PLAMBE
Os Inventos... Exposicións Orais 1º-2º, 4º-6º
Enviado por inesduran o Ven, 03/06/2022 - 12:58INVENTOS QUE CAMBIAN O MUNDO
Exposicións Orais entre clases.
Os inventos estudiados nos 1º e 2º trimestre
foron a razón de xuntarnos por clases
para escoitar e aprender a través
das voces dos nosos compañeiros.
O LUME e a súa Simboloxía.
A IMPRENTA
A TELEVISIÓN
1º-2º
A PRENSA ESCRITA
OS USOS DA RODA
O CÓDICE CALIXTINUS
4º-6º
Facendo o noso MANUSCRITO
Os Maios da Ascensión
Enviado por josean o Sáb, 28/05/2022 - 22:54"A Biblioteca Escolar ten a palabra" e recupera unha antiga tradición do mundo dos maios, desaparecida dende o ano 1954, a de saír ademais do día 1 de Maio, o xoves da Ascensión
Maio 2022. Recompilación do traballado para a celebración dos Maios.
Enviado por Anónimo o Ven, 13/05/2022 - 20:19Como todos os anos traballamos a nosa tradición dos Maios e Embarcacións da vila de Marín. Este ano máis que nunca fixemos noso o lema proposto polas Bibliotecas: " A Biblioteca Escolar ten a palabra".
Día do Libro 2022. "Escoitando coa imaxinación". Emocióna-T coas nosas historias.
Enviado por Anónimo o Lun, 09/05/2022 - 20:44Aquí deixamos as historias que creastes conxugando música con imaxinación e emocións.
Letras Galegas 2022: Florencio Delgado Gurriarán
Enviado por Anónimo o Xov, 05/05/2022 - 16:45Deixamos esta recompilación con información relativa a Florencio Delgado Gurriarán, autor ao que se lle dedica este ano o Día das Letras Galegas.
Visitas ao Camiño Portugués. Proxecto Edukasano
Enviado por Anónimo o Sáb, 09/04/2022 - 17:18Mural para subir as vosas fotos e vídeos, nas que podedes captar: monumentos, paisaxes, pratos típicos ou calquera tipo de curiosidade que atopedes entorno ao Camiño Portugués.
Invitación de Birlo a coñocer o "Camiño Portugués". Proxecto "Edukasano".
Enviado por Anónimo o Xov, 07/04/2022 - 14:14Ola amiguiños! Como xa vos explico na carta imos tratar de coñecer un pouco máis o "Camiño de Santiago", principalmente o tramo de Tui a Santiago de Compostela, que é a etapa que nos corresponde traballar, dentro do Proxecto Edukasano, en colaboración co Concello de Marín e a Universidad de Vigo.
Buscamos información na Biblioteca
Enviado por josean o Lun, 28/03/2022 - 21:42A Biblioteca no noso centro é corazón e cerebro; nela os nenos, entre outras cousas, atopan e atoparán información para tódolos desafíos que lles propoñamos. E no que este ano lles propoñemos é que descubran todo o referente a "Inventos que cambiaron o mundo".
Os alumnos de 5º buscando todo o referente ao Teléfono
A súa orixe, o seu desenvolvemento e importancia.
E como en toda investigación seria que se precie utilizando distintas fontes e sinalando logo cales foron esas fontes.
Día de Rosalía 2022 "Pensamento a flor de Rosalía"
Enviado por Anónimo o Xov, 03/03/2022 - 13:20Recompilación da proposta "Pensamento a flor de Rosalía" traballada para conmemorar o Día de Rosalía, o pasado 23 de febreiro de 2022.
Conmemoramos este día partindo do proposto pola Asociación de Escritoras e Escritores en Lingua Galega #SementadePensamentos.
ENTROIDO 2022
Enviado por inesduran o Sáb, 26/02/2022 - 01:19Entroido
Durante esta semana de entroido,
sen esquecer o PDI "Os inventos que cambian o mundo",
e despois de investigar sobre o lume, a roda, o arado e...
disfrazámonos de inventos ou inventores.
Mirade que enxenio tivemos...
Moitas Grazas á ANPA pola chocolatada
e ás filloeiras de Valongo
pola degustación deste postre tan noso.
Algúns exemplos de creatividade
Día da Paz 2022 "Mandalas pola Paz"
Enviado por Anónimo o Lun, 14/02/2022 - 13:20Recompilación das actividades realizadas para a conmemoración do Día da Paz. Enchemos os corredores de mandalas nas que deixamos as nosas mensaxes de Paz.
"Concurso de Tarxetas de Nadal 2021"
Enviado por Anónimo o Xov, 09/12/2021 - 21:56Como cada Nadal chegou o momento do tradicional "Concurso de Tarxetas de Nadal", este ano pedimos ao alumnado que procurasen integrar o tema do PDI "Inventos que cambian o mundo" nas súas tarxetas de felicitación, e como podedes comprobar captaron moi ben a idea.
Noraboa aos finalistas e gañadores e moitísimas grazas a todos pola vosa participación, puxéstesllo realmente difícil ao xurado.
3 de decembro: "Inventos que facilitan a vida ás persoas con discapacidade"
Enviado por Anónimo o Lun, 06/12/2021 - 16:22Conmemoramos o 3 de decembro o "Día Internacional das Persoas con Discapacidade" investigando un pouco sobre os inventos que facilitan a vida a estas persoas, seguindo co noso PDI "Inventos que cambian o mundo".
Con todos os que atopamos fixemos un gran mural, e aprendimos como todos estes inventos, descubrementos e tecnoloxías fan máis fácil que o día a día destas persoas; e a importancia de seguir investigando para que estas persoas melloren a súa calidade de vida.
Camiño en Violeta: "Alza a túa voz". 25 Novembro
Enviado por Anónimo o Lun, 29/11/2021 - 20:39Este ano conmemoramos o "Día Internacional da Eliminación da Violencia contra a Muller", alzando as nosas voces para construír un "Camiño en Violeta" cara á Igualdade e á NON Violencia.
Alzamos as voces, enchendo os corredores coas nosas mensaxes, para non esquecer que o "Camiño en Violeta" témolo que construír día a día.
Resumo das actividades Samaín 2021
Enviado por Anónimo o Sáb, 30/10/2021 - 21:15Deixamos varios vídeos resumo das actividades que se realizaron no colexio en colaboración coa ANPA Aidón e coa ampla participación da comunidade escolar. Moitas grazas por participar, sin a colaboración de todos este tipo de actividades non sería posible.
Botádelle unha ollada.
Están de medooo!!!
Vídeo 1
Vídeo 2
Concurso de "Decoración de cabazas". Samaín 2021
Enviado por Anónimo o Sáb, 30/10/2021 - 20:37Despois dunha difícil deliberación do xurado as cabazas gañadoras foron:
- 1º Categoría: Gabriel Soto Pazos, de 4º
- 2ª Categoría: Nicolás Cabada Boullosa, de 2ºA
Parabéns aos gañadores e moitas grazas a todos pola vosa participación, estaban todas estupendas. Fixestes que a elección do xurado fora realmente difícil.
Contos terroríficos
Enviado por Anónimo o Mér, 27/10/2021 - 02:22Publica aquí os audios ou vídeos dos teus contos de medo ou contos terroríficos; ou ben, entrégallos ao teu profe titor-a para que os publique.
Actividades Samaín 2021
Enviado por Anónimo o Xov, 21/10/2021 - 11:49Ola! son Birlo, como xa sabedes a mascota da biblioteca, que ando por aquí argallando cousas un ano máis.
Aquí vos deixo esta carta explicando o que o equipo de dinamización da biblioteca, o EDLG (Equipo de Dinamización da Lingua Galega), a ANPA e máis eu temos pensado para facer esta ano para celebrar un Samaín de medo!!!
Lede a carta atentamente e animádevos a participar!
Moitas grazas! Vémonos!
Dos personaxes da danza e máis cousas
Enviado por josean o Mér, 06/10/2021 - 21:35Amir, Iván, Lía, Marcos, Andrea, Abel, Ramiro, Aylen, Luis e Iria falannos dos personaxes da danza e de certas cousas que se perderon nela. Un a un van esmiuzando quen é quen na Danza de Espadas de Marín.
Recompilación da proposta San Miguel 2021 "A danza de espadas"
Enviado por Anónimo o Mér, 06/10/2021 - 19:23Este curso empezamos traballando unha das tradicións máis arraigadas no nosa vila a festividade de San Miguel e a danza que se baila nesta data "A danza de espadas".
Foi unha proposta que nun principio partiu da ANPA Aidón, con intención de facelo dun xeito informal, pero que nos veu moi ben para empezar a facer noso o lema elexido para as bibliotecas este curso "A biblioteca escolar ten a palabra", poñendo o foco na palabra e na oralidade.
Así que propuxemos ao noso alumnado que preguntase ao que tiña máis preto, ás fontes orais: avós, pais, amigos, veciños... recollendo toda esta información.
Recuperamos deste xeito a utilización da biblioteca, como lugar de encontro, despois do parón do curso pasado derivado da situación producida pola COVID, e de restreno tras as obras que se realizaron a fin de curso.
O noso agradecemento á ANPA pola súa colaboración e implicación no desenvolvemento das actividades.
Deixámosvos a recompilación de como se desenvolveu toda a proposta.
- « primeira
- ‹ anterior
- 1
- 2
- 3
- 4
- 5
- 6
- 7
- 8
- 9