Aberto o prazo de matrícula no EE Técnico Deportivo de Nivel II. A matrícula poderá realizarse na secretaría do IES Río Cabe entre os días 13 ao 21 de xullo de 9:30 a 13:30.

É necesario preencher o impreso de matrícula, o impreso de protección de datos e aboar as tasas correspondentes (no caso de ter algunha exención é necesario presentar documento acreditativo xunto coa matrícula), e aportar a documentación necesaria segundo cada caso particular. 

 O alumnado de 1º de ESO do IES Monte Castelo de Burela visitou., o pasado 9 de maio, o noso instituto, participando nun intercambio escolar entre os dous centros, no

que tomaron parte 70 alumnos e alumnas.  O obxectivo era confraternizar e coñecer a cidade do Cabe e a Ribeira Sacra.

 Sobre as 11 da mañá foron recibidos no instituto e logo partiron a visitar a Torre da Homenaxe, facer un roteiro literario sobre os autores Lois Pereiro e Manuel María así

como visitar a Ponte Romana e os exteriores do convento das Clarisas. Despois do almorzo no centro escolar, desprazáronse ata o Mirador do Duque, onde rematou a

xornada.

A actividade estivo organizada polos departamentos de Educación Física, Orientación, Bioloxía e Xeoloxía, Xeografía e Historia e lingua Galega.

 A Dirección do Río Cabe agradece a todo o profesorado participante a súa implicación na actividade e en especial, a boa predisposición do IES Monte Castelo para a

realización deste intercambio, que se completará coa visita a Burela do noso alumnado o próximo 30 de maio.

Hoxe foi a nosa segunda xornada de esquí, que transcurriu con todo o alumnado practicando e desfrutando da neve.

Outra vez tivemos toda a mañá soleada se ben polo tarde estivo algo nubrado. De volta ó hotel, descansaremos para recuperar enerxía para o mércores.

Se queres ver máis fotos, visita a galería

Hoxe, como vai ser toda a semana, comezamos o día cediño, de mañá.

Por sorte, foi un precioso día de sol e esquí. Todos esquiaron dacordo ó seu nivel. Agora cómpre descansar e repor forzas para mañá. 

Onte á noite, sábado 18 de marzo, partiu o noso alumnado xunto co director, Carlos Parada, e tres profesoras, Eva Dios, Iria Trebolle e Raquel Seoane, cara a Andorra, para practicar o deporte do esquí e para unha semana de convivencia fóra do ambiente académico. 

Sobre a medianoite partiron para pasar a noite en ruta, descansar o domingo e comezar o luns coas clases e a práctica do esquí. A desfrutar! 

Unha vez en destino, cun precioso día de sol, toca instalarse e descansar da viaxe.

Se queres ver máis fotos, mira na galería 

Para rematar a estadía no Real Betis Balompié o noso grupo asistiu ao partido de Europa League Real Betis contra o Manchester United no estadio Benito Villamarín.

Esta expedición estivo formada por 15 alumnos/as de varios IES de Galicia e tres profesores.

Dende o IES Río Cabe expresamos o noso profundo agradecemento a quen fixo posible esta visita así como ao Real Betis Balompié pola oportunidade brindada.

  O mércores o noso alumnado e o seu profesor, Jorge Fortes, visitaron  o Estadio Benito Villamarín do Real Betis Balompié.

Alí puideron disfrutar dun entrenamento do primeiro equipo preparatorio do partido de Europa League contra o Manchester United.

Tamén asistiron ás formacións impartidas por José Luis, do departamento de preparación física, e de Félix Cao, preparador físico e recuperador do primeiro equipo.

 Para máis tarde debater cos futbolistas Borja Iglesias e Joaquín Sánchez.

Hoxe tocou visitar as instalacións da cidade deportiva do Real Betis onde os nosos alumnos e o seu profesor puideron disfrutar dun entrenamento do primeiro equipo, a formación a cargo do Departamento de Análisis Táctico  e a formación a cargo de Félix Cao, preparador e recuperador do primeiro equipo.

Nestes días parte do noso alumnado do Ciclo Técnico deportivo nivel 1 da modalidade de fútbol, acompañados do seu profesor Jorge Fortes, están visitando as instalacións do Clube Deportivo Betis Balompié en Sevilla.

O primeiro día adicárono a percorrer o Real Betis da Liga Nacional de fútbol sala, entrenado polo galego Bruno García.

No Río Cabe quixemos que o alumnado disfrutase dunha xornada festiva antes das tan ansiadas vacacións de Nadal. Para isto, organizouse  o “II Trimaratón Deportivo” composto por Baloncesto 3x3, Soga-Tira e Datchball; éste último xogo gozou dunha gran aceptación entre o alumnado, polo que será tido  en conta para futuras xornadas festivas.

Esperamos que voltarades coas pilas cargadas!!