Skip to Content

3º Curso

Getting Inspired by Henri Rousseau: Tiger in a Tropical Storm- Surprise!

The artist, Henri Rousseau, loved painting tropical places, but he never really went to any.

 
   

Cómo hablar con tu robot

Después de leer Cómo hablar con tu robot,  de Ana Alonso, la clase se ha animado a fabricar sus propios robots con materiales que han encontrado por casa, y así también ha pasado un buen momento en estos días de confinamiento.

Facemos carteis para animar nestes días de corentena

 

Arume, Nuria, Daniel, Iván, Ainhoa e Hugo cóntannos o que fan nestes días de corentena.

 

                                                                                                 

Eu abúrrome na casa. Estes días non me gustan, son aburridos. Boto de menos a escola e sobre todo aos meus amigos.

Nestes días xogo coa miña irmá a patinar e ao fútbol. Unha mañá, os catro arrincamos herbas do patio, e molou moito. Ás veces tamén xogamos a un xogo de ioga.

Arume Leis

 

 Este é o 7º día de corentena, de momento estouno levando ben. Tódolos días levántome cedo e fago as tarefas que manda a profesora.

Pola tarde saio ao xardín e o paso xenial coa miña familia, xogamos a xogos de mesa, ao baloncesto e a moitas cousas máis. Todas as noites vemos unha película en familia, e logo a durmir.

 Aínda que estou ben, bótovos de menos.

Nuria Villamarín

 

Levántome ás nove e media, almorzo zume de laranxa e galletas, logo ás dez vexo Clan. Despois fago os deberes ata as 12. A partir das 12 hai recreo, no recreo saímos a xogar ao fútbol e merendamos. Logo volvo facer os deberes ata ás dúas, ás 2 comemos e despois, os meus pais  nos deixan a tablet ao meu irmán e a min, dependendo do que traballaramos.

Ás 4 meu irmán e eu  facemos unha hora de deberes e ás 5 saimos a xogar ou vemos a tele, despois xogamos en familia a xogos de mesa coma o parchís, as cartas...

Á noitiña duchámonos, ceamos, e nos deixan ver a tele ata ás 10 da noite. Por último imos durmir.

 Daniel Rodríguez

 

 

Levántome da cama, despois almorzo. Máis tarde fago deberes de Lengua, Mates, etc., logo xogo un pouco, como  e descanso.

 Pola tarde merendo, fago deberes e logo xogo ao fútbol. Para rematar o día, ceo e vou para a cama.

 A min o Coronavirus aféctame, pero non coma a outros nenos que están encerrados no piso. Eu vivo na aldea, nunha casa e teño coellos,galiñas e dous cans e vou á horta, que están plantando patacas ; así vou pasando o día, un pouco dentro, outro pouco fóra.

 Iván Grille

 

 

 

Hoxe, o 26 de marzo de 2020, é o décimo oitavo día de corentena.

 Coma sempre, erguinme e fixen a cama, levantei ao meu irmán Manuel e dinlle o almorzo. Cambieille o cueiro e laveille ben a cara, xogamos un pouco e levantouse o meu pai.

 Ao mediodía puxen a mesa e comemos lasaña. Despois de comer fun lavar os dentes. Despois dun pouco,  tiven unha clase de guitarra. Cando terminou a clase, fixen os deberes. Logo merendei, fomos todos para abaixo e xoguei no columpio. Máis tarde chamáronme as miñas amigas e falei con elas por vídeochamada.

 Antes de cear, xogamos a familia un pouco ao balón, logo fun poñer a mesa para cear. Ceamos, vimos un pouco a tele e por último lavei os dentes e fun para a cama.

 

Ainhoa Grossi

Eu cando esperto vou ao salón ver os debuxos da televisión. Cando rematan os debuxos vou almorzar. Despois fago as tarefas que envía miña mestra e estudo un pouco Naturais. Se teño tempo libre xogo cos meus xoguetes ata a hora de xantar.

Pola tarde fago Smartick, unha app para aprender matemáticas,  no ordenador. Nesta tempada, como non fago actividades físicas, exercítome na bicicleta elíptica durante 15 minutos. Se me sobra tempo, xogo con papá e mamá ás peonzas.

Cando se está facendo noite, ceo e vou para cama durmir.

Hugo Uzal

 

 

 

 

 

 

 

Óscar, Valentina, Javier, Melanie, Alejandra, Noa e Iago comparten con nós o que fan nestes días de confinamento.

                                                                          Cartel de Javier Castro

 

Hoxe, día 23 de Marzo de 2020, seguimos encerrados na nosa casa por un Estado de Emerxencia, e non sabemos canto durará, por temor ao contaxio do Coronavirus.

Eu levántome cedo todos os días, almorzo coa miña nai ás sete e media, lávome, vístome e organizo as miñas tarefas. Así, paréceme que estou na clase cos meus compañeiros e a miña mestra. Nunca imaxinei canto os votaría de menos e teño moitas ganas de volver á escola.

Xanto coa miña familia, cousa que me gusta moito, xa que antes so coincidiamos para xantar todos xuntos os domingos.

Pola tarde fago exercicios que me mandan os meus entrenadores. Despois facemos algunha actividade en conxunto os meus pais, a miña irmá  e eu.

Ás oito en punto saimos todos ao porche a aplaudir e escoitar cancións que pon o meu veciño Eloi, e a min a que máis me gusta é a de “Resistiré”. Ao rato ceo, vexo un pouco a tele e logo voume deitar desexando que todos xuntos voltemos pronto á normalidade.

Óscar Santamaría

 

Nestes días que estou na casa, levántome, almorzo vendo a tele, e despois vístome e póñome a facer os deberes, despois xogo un pouco ; se fai bo tempo saio ao xardín e se non quédome dentro.

Na hora da comida, eu e meu irmán poñemos a mesa. Despois de comer saimos a xogar e facemos distintas cousas: andamos en moto, bici, patín, coche de xoguete...Tamén temos gusanos de seda que vemos comer e crecer cada día.

Ás oito saimos a aplaudir ás ventás, dende onde vemos aos veciños, e poñemos música para todos. Despois de ducharnos e de cear poñemos unha peli se nos temos portado  ben ao longo do día.

Valentina Rodríguez

 

 

Pola mañá levantámonos, e unha vez arranxados, facemos as cousas da casa, despois papá e mais eu facemos o xantar, para comer cando veña a miña mamá do traballo. Axúdolle á miña nai e facemos deberes.

 Ao rematar xogo un anaco, pinto debuxos..Logo ceamos e a durmir para cargar as pilas para o seguinte día.

 Javier Castro

 

Levántome, vou ver un rato a televisión, almorzo, lavo os dentes, vístome, péinome, estudo e despois vou comer. Sigo estudando, logo xogo coa miña irmá ; canto con ela, aínda que ela so colle o micrófono e o chupa, pero eu canto de verdade.

Pola tarde, ás 5, sempre falo coas miñas amigas do cole e despois de falar fago exercicio. Bailo un montón, polo menos 30 minutos ou unha hora, e despois merendo.

 Sempre damos os aplausos para os médicos e para todas as persoas que loitan contra o Coronavirus . Despois dos aplausos hai música. Por último, ceo, dúchome, miro a tele e a durmir.

 Melanie Betancourt

 

 

Levántome ás 10:30, almorzo e fago os deberes...e cando ven meu avó de traballar, traballa nun taller, comemos todos os da casa (somos 4).

 

Pola tarde saio ao bosque, dentro do recinto da miña casa, co meu gato e fago un paseo de 5 minutos, tamén fago videochamadas coas miñas amigas e o meu pai , xogo ao fútbol, ao  parchís, á oca...e vou para a cama. Boto de menos aos meus amigos.

Alejandra Vázquez

 

 

Levanteime e almorcei unha tostada con leite vendo a televisión. Despois subín á habitación e puxen a roupa que me deixara a miña nai.

 O sábado, pola ventá, vin xente tocando e bailando nas súas casas. Miña irmá e eu puxemos unha tenda de campaña na horta, un columpio, unha hamaca, levamos un balón de fútbol, unha pandeireta, unha frauta e uns prismáticos para ver aos veciños, pero ao final non tocaron, entón fun xogar co patinete eléctrico.

 Pola tarde fixen unha vídeochamada a Valentina, Noa e Ainhoa. Ao acabar de falar con elaas estiven un pouco no ordenador, ducheime e fun á cociña a cear e ao acabar subín para o meu cuarto, metinme na cama e púxenme a ler un conto.

 Noa Berdullas

 

O meu día é así:  Levántome da cama e fágome o meu almorzo, despois vexo un pouco a televisión porque agora non hai clases. En Clan hai profe e sigo algunhas clases.

Despois fago,  algunhas veces,  a merenda da mañá e xogo un pouco cos xoguetes. Logo fago outros deberes e vou xantar, cando termino de xantar lávome os dentes e espero unha hora e xogo con Iria por internet. Despois dunhas horas póñome o pixama ou dúchome e ceo ás  9:00, lavo  os dentes e vou para a cama.

Iago Montoro

 

 

 

 

 

 

 

Martina, Lois, Xian, Adriana, Liam e Martín cóntannos como é un día seu durante o confinamento.

                                                                           Cartel de Iván Grille

 Estes días a miña avoa está na miña casa, porque ela vive soa. Eu teño unha finca e dous cans, entón saio e estou cos meus cans ou vou a un bosque que hai na miña finca, como fixen onte,  domingo.

 Tamén xogamos toda a familia e  a miña nai,  a miña irmá e eu facemos deporte e de vez en cando ioga. Os venres vemos unha serie chamada Lost in Space, e ás veces axudo aos meus pais a facer a comida.

 O outro día vin co  meu pai as cousas que tiña nun caixón que hai  na miña habitación, algunhas cousas as tiramos porque non me facían falta. Tamén separamos os rotuladores doutras cousas.

O  meu can Roki aprendeu a sentarse cando digo sit!.

Martina Centenera 

 

 

Eu levántome, aséome e vístome. Logo almorzo e seguimos o horario de clase, mamá tenme as tarefas impresas, aínda que ás veces retrásome un pouco almorzando e vendo a tele.

O que máis mola é   o recreo, porque xogamos a moitas cousas, como por exemplo ás palas ou ás pistolas Nerf. Pola tarde acabo as tarefas pendientes e saio a xogar e a falar co meu amigo Leo. E non sei como nos escoitamos porque estamos a unha casa de distancia! Como estou eu so,  o outro día fixen unha búsqueda do tesouro que consiste en buscar pistas que me esconden por toda a casa.

Quero volver á normalidade e que marche o virus, para poder quedar cos meus amigos, saír da casa e ir entrenar.

  Lois Cebro

 

Nestes días que temos que estar pechados na casa,  non me aburro porque fago moitas cousas...

Pola mañá esperto, vou  almorzar co meu pai porque meu irmán aínda está durmindo ou co móbil na cama.

Pola tarde xogo á PS4 co meu irmán despois de comer. Lavo as mans e os dentes varias veces ao día, poño un pouco a televisión e logo volvo a xogar,  ás veces só ou co meu irmán. Ás oito da tarde saio á xanela a aplaudir aos sanitarios/as.

Xián Alonso

 

 

Hoxe coma sempre levanteime arredor das 9:00, fun ao baño

e baixei para almorzar, logo comecei a facer os deberes: o

pikachu e o de Matisse. De merenda de media maña tomei un

bocata de pavo e media mazá. Despois seguín cos deberes ata

ás dúas e logo empecei a comer. De comida había carne ao

forno e arroz en branco.

Despois de comer fun para o xardín coa miña nai e o meu

irmán pequeno Martin. Alí estivemos un bo anaco

aproveitando o bo día que facía. Logo volvín a dentro,

merendei e vin a televisión. Despois miña nai estivo facendo

rosquillas de anís e eu axudeille a facelas e logo a  fritilas ;

estaban boísimas.

Á noitiña bañeime e fun cear arredor das 8:05. Ás 9:00 fun

para a cama e estiven lendo Fairy Oak. E así acaba o meu día.

Xa sei que é  un pouquiño aburrido, pero eu teño unha

escaiola na perna e entón  non podo facer as cousas que

desexaría (correr, saltar, bailar….)

 

Adriana Pedroso

                                                  

 

Onte pola mañá  levanteime ás 10:30 para almorzar, logo cepilleime os dentes e  púxenme a facer as tarefas de clase.

 

Pola tarde comín e xoguei ao  futbol e ao  Minecraft. Despois ceei  e fun para cama…e ao seguinte día fun almorzar cereais e volvín a facer as tarefas de clase. Estou  moi aburrido porque non podemos saír de casa.

Liam Barrio

 

 

Pola mañá levántome ás 8:30 h., almorzo, aséome, vístome e despois póñome a facer as tarefas do colexio. Fago un descanso de media hora e continúo coas tarefas. Cando remato todo o traballo, axudo un pouquiño na casa, tomo unha merenda de media mañá e xogo un pouco co meu irmán.

 

Despois de comer, descanso un pouco e despois xogo no xardín co meu irmán a distintos xogos: fútbol, tenis, pin pong, ao escondite, pilla, pilla, etc. Ás veces disfrazámonos, xogo na tablet.  Todos os días coa miña familia fago deporte: corremos, facemos exercicio físico, zumba…

 

Ás 8:00 saímos á terraza a aplaudir para agradecer aos médicos, enfermeiras e enfermeiros, persoal sanitario, policías, militares, persoal de limpeza e a toda a xente que está loitando contra o coronavirus. Despois vexo un pouquiño a televisión, ceo e logo cando me vou para a cama, leo un pouco antes de durmir.

 Martín Costoya 

 

 

 

 

 

 

 

Coñecemos aos nosos afillados /as de lectura

   

Hoxe todo o colexio xuntámonos cos nosos afillados e afilladas de lectura. Nós achegámonos  ata o patio de Infantil, pois somos madriñas e padriños da aula de 4º de Infantil da profe Eva. Ao principio había un pouco de timidez por parte dos nenos/as de tres anos, pero enseguida colleron confianza e disfrutaron do conto que lles leron  os maiores. 

No Curtocircuito

   

 

Os terceiros e os cuartos asistimos hoxe á proxección, no Salón Teatro de Santiago,  dunhas  curtas de animación do  festival internacional  de cine Curtocircuito. 

A temática foi moi variada, unhas fixéronnos rir e outras reflexionar sobre problemas da sociedade actual ( violencia de xénero, prexuizos, cambio climático... )

Neste enlace podedes ver algúns trailers   http://curtocircuito.org/es/peliculas/criaturas

CARTEIS FESTA FIN DE CURSO

Mañá, venres 21 de xuño, celebraremos o remate de curso. 

Fixemos uns carteis para anunciar o programa da xornada.

E estamos  moi  contentos  por  ter actividades distintas. Contamos pasalo xenial e así despedímonos ata setembro que volveremos a estar xuntos e contar as vivencias e anécdotas das vacacións. 

                                                               Alumnado de 3ºB 

 

 

 

   

 

   

 

 

Distribuir contido