IES Río Cabe

  

Benvido á web do IES Río Cabe. Desde esta páxina inicial podes acceder aos diferentes bloques de contidos que se ofrecen. Nela estamos a traballar para ofrecer puntualmente toda a información que resulte de interese para toda a comunidade educativa.

Así mesmo, na Aula virtual, os departamentos irán actualizando o seu material didáctico.

 

 

Tecnólog@ por un día

"Tecnólogo por un día" é unha actividade na que os estudantes de 12-17 anos experimentarán en primeira persoa como é un día de traballo no marco das profesións dixitais nunha grande empresa TIC. 

O alumnado seleccionado compartirá unha xornada laboral participando nas distintas actividades e tarefas que teña na axenda o directivo asignado (reunións, visitas a clientes tecnolóxicos, comida de traballo, etc...), o que lle permitirá coñecer a dinámica de traballo nestas profesións ou resolver as súas dúbidas vocacionais.

Hai prazas dispoñibles en empresas tecnolóxicas das vilas de Ames, A Coruña, Vigo e Santiago de Compostela. O período de inscrición do alumnado comeza o 17 de outubro de 2018, sendo as prazas concedidas tendo en conta as preferencias trasladadas na solicitude e a orde de inscrición.

O programa desenvolverase entre o 29 de outubro e o 04 de decembro de 2018. A data e o horario concretos da xornada serán establecidos entre o/a alumno/a participante e a empresa colaboradora. prazo de presentación de solicitudes remata o 26 de outubro de 2018 e para calquera dúbida poden poñerse en contacto coa Xefatura de Estudos do centro educativo.

As persoas seleccionadas ou interesadas nesta actividade poden tamén descargar e leer o manual do alumn@:

ANDAINA DO ALUMNADO DE 1º ESO

 

O martes 16 o noso alumnado de 1ºEso participou, xunto con outros centros da localidade e da comarca, nunha Andaina de 5 km organizada pola Asociación Camiños a Santiago pola Ribeira Sacra. Saíron da igrexa de San Paio de Diomondi e chegaron ata San Pedro de Líncora.

Polo camiño fixeron unha breve parada para retomar forzas. Viñan moi satisfeitos da actividade e dispostos a repetir andainas!

Reunións das familias do alumnado co titor ou titora

REUNIÓNS DAS FAMILIAS COS TITORES/AS

 

mércores, 17 de outubro, terán lugar

as reunións das familias cos titores/as, no salón de actos do

centro, co seguinte horario:

 

18:00 horas Familias do alumnado de 1º e 2º de ESO

18:30 horas Familias do alumnado de 3º e 4º de ESO

19:00 horas Familias do alumnado de 1º de BAC

19:30 horas Familias do alumnado de 2º de BAC

"Semente" Presentación no noso Instituto do V Concurso de ideas emprendedoras

O pasado martes acollemos no Salón de actos do centro a presentación da convocatoria do V Concurso Ideas emprendedoras da Asociación Semente.

Sara Fernández, Severino Rodríguez e Manolo Eiriz explicáronlle, fundamentalmente a alumnos de adultos do centro, en que consiste o proxecto "Semente",comezado no 2014, animaron a presentar ideas para o concurso, explicaron as posibilidades de .que unha boa idea sexa promocionada, recoñecida e incluso subvencionada por algunha empresa ou organismo interesado aínda que non resulte gañador o proxecto.

 

O ex alumno do noso centro, Carlos Pérez, de Terras de María Castaña comentou en que consistiu o seu proxecto gañador da anterior convocatoria e explicou como apostou por unha idea viable e apegada á realidade..

Neste enlace podedes consultar as bases para participar nesta V convocatoria. O prazo está aberto ata o 30 de novembro e os premios son de 8000 euros (1ºPremio), 500 (o 2º) e 3000 para o 3º.

Sempre se necesitan boas ideas. Seguro que tedes moitas!!

 

Moitas apertas de despedida...

E chegou o momento da despedida... Despois dos reencontros, tras verse en Finlandia, e desta intensa semana de convivencia chegou o momento de marchar. 

As imaxes díceno todo. Cantas apertas!

Viaxe dos finlandeses e os alumnos de 2ºBAC a Coruña

O pasado venres, as alumnas finlandesas, os seus compañeiros e os profesores viaxaron a Coruña para realizar unha visita guiada de máis de dúas horas ás instalacións de Inditex en Arteixo. Desta experiencia viñan totalmente impresionados.

Tamén aproveitaron para visitar diferentes lugares de A Coruña como a Torre de Hércules, que viron entre unha gran néboa...

 

Outros lugares emblemáticos da cidade foron: o paseo pola Rosa dos Ventos 

 

Ou por Riazor...

 

 

 

Convivencia coas alumnas de Finlandia e viaxes...

Continúa estes días a convivencia nas aulas, coas familias, o intercambio de experiencias entre alumnado (e tamén o "jobshadowing" do profesorado), a presentación na Biblioteca por parte das nosas invitadas do seu instituto e o seu país a un grupo de alumnos de BAC, as distintas actividades deportivas...

 

 

Moitas e intensas propostas que viviron hoxe despois de que onte percorresen 4 Km do Camiño de Santiago e disfrutaran dunha visita guiada por diferentes lugares da cidade...

Visita a Ourense do CS de guía, información e asistencia turística

A primera saída do CS de Guía, información e asistencia turística deste novo curso 2018/19 tivo lugar o luns, 1 de outubro, e o destino elixido foi Ourense.

Nesta viaxe visitamos a zona monumental da cidade acompañados dun guía local que nos ofreceu unha información pormenorizada deste destino.

A visita rematou no Centro Cultural Marcos Valcárcel para asistir a charla sobre oratoria co título: “Quen comunica, triunfa

Recibimos ás alumnas finlandesas do intercambio

Acaban de chegar ao noso centro un grupo de alumnas finlandesas enmarcado dentro do intercambio escolar entre alumnos de segundo de Bacharelato do IES Río Cabe e o Paimio High School, de Turku. Os nosos alumnos e alumnas xa viaxaron a Finlandia do 7 ao 14 de setembro, xunto coas profesoras Patricia Barrientos e Temi Madarnás.

As alumnas finlandesas convivirán cos alumnos do IES Río Cabe nas aulas, asistindo ás clases de diferentes materias. Tamén vivirán o día a día da vida en familia xunto aos seus compañeiros monfortinos e a lingua vehicular de comunicación é o inglés.

Xunto co grupo de alumnas veñen dous profesores: Juhani, profesor de inglés, e Ritu, profesora de matemáticas, que levarán a cabo unha tarefa de jobshadowing ou observación dos profesores do IES Río Cabe.

Como actividade de benvida o martes 2 de outubro tiveron ocasión de coñecer os lugares máis emblemáticos de Monforte de Lemos acompañados polo alumnado do CS de Turismo, que actuaron como guías locais, e as profesoras Sol González e Temi Madarnás. Clickando na seguinte imaxe accédese a unha pequena galería fotográfica do percorrido pola nosa vila.

Álbum: Escolares -> Alumnado Finlandés de Turismo
Distribuir contido