Día da Muller

Obradoiro sobre estereotipos de xénero no CIFP Portovello

O 12 de marzo, o alumnado de terceiro e cuarto de primaria do noso cole tivo a oportunidade de participar nun obradoiro organizado polo CIFP Portovello sobre estereotipos de xénero e a súa presenza nos medios audiovisuais.

O taller, impartido polo alumnado do CIFP Portovello, comezou cunha dinámica de grupo na que os alumnos e alumnas reflexionaron sobre os roles de xénero que se mostran nos debuxos animados. A continuación, analizaron varios exemplos de series e películas infantís, identificando os estereotipos de xénero presentes e como estes poden influír na percepción que os nenos e nenas teñen de si mesmos e do mundo que os rodea.

Na segunda parte do obradoiro, os alumnos e alumnas participaron nunha actividade práctica na que debían vestir a unha boneca de acordo a un contexto inventado por eles mesmos, tendo en conta a idade, a profesión e a personalidade do personaxe. Esta actividade permitiulles aos nenos e nenas desenvolver a súa creatividade e poñer en práctica o aprendido sobre os estereotipos de xénero.

O obradoiro rematou cunha posta en común na que os alumnos e alumnas compartiron as súas experiencias e opinións sobre os estereotipos de xénero.

Tanto o profesorado como o alumnado participante valoraron moi positivamente o obradoiro. Os alumnos e alumnas destacaron a utilidade da información proporcionada e a diversión das actividades realizadas.

Este obradoiro permitiu ao alumnado de terceiro e cuarto de primaria tomar conciencia da existencia dos estereotipos de xénero nos medios audiovisuais e de como estes poden influír na súa vida.

O obradoiro tamén contribuíu ao desenvolvemento do pensamento crítico do alumnado e ao fomento da igualdade de xénero no ámbito educativo.

Queremos agradecer ao CIFP Portovello a organización deste obradoiro, así como ao alumnado que o impartiu pola súa dedicación e profesionalidade.

Celebramos o Día da Muller con "O Tesouro"!

O 11 de marzo, como parte das actividades programadas para celebrar o Día Internacional da Muller, o grupo de teatro Trócola deleitounos coa representación do conto "O Tesouro".

"O Tesouro" levounos nunha aventura chea de risas e aprendizaxe, onde a igualdade entre nenos e nenas converteuse na protagonista. A través dunha historia mágica e personaxes entrañábeis, a obra convidounos a reflexionar sobre a importancia de romper estereotipos e construír un mundo onde todos e todas teñamos as mesmas oportunidades.

Os nenos e nenas gozaron dunha experiencia interactiva e enriquecedora. Emocionáronse coas cancións de sempre pero con letras de hoxe, riron coas ocurrencias das personaxes e conmovéronse co mensaxe de igualdade e respecto.

Desde o colexio, queremos agradecer ao grupo de teatro Trócola polo seu talento e compromiso. A súa representación de "O Tesouro" foi un agasallo inavaliable para os nosos alumnos e alumnas, nun día tan importante como a semana do Día da Muller.

Seguimos traballando por unha educación en igualdade!

Durante a semana do 21 ao 25 de novembro o equipo de bibliotecas, dinamización lingüística e seccións bilingües organizaron un grupo de actividades para que todas as nenas e nenos do cole, desde infantil ata sexto de primaria, xunto co profesorado e resto da comunidade educativa, celebramos participando activamente nos actos realizados para conmemorar o Día Internacional contra a Violencia cara ás mulleres unha das peores e máis comúns formas de violencia.

En primeiro lugar, o luns, a Concellería de Igualdade, organizou unha actividade de contacontos para a sensibilización e concienciación en materia de igualdade e prevención da violencia de xénero: "O rato canguro" coa finalidade principal de romper os estereotipos de xénero desde a infancia.

O martes durante a Hora de Ler cantamos e bailamos a canción “Déjala que Baile” de Melendi con Alejandro Sanz e Arkano.

Todo o alumnado do cole participou na actividade "The orange umbrella” para reivindicar a importancia da protección contra a violencia.

Na metade da semana volvemos a gozar dun contacontos, neste caso, interpretado por alumnos do cole. Contáronnos o conto de “ Pepuka e o Monstro que se levou o seu sorriso”. Pepuka vivirá xunto ao Monstro a experiencia máis difícil da súa vida: a perda do seu sorriso. Pero contará coa inestimable axuda das súas mascotas, unha viaxe cara á liberdade, a recuperación da súa esencia persoal e a felicidade. Aborda a violencia de xénero para previla desde a infancia. É un conto para traballar a autoestima, os valores, a igualdade e o bo trato.

A continuación o alumnado decidiuse a cambiar a súa linguaxe, identifincando frases axeitadas e inaxeitadas coa actividade “Pon os cinco sentidos contra a Violencia”.

Toda a comunidade educativa leu un Manifesto no que nos comprometemos a traballar a diario para  a eliminación de todo tipo de violencia.

O xoves o alumnado de infantil participa na actividade “Coas túas mans podes”, onde plasmando as súas máns nun lazo queren sinalar a importancia da loita de todos a favor da non violencia.

Finalmente, o día 25, rematamos a semana coa lembranza da importancia da igualdade entre homes e mulleres, representado pola cor violeta e a non violencia contra das mulleres representado pola cor laranxa.

A seguir traballando!!!

0 21 de novembro e dentro das actividade organizadas para conmemorar o 25 de novembro, a  Concellería de Igualdade, ofertounos unha actividade de contacontos de sensibilización e concienciación en materia de igualdade e prevención da violencia de xénero: "O rato canguro" coa finalidade principal de romper os estereotipos de xénero desde a infancia.

Os obxectivos específicos desta proposta son, entre outros:

• Fomentar valores de igualdade entre nenas e nenos.
• Promover a educación non sexista.
• Romper cos roles ou estereotipos de xénero.
• Impulsar a corresponsabilidade nos coidados.

O rato Fuco visitou o noso cole acompañado dun bebé ao que tivo que coidar: Chámase Cochin, e é un fillo duns amigos seus que se chaman Lene Marta e Tomás, porcos protagonistas do Conto “Suave y Calentito”, de Bijou Le Ford. Lene Marta traballa fóra da casa e Tomás hoxe non pode atender o pequeno porque ten que ir ao veterinario. Así pois, o rato Fuco foi o escollido para facerse cargo de Cochín.

Durante a contada, deulle de comer, lavouno, cambioulle o cueiro, contoulle contos e mesmo lle cantou un arrolo para o adormecelo, demostrando que en Lonxe de todo os coidados son unha tarefa compartida por ratos e ratiñas.

Para conmemorar o Día internacional contra a Violencia de Xénero, as mestras María, Marta e Macu representaron un conto da sonada colección "A favor das nenas" de Adela Turín, titulado "Artur e Clementina" que consiste nunha historia fabulada que reivindica o rol feminino na sociedade, combate os estereotipos sexistas e denuncia a discriminación. Porque aínda se necesitan obras sobre coeducación e igualdade.

Unha posibilidade moi interesante que suscita a historia de Artur e Clementina é a formación da identidade, coñecéndonos e respectando como somos, para evitar adaptarnos a outra persoa ou a outra situación, anulando a nosa propia identidade e personalidade. Traballar co noso alumnado este conto e mostrarlles a infelicidade de Clementina por non facer o que quería, por verse obrigada a calar por medo a non dicir o que convén, a levar unha vida que a faga infeliz, vai permitirlle reflexionar sobre a necesidade humana de coñecerse e respectarse a un mesmo para logo poder buscar a outro que nos complemente e que nunca nos anule.

A partir do conto de Artur e Clementina fixemos un mural entre todo o alumnado do cole para afondar os cotidos do álbum ilustrado e fomentar e distinguir actitudes de respecto.

Ese día, ao entrar no cole, repartuise unha máscara de cor morado a cada membro da comunidade educativa reivindicando o 25 N como Día International contra a Violencia de Xénero.

Por último, resaltar que ao longo do mes de novembro realizamos unha exposición dos libros e contos que recomendamos ler nas casas coas nosas familias sobre a violencia de xénero.