O pasado martes acollemos no Salón de actos do centro a presentación da convocatoria do V Concurso Ideas emprendedoras da Asociación Semente.

Sara Fernández, Severino Rodríguez e Manolo Eiriz explicáronlle, fundamentalmente a alumnos de adultos do centro, en que consiste o proxecto "Semente",comezado no 2014, animaron a presentar ideas para o concurso, explicaron as posibilidades de .que unha boa idea sexa promocionada, recoñecida e incluso subvencionada por algunha empresa ou organismo interesado aínda que non resulte gañador o proxecto.

O ex alumno do noso centro, Carlos Pérez, de Terras de María Castaña comentou en que consistiu o seu proxecto gañador da anterior convocatoria e explicou como apostou por unha idea viable e apegada á realidade..

Neste enlace podedes consultar as bases para participar nesta V convocatoria. O prazo está aberto ata o 30 de novembro e os premios son de 8000 euros (1ºPremio), 500 (o 2º) e 3000 para o 3º.

Sempre se necesitan boas ideas. Seguro que tedes moitas!!

E chegou o momento da despedida... Despois dos reencontros, tras verse en Finlandia, e desta intensa semana de convivencia chegou o momento de marchar. 

As imaxes díceno todo. Cantas apertas!

O pasado venres, as alumnas finlandesas, os seus compañeiros e os profesores viaxaron a Coruña para realizar unha visita guiada de máis de dúas horas ás instalacións de Inditex en Arteixo. Desta experiencia viñan totalmente impresionados.

Tamén aproveitaron para visitar diferentes lugares de A Coruña como a Torre de Hércules, que viron entre unha gran néboa...

Outros lugares emblemáticos da cidade foron: o paseo pola Rosa dos Ventos 

Ou por Riazor...

O martes 9 de outubro, no Salón de actos do IES Río Cabe, haberá unha charla ás 19:30 horas. Presentarase o V Concurso Ideas emprendedoras da Asociación Semente.

Contaremos coa participación de  Sara Fernández, Severino Rodríguez e Manolo Eiriz.

Tamén está confirmada a presenza do responsable de Terras de María Castaña, Carlos Pérez (gañador da anterior convocatoria).

Continúa estes días a convivencia nas aulas, coas familias, o intercambio de experiencias entre alumnado (e tamén o "jobshadowing" do profesorado), a presentación na Biblioteca por parte das nosas invitadas do seu instituto e o seu país a un grupo de alumnos de BAC, as distintas actividades deportivas...

Moitas e intensas propostas que viviron hoxe despois de que onte percorresen 4 Km do Camiño de Santiago e disfrutaran dunha visita guiada por diferentes lugares da cidade...

A primera saída do CS de Guía, información e asistencia turística deste novo curso 2018/19 tivo lugar o luns, 1 de outubro, e o destino elixido foi Ourense.

Nesta viaxe visitamos a zona monumental da cidade acompañados dun guía local que nos ofreceu unha información pormenorizada deste destino.

A visita rematou no Centro Cultural Marcos Valcárcel para asistir a charla sobre oratoria co título: “Quen comunica, triunfa”

Acaban de chegar ao noso centro un grupo de alumnas finlandesas enmarcado dentro do intercambio escolar entre alumnos de segundo de Bacharelato do IES Río Cabe e o Paimio High School, de Turku. Os nosos alumnos e alumnas xa viaxaron a Finlandia do 7 ao 14 de setembro, xunto coas profesoras Patricia Barrientos e Temi Madarnás.

As alumnas finlandesas convivirán cos alumnos do IES Río Cabe nas aulas, asistindo ás clases de diferentes materias. Tamén vivirán o día a día da vida en familia xunto aos seus compañeiros monfortinos e a lingua vehicular de comunicación é o inglés.

Xunto co grupo de alumnas veñen dous profesores: Juhani, profesor de inglés, e Ritu, profesora de matemáticas, que levarán a cabo unha tarefa de jobshadowing ou observación dos profesores do IES Río Cabe.

Como actividade de benvida o martes 2 de outubro tiveron ocasión de coñecer os lugares máis emblemáticos de Monforte de Lemos acompañados polo alumnado do CS de Turismo, que actuaron como guías locais, e as profesoras Sol González e Temi Madarnás. Clickando na seguinte imaxe accédese a unha pequena galería fotográfica do percorrido pola nosa vila.

Álbum: Escolares -> Alumnado Finlandés de Turismo

Comenzou o mes de setembro con moitas viaxes no Río Cabe. Mentres algúns alumnos de 2ºBAC están rematando a súa estancia de intercambio en Finlandia, despedimos hoxe a outro grupo, tamén de 2º, que marchan a Dublín para unha actividade de inmersión lingüística e aloxamento en familias. As profesoras que os acompañan son Maite Carreira e Eva Dios. Irán informando das novidades...Tamén podedes consultar ESTE BLOG.

A instantánea anterior é de momentos antes da despedida. E a seguinte da chegada ó aeroporto:

Este venres 14, podemos velos disfrutando de Dublín antes da primeira clase.

Glendalough e Kilkenny foron os espectaculares lugares polos que pasearon o sábado 15. Podedes comprobalo nestas imaxe do grupo:

O domingo 16 continaron as visitas por Dublín: a catedral de Saint Patrick, os paseos en bici por Phoenix Park e por varias pontes sobre o río Liffey... Neste collage tedes un resumo moi gráfico.

Tamén parece espectacular a visita á Biblioteca do Trinity College, da que dan conta estas fotos doutro día:

Xa en Finlandia. Estas son algunhas fotos que nos envían.

Temi e Patricia irán informando puntualmente (podedes consultalo NESTE ENLACE e no apartado Proxectos Educativos.)

A seguinte imaxe de grupo é do domingo día 9 en Turku:

E xa só falta un día para a volta, seguro que estarán desexando contar a súa experiencia. Hoxe mándannos unha foto dunha entrevista para a prensa local.

Na Galería podedes ver moitas fotografías de toda a viaxe e neste enlace información do día a día alí.

Xa de volta, comentan que a experiencia será inesquecible para todos.

A comezos de outubro recibiremos no noso centro ós alumnos de Finlandia.

Un grupo de alumnos (de cuale) que cursarán este ano académico 2º BAC e dúas profesoras (Temi Madarnás e Patricia Barrientos) marchan hoxe cara Madrid para coller nunhas horas un avión a Finlandia.

A actividade enmárcase dentro do Programa Erasmus+ e o Proxecto Etwinning de intercambio, do que vos irán informando nos próximos días. En outubro recibiremos no noso centro a un grupo de profesores e alumnos de dito país.

Deixámosvos un recordo do intre no que familias, profesores e alumnos... compartían a ilusión desta interesantísima experiencia.

Boa viaxe...