Skip to Content

4º Curso

De camiñata polo concello de Brión

 

Que mellor maneira de coñecer a contorna do noso colexio que facer unha ruta a pé! Iso pensaron os profesores de Educación física, que nos levaron a facer unha camiñata de 7km con saída na igrexa de Viceso, para continuar logo polos pobos de Esparís, Vilar, Vioxo de Abaixo, Mato e rematar na escola da Luaña, onde saiu a profe a saudar a algún dos que foron alumnos seus cando ían en Infantil.

Neste percorrido atravesamos bosques frondosos de carballos e vimos exemplos de arquitectura popular como igrexas, fontes e cruceiros.

Proxecto inspirado na obra do artista canadense Ted Harrison

Stefanie Coutu, a nosa auxiliar de conversa,  descubriunos ao artista canadense Ted Harrison, sobre o  que fixemos un proxecto inspirándonos na súa obra Nothwest territories And Nunavut.

A temática da obra de Ted Harrison xira en torno ás xentes e ás paisaxes do  Yukón, rexión do extremo noroeste de Canadá.

 

The Blue Hen

 

Influenciados por Franz Marc, polo seu estilo e uso das cores, atrevémonos a facer a nosa versión da Galiña Azul de Carlos Casares.

Franz Marc: The Painter of Animals

 En Plástica estivemos traballando a obra do pintor expresionista alemán Franz Marc, que se fixo famoso polos seus cadros de cabalos azuis, vacas amarelas e gatos vermellos.

 

 
   

.

Excursión de fin de curso a Marín

 

O 1 de xuño fomos de excursión a Marín. Primeiro  estivemos no Centro de Interpretación dos petróglifos de Mogor, onde  nos  explicaron que un petróglifo é un gravado feito nas rochas, ao aire libre, que se fixeron na Idade do Bronce e que representan distintas figuras; un dos que mellor se vía  tiña forma de labirinto.

Despois fomos á praia, fixemos castelos e bailamos mentres esperabamos por parte do grupo que aínda estaba vendo os petróglifos. A continuación fomos ao Parque dos Sentidos. Había moitos tobogáns, un deles era moi grande e con curvas, e tamén vimos  moitos instrumentos musicais  xigantes. Mentres estabamos comendo no parque sobrevoáronnos  varios cazas porque viñera o rei Felipe VI para celebrar o 3º centenario da Escola Naval Militar.

 Por último fomos ao Ecoparque Multiaventura, primeiro os monitores ensináronnos a poñer os mosquetóns e o búho ( unha polea para enganchar nas tirolinas ) e logo xa puidemos ir aos circuitos arbóreos. Algúns de nós subimos  ata o nivel 2 e tivemos que axudar a algúns compañeiros a subir á plataforma da 1ª tirolina do nivel 2.  Pasámolo moi ben tirándonos polas tirolinas.

 Cando rematamos,  os profes deixáronnos comprar un xeado e tomar a merenda antes de volver para ao colexio.

Gustounos moitísimo esta excursión!!

 Daniela, Antón, Diego, Kim e Lorena

 

 

   
   
       
Premer aquí para ver máis fotos      

 

 

 

 

 

 

 

 

 

 

 

Encontro na biblioteca con Haakon Casares, fillo maior de Carlos Casares

 

Hoxe, día 23 de maio, visitounos Hakon, o fillo de Carlos Casares. Falounos sobre o seu pai, de como pasou a infancia en Xinzo de Limia, cos seus pais e co seu irmán, de como despois de volver do seminario (un colexio que non lle gustaba),uns dias máis tarde,  foi á biblioteca de Xinzo de Limia onde comezou a sua pasión pola literatura,e iso levoulle a escribir libros.

O primeiro libro que escribiu foi Vento Ferido, que é un libro para maiores,  e como non habia libros en galego para nenos decidiu escribir A Galiña Azul, Toribio, Lolo anda en bicicleta…

Tamén nos contou que unha vez o seu pai lle  pediu opinión sobre un dos libros que estaba escribindo,  e por iso é o libro do seu pai  do que máis orgulloso está.

Por último,  fixémolle varias preguntas,  como por exemplo  se o seu pai  era moi traste de pequeno ( algo traste-dixo )  e cal foi a súa maior trasnada... Logo démoslle un agasallo e despedímolo cun forte aplauso.

Foi xenial porque aprendemos cousas sobre Carlos Casares que non aparecen nos libros e porque o seu fillo era encantador e explicaba moi ben.

 

Ángela e Carlota

 

Fran Rei representa a obra de Carlos Casares " A galiña azul " no Centro Social Polivalente de Brión.

   

Charla de Clodio González na biblioteca do colexio

Hoxe tivemos a sorte de contar no noso centro  co escritor e etnógrafo Clodio González Pérez, que nos veu falar da Festa dos Maios, tema no que el é un erudito.

Clodio fixo un percorrido polas distintas localidades onde se celebra esta festa de exaltación da primavera para mostrarnos os distintos tipos de maios, a súa orixe e como se elaboran.

 

Making it Surreal

 

   

En Plástica estivemos traballando o Surrealismo. Unha das actividades que fixemos foi coller un obxecto cotidiano e transformalo nalgo distinto, pero mantendo a súa forma. Aquí podedes ver algúns dos traballos, que expuxemos no corredor da planta baixa.

Visitamos o Parlamento de Galicia

   
   
   
       
Distribuir contido


by Dr. Radut