Educación Física
Resultado das Probas de Acceso ó Ciclo de Fútbol, celebradas o 18-7-24 na Universidade Laboral. Culleredo. Coruña.
O xoves 18-7-24 na Universidade Laboral de Culleredo, celebránronse as probas de acceso ó Ciclo de Fútbol do curso 2024-25.
Os resultados foron os seguintes:
Listado específico de Fútbol das probas feitas en Culleredo.
Aquí vos quedan algunhas fotos da mañá solleira de xoves.
Piraguismo polo Río Cabe co club Quixós e o alumnado de 2º ESO.
Piraguismo polo Río Cabe co club Quixós. 1º ESO.
O alumnado de 1 da ESO, acompañados polos profesores Alberto Rodríguez e Daniel Corderí, desfrutou está mañá (4-6-24 dende as 11.30h ata as 14.15h)) da actividade de piragüismo e dragon boat, en colaboración do club Quixós.
Ambas actividades foron practicadas polo alumnado nunha mañá de sol, traballando en equipo e cooperando para solventar os contratempos que foron xurdindo xunto co profesorado e os profesionais do club Quixós.
Saída a Castrelo do Miño. 3·º ESO.
O luns 3 de xuño un grupo de 3° da ESO, acompañados polos profesores Francisco Pena e Sara Porrit, desprazouse ata o Parque Náutico de Galicia en Castrelo de Miño para realizar varias actividades de auga no encoro.
Concretamente tiveron a oportunidade de remar todos xuntos nun "dragón", facer unha ruta en pedaleta e practicar paddle surf.
Ademais foron testemuño dos adestramentos de varios deportistas de elite pertencentes á selección española.
Toda unha experiencia!
- APIs de Blogue
- Calendario
Todos os cursos. Programa escolar de consumo de froita hortalizas e leite. FOGGA
13.05.2024
CONTINUAMOS COA DISTRIBUCIÓN DE FROITAS E LEITE AOS CENTROS ESCOLARES DURANTE 10 D'IAS.
O pasado 10 de abril comezamos a distribúir froita e leite nos recreos dentro do programa escolar de consumo de froitas, hortalizas e leite nos centros escolares. Hoxe, 13 de maio, continuamos durante 10 días e comezamos coa mazá.
O obxectivo deste programa é potenciar o consumo de froitas e leite entre o alumnado mediante un proxecto interdisciplinar que leve a cabo accións educativas diversas destinadas a manter e fomentar nas escolas o hábito de consumo destes alimentos.
Este ano o noso centro participa neste proxecto, con leite nos recreos, bricks de 250 ml, de leite enteira e sen lactosa e froita fresca en diferentes periodos dos ano.
Programa de froita e leite no recreo, subvencionado pola Consellería de Medio Rural e polo Fogga (Fondo galego de garantía agraria).
4º ESO. Rafting (Arbo)
06.05.2024
O luns 6 de maio o alumnado de 4º ESO, acompañado dos seus profesores Miguel Martínez e Francisco Pena, realizou unha actividade de Rafting no río Miño ao seu paso por Arbo.
Calendario exames finais módulos Nivel 2 Técnico Deportivo Fútbol
Os exames finais dos módulos do Nivel 2 Técnico Deportivo Fútbol celebraranse os días 22, 24 e 25 de abril seguindo o horario que aparece a continuación:
Día | Módulos | Hora |
22 de abril | Táctica e sistemas do xogo II | 17:30 |
Dirección de Equipos II | 19:00 | |
Desenvolvemento profesional II | 20:30 | |
Regras de xogo II | 21:15 | |
24 de abril | Bases anatómicas e fisiolóxicas do deporte II | 18:40 |
Teoría e socioloxía do deporte | 19:40 | |
Bases psicopedagóxicas do ensino e do adestramento deportivo II | 20:15 | |
Adestramento deportivo II | 21:15 | |
Organización e lexislación deportiva II | 22:00 | |
25 de abril | Técnica individual e colectiva II | 16:30 |
Preparación Física II | 18:00 | |
Metodoloxía do adestramento e do ensino II | 19:30 | |
Bloque complementario | 20:30 |
ESO. Campionato Provincial Escolar de Orientación. Lugo
28.02.2024
3º ESO e 1º Bacharelato. Andorra. Viaxe á neve
02-08 / 03 / 2024
DÍA 1: 2-3 de marzo de 2024
O alumnado de 3º ESO e 1º Bacharelato do IES Río Cabe, acompañados do seu profesorado: Carlos Parada, Raquel Seoane e Iria Trebolle, iniciaron a viaxe a Andorra para desfrutar dunha semana de esquí.
Viaxe tranquilo sen presenza do temporal que previamente ameazaba. Saímos de Monforte de Lemos ás 00:15 horas.
Entramos no hotel en Andorra sobre as 13.30h e xa temos recollido o material.
Tarde libre por Andorra La Vella ata a hora da cea. Preparándonos para a semana de esquí!
DÍA 2: 4 de marzo de 2024
Primeiro día de esquí, onde desfrutamos dunha mañá soleada e coas pistas cheas de neve, é dicir, nas condicións ideais para esta práctica deportiva.
Todo o mundo esquiando e gozando da actividade con normalidade.
DÍA 3: 5 de marzo de 2024
Segundo día de esquí por terras andorranas, esquiando todo o mundo e gozando destes días solleiros e con montañas nevadas.
Completaremos a xornada con Caldea.
DÍA 4: 6 de marzo de 2024
Terceiro día de esquí por Andorra, todas e todos esquiando e vivindo con emoción a experiencia. O cansanzo xa comezou a aparecer mais o bo tempo axuda a vencelo!
DÍA 5: 7 de marzo de 2024
Último día de esquí nesta Semana Branca 2024 do IES Rìo Cabe.
Todo o alumnado e profesorado puido esquiar nesta xornada que comezou nubrada e rematou soleada para despedirnos da paisaxe idílica de Andorra.
Cómpre subliñar a afección aos brindos desenvolta nesta derradeira xornada de esquí.
O venres, despois de almorzar, toca iniciar a viaxe de volta a Monforte de Lemos.
DÍA 6: 8 de marzo de 2024
Logo de almorzar, sobre as 9:30 horas da mañá, o alumando e o profesorado do IES Río Cabe puxo rumbo a Monforte de Lemos, cuxa chegada foi sobre ás 23:30 horas. Foi unha semana chea de novas experiencias, anécdotas e bos momentos que recordaremos sempre. Unha semana na que se practicou esquí e se desfrutou da paisaxe andorrana. Ata o ano que vén Andorra!