía Álvarez e Alba Negreira

 

 

 

Adela Carril Camiño de 4º de Primaria finalista dos Premios de Xoiaría

Entrega de premios do VI Certame Deseña unha xoia para a túa nai

VI certame "Deseña unha xoia para a túa nai"
Deseño finalista da categoría de 8 a 10 anos.
Adela Carril Camiño, 10 anos
CEIP Pedrouzos
Brión

Ao certame presentáronse máis de 8000 debuxos de todo Galicia, repartidos en catro categorías. Adela foi finalista na categoría de 8 a 10 anos, quedando o seu deseño entre os 20 primeiros.

 


Saímos ler ao patio.

Aproveitamos a chegada do bo tempo para saír ler ao patio cos nosos afillados e afilladas de 1ºA. Calquera sitio é bo para ler, e xa que está un día tan soleado,  por que non saír a disfrutalo? Ao final tivemos que buscar unha sombra porque ía calor de máis !! Guay

 

Pepe Maestro veu ao noso colexio

 

 

Esta semana veu Pepe Maestro á nosa escola a falarnos do seu libro El circo de Baltasar, e doutros que publicou, como Epaminondas.

Tamén nos contou que antes de ser escritor traballara nun circo e nunha granxa-escola. Na granxa había  un can de tres patas, que logo aparece nun dos seus libros. Todo isto contouno dun xeito moi gracioso e fíxonos rir a todos. Pasámolo moi ben.

Para despedirse asinounos  exemplares do seu libro.

Alba, Irene R. e Jessica Pardo

Preparamos a visita de Pepe Maestro

O alumnado  de 3º e 4º estivemos preparando a visita do escritor Pepe Maestro. Lemos o seu libro El circo de Baltasar e fixemos murais sobre o libro e o autor.


 

 

   

Sesión de contacontos con Raquel Queizás

 

Raquel Queizás, actriz e contacontos, veu á nosa escola coa súa mapaleta ( mapa+ maleta ), da que sacou dúas lendas, unha de China e outra de Perú.

A que máis nos gustou foi a de Perú. Esta lenda explica por que os coellos teñen as orellas grandes.

Raquel pediu a participación do público e saíron Carlos e Benedicta. Carlos fixo de gorila e Benedicta de serpe.

Gustounos moito esta sorpresa, agasallo da editorial Edelvives.

 

Ana, Irene, Natalia e Jessica

Cos nosos afillados e afilladas de lectura

 

Nós, os de 4ºB, somos padriños e madriñas de lectura dos nenos/as de 1ºA.

Todos os luns imos lerlles uns cantos libriños apropiados para a súa idade, eles escollen os libros que mais lles gusten e nós lémosllos. Se son un pouco complicados, ou non están todavía ao seu alcance, axudámoslles a elixir, aínda que se elixen un Mortadelo non llelo negaríamos, e vós?

É unha actividade a mar de molona e divertida, oxalá fose todos os días.

Sofía Álvarez

Visita á exposición Tradición, cambio e innovación e teatro no Principal

O 9 de decembro, o alumnado de 4º de Primaria, fomos a Santiago visitar a exposición Tradición, cambio e innovación no Centro Abanca Obra Social. Tamén vimos unha obra de teatro titulada As laranxas máis laranxas de todas as laranxas, de Carlos Casares, no Teatro Principal.

Na exposición tivemos un guía, que através dun xogo nos foi explicando cadros de distintos artistas : Picasso, Dalí, Lugrís , Miró, Laxeiro e Leopoldo Nóvoa.

Despois participamos nun obradoiro no que fixemos unha escultura cun espazo no seu interior, inspirándonos nunha obra de Jorge Oteiza que viramos na exposición.

Ao rematar a actividade de escultura fomos ao teatro. A obra que vimos , tal como a definiu o propio autor,  é un disparate continuo de movemento e fantasía , que nos fixo pasar un momento moi divertido.

Natalia, Alejandra e Adela

Novas reunións de titorías

Luns 22 de setembro ás 16:45h:

  • 5º e 6º de infantil. No ximnasio do centro

Martes 23 de setembro ás 16:45:

  • 3º de Primaria na biblioteca
  • 4º de Primaria, cada curso na súa titoría.

Luns, 29 de setembro ás 16:45 h.

  • 5º e 6º de Primaria, cada curso na súa titoría

Nelas os titores/as comentaras as novas deste curso escolar, normas e organización escolar.

SAÍDA, FIN DE CURSO, DO ALUMNADO DE 4º DE PRIMARIA

O pasado xoves, 5 de xuño, o alumnado de 4º saímos a visitar Lira e o Ézaro. A saída tivo lugar ás 10:00 h.

Cando chegamos dividímonos en 3 grupos e a nós tocounos, primeiro, con Reme, unha mariscadora de Lira. Comentounos como era antes o porto. Despois tivemos a sorte de visitar o museo da cofradía de Lira e tamén a lonxa.

Despois fomos con Lara a facer Ciencias mariñas: mesturamos auga doce e salgada, explicounos o porqué da forma das cunchas, outros experimentos sobre o clima e a presión atmosférica e, por último, outro moi interesante para entender a diferencia de temperatura entre o Ecuador e os Polos. Logo ensinounos un miniacuario onde había variedade de especies mariñas.

Fixemos unha pausa para merendar e, a continuación, tocounos con Rita con quen puidemos disfrutar co xogo Tragapeixes.

Para chegar ao parque onde iamos a comer, fixemos unha ruta coas monitoras xogando a buscar o Tesouro dos Miñarzos. Había que seguir as indicacións das pistas que aparecían en distintos sitios e así, pouco a pouco, conseguimos atopalo: ¡Un cofre cheo de pegatinas!

Comemos e marchamos para o Ézaro. Alí visitamos o museo da Electricidade, onde disfrutamos dun video e cubrimos un cuestionario que nos prepararon os profes. Ata tivemos sorte que á saída o encargado do museo agasallounos cun chupa.

Por último contemplamos a fermosísima cascada do Ézaro e chegamos de volta ás 19:15 h.

Pasámolo moi ben. ¡Un estupendo fin de curso!

O alumnado de 4º

Distribuir contido


by Dr. Radut