IES Río Cabe

  

Benvido á web do IES Río Cabe. Desde esta páxina inicial podes acceder aos diferentes bloques de contidos que se ofrecen. Nela estamos a traballar para ofrecer puntualmente toda a información que resulte de interese para toda a comunidade educativa.

Así mesmo, na Aula virtual, os departamentos irán actualizando o seu material didáctico.

 

 

Boletín familiar: Que transmites aos teus fillos?

No documento adxunto, ou facendo click na imaxe, podedes descargar o Boletín de información para pais/nais/titores legais do mes de Decembro de 2018 elaborado pola Unidade Asistencial de Drogodependencias de Monforte de Lemos e o Equipo de Prevención:

 

Se tedes interés en consultar algún boletín anterior podedes descargar os mesmos a través da páxina do Concello de Monforte. (Área de sanidade, apartado Boletín Familiar), solicitalo na UAD, consultar o seu facebook ou persoalmente a través do Telf. 982 400 495.

Novos membros do Consello Escolar 2018

Unha vez celebradas as eleccións para a renovación parcial do Consello Escolar, a Xunta Electoral do centro proclamou candidatos electos ás seguintes persoas:

PROFESORADO:

Carreira Lorenzo, María Teresa

González López, Beatriz

Mariño Varela, Nuria

Quiroga González, Carmen

                 Quedan sen cubrir tres vacantes por falta de candidatos/as.

 ALUMNADO:

Thomas, Katy Elisabeth Lee

Vázquez Regueira, Iván

Barredo Díaz, Irene

Os dous primeiros candidatos pasan a formar parte do Consello Escolar por un período de 4 anos e a seguinte candidata por un período de 2 anos.

Quedan en reserva, por se se producise algunha baixa ou renuncia neste sector, os seguintes candidatos segundo o número de votos obtidos:

Blanco Fernández, Iván

Fernández Pérez, Luzía

Rodríguez Macía, Sandra

 NAIS-PAIS-TITORES LEGAIS:                 

Blanco García, Rosa (ANPA)

PERSOAL NON DOCENTE:

González Rodríguez, Raquel

 A composición actual do Consello Escolar a podedes atopar no seguinte enlace da páxina web do centro:

  http://www.edu.xunta.gal/centros/iesriocabe/node/437

O CS Turismo asistiu ó "I Congreso Iberoamericano Cultura e memoria" e a actividades relacionadas.

O CS de Turismo participou o venres, 30 de novembro, no I Congreso Iberoamericano Cultura e Memoria que tivo lugar no centro cultural O Vello Cárcere de Lugo.



Os diferentes poñentes defenderon o uso cultural e turístico dos cemiterios expoñendo diferentes experiencias de xestión e difusión dos mesmos. A catedrática de historia do arte é directora do Centro de Estudos da cidade, Ana Goy Diz fixo de cicerone na visita guiada ao Cemiterio de San Froilán.


A xornada rematou coa escenificación da obra, Memorias do Alén, a cargo do grupo de teatro Achádego.

Viaxe coa alpinista Chus Lago na charla "Sobre huellas de gigantes"

 

O profesorado do centro e alumnado de 4º de ESO e 1ºBAC presenciou este venres, nun Salón de actos abarrotado, o relato apaixoante que nos regalou a alpinista Chus Lago. Cun silencio sobrecolledor cando se trata de adolescentes, escoitamos asombrados un relato de viaxes impresionantes que ía acompañado de música de fondo e imaxes moi ilustrativas das aventuras vividas por esta exploradora. Coas palabras engaiolantes de Chus viaxamos á Antartida, chegamos  á cima do Everest, paseamos por Laponia, imaxinamos desertos polares...pasamos verdadeiro frío, aprendemos o valor dos retos e tamén puidemos reflexionar sobre a posibilidade de cumplir soños imposibles e o significado da soidade e dos silencios en circunstancias extremas.

Todos quedamos impactados coa valentía desta muller pioneira, que nos anunciou con paixón o seu próximo reto, no que estárá acompañada por outras dúas mulleres coas que percorrerá Siberia. Agardamos escoitala de novo transmitindo tanto entusiasmo. 

Alumnado de 2º ESO asiste en Ourense a unha obra de teatro en francés

O venres 30 de novembro 25 alumnos  de 2ºESO asistiron á representación dunha obra de teatro en francés no salón de actos do Colexio Salesianos de Ourense.

A actividade, organizada polo Departamento de francés, permitiulle ó alumnado escoitar noutra lingua Vingt mille lieues sous les mers, baseada nunha obra de J. Verne.

Mentres, os seus compañeiros do Río Cabe de 4º ESO e 1º BAC asistían tamén no Salón de actos do centro a outra viaxe, neste caso a das experiencias que nos relatou a alpinista Chus Lago.

Visita ó Centro de interpretación de As Burgas e á Exposición "O Ártico rompe"

O departamento de Bioloxía organizou para o día 28 de novembro unha actividade na que os alumnos de 1ºESO viaxaron á cidade de Ourense para visitar o Centro de interpretación de As Burgas, onde puideron contemplar nas diferentes salas a historia das augas termais en Ourense. Remataron paseando polo Bulevar peatonal das Burgas e tiveron un contacto directo coa auga dos mananciais.

A continuación, desprazáronse andando polo centro histórico ata chegar ó Xardín do Posío, onde visitaron na Obra Social La Caixa  a Exposición  "O Ártico rompe".

Foi un percorrido polo Ártico, localización, clima, habitantes, recursos, estado actual e futuro incerto si non modificamos os nosos hábitos. 

A exposición permite, dun modo ameno e sensorial, introducir ó alumnado no ecosistema do Ártico, gravemente ameazado na actualidade.

Alumnado de 2º de bacharelato na I Feira de Innovación USC-ABANCA

O alumnado de 2º de bacharelato tivo a ocasión de asistir o día 27 de novembro á I Feira de Innovación, organizada en Santiago de Compostela pola Universidade USC e a entidade financeira ABANCA; tras as xestións realizadas pola Orientadora do centro, Consuelo Rodríguez Prieto, para poder acudir á mesma e realizar diferentes actividades.

Na Feira participaron máis de 2.000 estudantes, que tiveron a oportunidade de asistir a exhibicións das máis innovadoras tecnoloxías, presentación de spin-offs e patentes xurdidas na Universidade compostelá, obradoiros de emprendemento, charlas e conferencias, entre outras moitas actividades.

A nosa chegada tivemos ocasión de asistir a unha videoconferencia coa actual Conselleira de Educación, Carmen Pomares Tojo. A continuación podedes ver o vídeo da mesma co alumnado do IES Río Cabe expectante:

De seguido percorrimos a feira, degustamos algún tentempie e asistimos a unha conferencia de Jorge Mira sobre o cambio do uso horario e o ilóxico que sería modificalo.

Pola tarde tivemos ocasión de participar nun "taller Lego", para reflexionar sobre as profesións do futuro dun xeito lúdico e divertido. Facendo click na seguinte imaxe podedes ver algunhas das fotografías do día:

Álbum: Extraescolares -> I Feira de Innovación USC-ABANCA

Concerto didáctico "Xogo de pillabáns"

Os alumnos de 1ºESO asistiron o martes 27 no Multiusos ó Concerto didáctico "Xogo de pillabáns", proposta teatral musical baseada nunha obra de M de Cervantes: Rinconete y Cortadillo. Deste modo tiveron a oportunidade de viaxar no tempo ata o século XVII para, transportados coa música, asistir ás andanzas picarescas dos personaxes protagonistas da historia.

 

A obra musical (Juego de ladrones) foi composta por Óscar Navarro e interprétaa a Compañía Zoar Ensemble, formada por un quinteto de músicos que tocan a frauta, o óboe, o clarinete, a trompa e o fagot. 

 

 

 

Grazas á iniciativa da Sociedade Filarmónica de Monforte, os rapaces monfortinos puideron disfrutar dunha viaxe teatral no tempo acompañados pola música como fío condutor da historia.

Celebración de Santa Cecilia. Patroa da música

O día 22 de novembro celébrase Sta Cecilia, patroa da música. No noso centro é habitual dende hai anos que a profesora Eva Dios organice para ese día algunha actividade relacionada coa súa materia. Varios alumnos nos deleitaron no recreo coa súa arte musical. Podedes velo neste vídeo.

Distribuir contido