Aprobado un proxecto para mellorar o edificio principal do CPI do Feal

15/12/2017

Como recolle o Diario de Ferrol do 15/12/2017, onte recibimos a visita do delegado territorial da Xunta (Ovidio Rodeiro), o xefe territorial de Educación (Indalecio Cabana) e alcaldesa de Narón (Marián Ferreiro). Nesta visita, confirmouse unha importante reforma exterior do edificio principal do noso centro (tellados, paredes, ventás, canalizacións...). O principal obxectivo desta reforma é a mellora da nosa eficiencia enerxética, e está previsto que se realice ao longo de 2018. O CPI do Feal é un dos nove centros galegos seleccionados para esta quenda.