Skip to Content

4º Curso

FRIDA KAHLO INSPIRED PORTRAITS

     
     
   
   

 

Como celebramos o Magosto

 

Primeiro na aula fixemos os cucuruchos para as castañas e tamén, por primeira vez,  os de 4º axudamos a amosegar as castañas, para que non estouparan ao asalas.

Despois saimos ao patio e fixemos xogos mentres os profesores asaban as castañas. Había moitos xogos, pero o que máis lles gustou á maioría da clase foi o da rá.

 

 
   

  

Logo, por ciclos, puxémonos en filas para que nos deran as castañas asadas, acompañadas dun zume. Mentres comiamos as castañas , algúns profesores e rapaces puxéronse a tocar distintos instrumentos: gaitas, panderetas…. Tamén houbo un grupo de nenas e nenos que bailaron a muiñeira. Fixérono moi ben.

Cando rematou o baile e a música puxémonos en filas e volvemos para a clase.

 Foi un Magosto moi divertido !!

 

 Daniela e Aroa

 

Celebramos o Día do peón

O venres 11 de novembro todo o alumnado do colexio celebramos o Dia do peón.

 Primeiro fomos á biblioteca ver un vídeo de como se fan os trompos tradicionais e despois saímos ao patio. Aos de 4º tocounos no campo vermello, e alí xogamos a chepa, ao relevo, ao truco e por último tiramos o trompo todos xuntos para facer un vídeo.

 Pasámolo xenial !!

 Álex Blanco

Aprendemos a reciclar papel

Persoal de Adega veunos ensinar como reciclar papel.

 Necesitamos:

  • papel de periódico
  • un tamiz

  • un marco de madeira

  • unha batedora

  • auga

  • unha tina 

 Preparación:

Primeiro rasgamos o papel en tiras e logo en anacos máis pequenos. A continuación botámolo nunha tina con auga e batemos todo coa batedora ata facer unha pasta de papel espesa.

 

Despois colocamos  o marco no tamiz e metémolo na pasta de papel ata enchelo, logo

quitámoslle o marco e cunha baieta escorremos ben o exceso de auga.

 

 

 
   

 Finalmente démoslle a volta sobre uns papeis e deixámolo secar un par de días.

 

 

 

XA TEMOS PAPEL RECICLADO!

 

ÁLvaro Ferreiro

De vacacións

Neste poema ímosvos contar

as vacacións de verán do grupo de 4ºA.

 

Eu son Pablo

fun a Valencia á praia de Malvarrosa

e a auga estaba marabillosa.

O meu amigo Álvaro

foi a Holanda, visitou a Amanda

e comprou unha bufanda.

 

Chámome Ángela

fun a Portugal

e paseino xenial.

Estiven coa miña familia

nun hotel con piscina.

A miña amiga Carlota

tamén foi a Portugal,

concretamente a Lisboa ,

e alí atopou unha caracola.

 

Meu nome é Aroa

fun a Granada

e vin a Alhambra.

Na provincia do lado, Almería,

estivo Adrián no bar da súa tía.

Tamén estivo Martín en Almería

e atopu a auga moi fría.

Antón é outro compañeiro

que foi a Andalucía,

á vila de Puerto Real,

onde tivo unha visión paranormal.

 

Somos Daniel e Brais,

fomos ao parque acuático de Amarante

e tirámonos por un tobogán moi grande.

A nosa profe tamén foi a Amarante

e ese mesmo  tobogán pareceulle algo agobiante.

 

Chámome Carolina

fun cos meus avos á praia de Caolín, no Viceso

e a auga estaba moi cristalina.

A miña amiga Daniela

foi a Oropesa Do Mar

e subiu nun catamarán.

A nosa amiga Lorena

estivo na Pobra e viu un pulpo xigante

moi impresionante.

 

Eu son Laura

e fun a Valencia

onde á xente gústalle a ciencia.

A miña amiga Kimberlin

foi a Portugal

e non parou de camiñar.

 

Chámome Salvatore,

de Colombia acabo de chegar.

As miñas vacacións foron en Monte Balado,

onde nas pistas estiven todo o día a xogar.

O meu amigo Jose Manuel

este verán foi á comuñón da súa prima

no hotel Harmonía.

 

Eu son Diego,

fun ás illas Cíes

onde vin unha gaivota

que chocou cunha bota.

O meu amigo Lucas

navegou polos cañóns do Sil

e na auga viu unha lombriz.

 

O meu nome é Sophia

fun a Caldebarcos

e estiven na piscina.

O meu amigo Alex

foi a Oporto

e comprou unha camiseta do FC Porto.

 
   
     
       
       
       

VISITA AO CITIUS

 

O pasado venres, 17 de xuño, o alumnado de 4º de Primaria desprazámonos a Santiago para visitar o CITIUS (Centro Singular de Investigación en Tecnoloxías da Información).
Cando chegamos, deixamos as mochilas nunha sala semellante a unha cociña e despois recibiunos o director, un dos científicos que traballan nese Centro, dicía que se divertian investigando. Ensinounos un robot moi vello que compraran fai moito tempo.
A continuación, fomos a unha sala de experimentos robóticos onde nos ensinaron un robot humanoide chamado Nao, pero estaba un 
pouquiño estropeado e non puidemos ver como traballaba. Tamén había un robot destinado a ser guía de museos e outro adicado á
inspección de pontes.
Logo entramos nunha sala-cine, sentámonos nuns sillóns e pufs e faláronnos dos usos das cámaras espectrais que semellaban raios X. Máis tarde, fomos a unha sala especial onde funcionaban un montón de ordenadores que almacenaban moitísima información.

Chamábanlle servidores. Facía moitísima calor.

Finalmente, estivemos merendando nun parque e logo voltamos ao

colexio.

 

A excursión encantounos e desexamos repetila!!!
 
Daniel, Minia e Rubén
 
 

Don Quijote de la Mancha

Publicada a actividade feita con Ardora, Don Quijote de la Mancha.

Preme na imaxe para acceder

EXCURSIÓN FIN DE CURSO DE 4º DE PRIMARIA

O pasado mércores, 1 de xuño, todo o alumnado de 4º de Primaria e cinco profes fomos a Marín.

O primeiro que fixemos foi ir a ver os petróglifos de Mogor e debuxamos un con forma de laberinto. Despois explicáronnos o significado de cada un. Logo sentámonos a merendar.

Cando rematamos, baixamos á praia de Mogor. Máis tarde José Antonio, o director, deunos permiso para meternos na auga. Uns bañáronse e outros xogaron coa area.

A cotinuación, fomos ao Parque dos Sentidos. Alí comemos e os que acabaron foron a un tobogán enorme. Tamén había moita vexetación.

Finalmente fomos ao Ecoparque Multiaventuras que está nas aforas de Marín. O primeiro que fixemos foi colocar as mochilas nunha caseta. Logo baixamos e puxéronnos os arneses. Fixéronnos unha proba para ver como poñiamos os mosquetóns e o buo. Quen o aprobase pasaba a fase 1, logo á 2 e así sucesivamente.

O que máis me gustou foi a tirolina do Ecoparque. Eu recomendariallo a todos os nenos e nenas do mundo.

Premer na imaxe para acceder á galería de fotos.

Manuel Alonso

UNHA XORNADA ESPECIAL CON LEDICIA COSTAS

Onte, 12 de abril, visitounos Ledicia Costas, a autora de Escarlatina, a cociñeira defunta.
Recibímola na biblioteca o profesorado e o alumnado de 4º de Primaria. Canto entrou, levouse unha grata sorpresa porque fixemos algunhas receitas das que había nos capítulos da novela e tamén polos impresionantes debuxos de Escarlatina, Román e Dodoto.
          

A TAN DESEXADA VISITA DE LEDICIA COSTAS

O próximo martes, 12 de abril, visitaranos a autora da novela Escarlatina, a cociñeira defunta, Ledicia Costas.
Recibirémola na biblioteca, o alumnado e profesorado de 4º de Primaria, ás 13:30 h. E, se dispón de tempo, gustaríanos que nos respondese ás preguntas-curiosidades que lle enviamos por correo electrónico. Tamén aproveitaremos para que nos asine os libros, tanto o de Escarlatina coma o de Esmeraldina. Ésta última, precuela da primeira, xa houbo quen sentiu a curiosidade de mercala e seguir lendo estas apaisonantes aventuras.
A todos nos encantou a súa obra e esperamos, ansiosos, a súa chegada.
 
Alumnado de 4º de Primaria
 
Distribuir contido


by Dr. Radut