Educación Física
Andorra, terceiro día, no ecuador da viaxe.
Terceira xornada de esquí en Andorra de alumnado do IES RÍO CABE na que, a pesar de amencer nubrada e caíndo pequenas folerpas de neve, finalmente o tempo nos quixo acompañar un día máis e nos permitiu seguir desfrutando dun deporte moi esixente a nivel físico, pero moi divertido e desestresante, o que convirte esta nunha moi especial semana branca.
Andorra, segundo día en Gran Valira
Segundo día desfrutando do esquí na estación de Gran Valira en Andorra.
O tempo acompañounos un día máis e seguiu transcurrindo sen incidencias. O alumnado vai mellorando no dominio deste deporte e tod@s se atopan xa esquiando.
Andorra, primeiro día na neve
Hoxe foi un precioso día de esquí para todos os participantes, tanto para debutantes como para os máis experimentados. Todos os rapaces e rapazas esquiaron cun día soleado e sen incidencias suliñables; rematarán a xornada cunha visita libre á cidade de Andorra la Vella, e xa pola noite tocará recuperar forzas para o segundo día de esquí.
Se queredes ver máis fotos, visitade a galería
Viaxe a Andorra- semana branca
Non daba chegado o día! Nervos, emoción, ansia de voltar á normalidade.
Sobre as 24:00h do sábado 26 partiu o alumnado do Cabe, acompañado por Carlos Parada, director do centro,e as profesoras María Padrón e Iria Trebolle , rumbo a Andorra e a unha viaxe que botaban moito en falta, especialmente despois de dous duros anos de pandemia e falta de liberdade.
Desexámosvos a mellor das viaxes, desfrutade moito!!
E para os que nesta ocasión non pudieron ir, lembrade que quedan moitas viaxes!!
E despois dun traxecto de 13 horas ata chegar a Andorra, as primeiras horas neste país foron adicadas a recoller o material de esquí e acomodarnos nas habitacións, todos e todas con moitas gañas de comezar a xornada de esquí de mañá luns!! Agora toca descansar!!
Vivenciando a escalada
O alumnado de 2º ESO tivo hoxe, martes 25 de xaneiro, a oportunidade de coñecer máis de preto o apaixonante mundo da escalada.
Desprazámonos ao rocódromo da cidade de Lugo, onde os monitores de RocoLugo nos tiñan preparadas dúas horas de actividades que nos permitisen achegarnos a este deporte de aventura en crecemento.
Á nosa chegada ás instalacións, fixémonos realmente unha idea do que estabamos a piques de facer. Ascender en vertical por unha serie de paredes que semellaban máis altas do que esperabamos. As reaccións foron diversas: por unha banda, aqueles que xa querían probar os bloques máis difíciles e demostrar que eran quen de logralo. Pola outra, os máis cautos, que preferían ollar como o facían os seus compañeiros e compañeiras antes de probar as súas capacidades.
Colocamos material de seguridade, escoitamos as primeiras nocións e comezamos a experimentar o deporte. E como non podía ser doutro xeito, primeira persoa que proba, primeira persoa que corou a cima.
Logo de probar 4 vías de ascenso diferentes podemos afirmar que a gran totalidade dos participantes quedaron satisfeitos cos logros acadados.
Tralo gran esforzo realizado, era o momento de tomarnos un máis que merecido descanso e recuperar enerxías nun Centro Comercial próximo.
Con iso, xa só nos queda a viaxe de retorno a Monforte para rematar unha máis que produtiva e apaixonante xornada deportiva.
Non podemos esquecernos de dar os parabéns a todas as rapazas e rapaces pola súa implicación e o seu bo comportamento.
Podedes ver máis fotos neste enlace.
Gañadores torneo de Nadal
Os cursos gañadores do torneo deportivo de Nadal, que incluía baloncesto, sogatira e brilé foron os seguintes:
1º clasificado: 2º ESO A
2º clasificado: 3º ESO A
3º clasificado: 1º BAC A
Os gañadores do torneo de bádminton foron Ximena e Íker.
Dende o Río Cabe felicitamos ós gañadores polo éxito e a todos os participantes polo seu compañeirismo e magnífico espíritu deportivo.
Noraboa!!!
Deporte no fin do trimestre
Un intenso primeiro trimestre rematou o pasado 21 de decembro con diversas actividades deportivas no Río Cabe.
O Departamento de Educación Física organizou campionatos de fútbol sala, baloncesto e sogatira , así como a final do campeonato de bádminton que se veu celebrando durante o trimestre. Neste último, os campións resultaron ser Ximena e Íker, de 3º de Eso.
Parabéns a ambos!!!!
Nas outras modalidades, os gañadores daranse a coñecer á volta das vacacións. Moi felices festas !!!
Excursión ó Courel . Ruta Uxío Novoneyra
O luns 7 de xuño do 2021 ó alumnado de 1º ESO do IES Río Cabe de Monforte de Lemos fixo a ruta de sendeirismo de Uxío Novoneira na serra do Caurel. Foron acompañados polas profesoras Nuria Mariño, Carmen Morais, María Padrón e Carlos Parada. A actividade estivo organizada polo Departamento de Normalización lingüística, Bioloxía e Educación Física.
A ruta empezou ás 11h saíndo do pobo de Parada e continuou por Moreda, para adentrarse nas devesas que conforman os 8 km de ruta. O alumnado foi lendo as distintas poesías que aparecen no recorrido e desfrutando das espectaculares vistas que presenta a serra do Caurel.
Unha vez na aldea de Parada fixemos unha visita rápida á casa de Uxío Novoneira, guiados pola traballadora da Fundación Uxío Novoneira, Marta
Ó rematar a visita á casa aproveitamos para xantar ó lado da fonte e lavadoiro e baixo a sombra dos carballos.
Xa de volta paramos a coñecer o pregamento de Campodola, no Concello de Quiroga.
O IES Río Cabe quere agradecer ó Concello de Folgoso de Caurel o mantemento da rota en boas condicións e a Fundación Uxio Novoneyra a súa colaboración dun xeito totalmente desinteresado.
Camiñata a Camporrío
O alumnado de 1º BAC realizou unha camiñata organizada polos departamentos de Xeoloxía e Educación Física para coñecer o Pregamento Xeolóxico de Camporrío, na parroquia monfortina de A Parte. O alumnado foi acompañado de catro dos seus profesores.
Unha clase ó aire libre que resultou moi positiva a todos os niveis.
IES Río Cabe: Espazo Cardioprotexido
Dende hoxe, 23 de decembro, o Río Cabe é un Espazo Cardioprotexido.
Na nosa procura de ser un centro o máis seguro posible, quixemos invertir na adquisición dun Desfibrilador Externo Semi-Automático (DESA) e aprender sobre o seu funcionamento, para o que contamos, na primeira xornada de “vacacións” cun experto que nos veu falar do seu correcto uso asícomo de primeiros auxilios.
- « primeira
- ‹ anterior
- 1
- 2
- 3
- 4
- 5
- 6
- 7
- 8
- seguinte ›
- última »