OBSERVA_ACCIÓN
Programa de formación Observa - Acción
Dende xaneiro de 2023, o profesorado do Río Cabe (máis do 20% do claustro) estamos a participar nun programa que leva por título “Intercambio de experiencias Observa_Acción”, organizado dende o Departamento de Formación, Innovación e Internacionalización do CAFI.
O programa ten unha duración de dous cursos académicos (2022/23 e 2023/24), desenvólvese en catro fases (dúas en cada ano lectivo) e lévase cabo a nivel autonómico, nacional e internacional.
A súa finalidade é o desenvolvemento profesional das Competencias Profesionais Docentes dende o punto de vista da observación entre iguais (OEI), da reflexión individual e/ou grupal dos propios docentes, do intercambio de boas prácticas e da implementación do aprendido na aula dos docentes participantes.
Participar neste programa cremos que é unha boa maneira de modificar e mellorar a boa práctica docente (desarrollo profesional docente) a través da experiencia.
Actualmente estamos participando na primeira fase do programa (xaneiro-marzo 2023): Fase intracentros, que realizamos entre os docentes do propio centro.
Esta fase consiste na observación da práctica docente e xestión de aula, así como no intercambio de información e posterior reflexión conxunta sobre a observación da práctica docente, o que vai permitir unha co-construción de coñecementos.
Ten catro sesións formativas, unha presencial (26 de xaneiro) e tres vía webex (8 de febrero, 1 de marzo e 8 de marzo)
Nesta imaxe aparece reflexada unha das sesións de intercambio de información e reflexión conxunta, sobre a observación da práctica docente realizada o día anterior.
Estoutra imaxe amosa unha reunión despois da segunda sesión de formación, para adaptar a casuística do noso centro, unha das ferramentas específicas de observación que iamos utilizar (folla de observación focalizada) e que inicialmente fora aportada pola relatoras do programa.
Está sendo unha experiencia moi positiva, tanto a nivel individual coma de centro e desexamos que esta experiencia poida continuar pasando a segunda fase (fase intercentros, a nivel autonómico).