Dentro da Mostra de FP, á que nos referimos noutra entrada, estaba o Ciclo de Técnico deportivo en Fútbol Nivel I, titulación  necesaria  para desenvolver a  función de adestrador dun dos deportes con maior  número de practicantes do país: O fútbol. 

Os alumnos do centro foron encargados de orientar, explicar e divulgar  en que consiste  este ciclo,  así como  as saídas profesionais desta formación, ademais de levar a cabo varias actividades demostrando as habilidades, destrezas e  coñecementos adquiridos durante o proceso formativo.  Neste sentido realizaron pequenos retos  de habilidades e destrezas co balón de fútbol, así como circuítos de condución  e situacións de 1x1.  En todas estas actividades os alumnos do ciclo ían dando pautas aos participantes da mostra de como mellorar a súa eficacia na realización das actividades.

 A nivel xeral a experiencia é  moi construtiva, xa  que permite  visualizar  un dos ciclos formativos menos coñecidos da contorna, ademais  de que só existen 3 centros públicos en Galicia que ofertan este tipo de formación.

venres 25 de xaneiro:

Finaliza a estancia en Andorra! Ás 21:00 virán de volta. A hora prevista de chegada será sobre as 9:30 do sábado.

Neste último día de esquí, polo que vemos nas imaxes disfrutaron moitísimo da experiencia. Seguro que todos volven con ganas de repetir e terán moitas anécdotas que contarnos.

Boa viaxe!

Xoves 24 de xaneiro:

Outro día de neve! Xa é xoves e continúan emocionados. Esquiaron todos e según nos din comezaron o día con moita neve e remataron con sol.

Logo de cear irán ó Balneario de Caldea ás 21 horas.

Mércores 23 de xaneiro:

Hoxe foi un día moi variado, como podedes ver nas preciosas fotografias que acaban de enviarnos.

Tamén estiveron patinando sobre xeo no impresionante Palau de Geu de Canido:

Martes 22 de xaneiro:

No segundo día de clases, todos están disfrutando moito da experiencia e, como podedes ver nas imaxes, están perfectamente.

Luns 21 de xaneiro:

Despois dun intenso día de neve no que todos puideron esquiar e asistir ás clases cos monitores... Dinnos que están todos moi ben e moi contentos... con gañas de aprender máis mañá!

Domingo 20 de xaneiro:

44 alumnos de 3º ESo e 1º BAC emprenderon esta madrugada unha viaxe a Andorra acompañados por tres profesores. (Carlos, Miguel e Beatriz).

Nesta imaxe podedes velos nun momento da longa viaxe en autobús que os levou ata o seu destino.

Chegaron ben e acaban de dicirnos que cearán ás 20:45. Mañá ás 7:35 almorzarán antes de comezar a súa primeira xornada de esquí. Desde a web informaremos cada día das noticias que vaian compartindo.

Nas tres últimas horas do venres 21, alumnado e profesorado compartimos espazo e diversión no Torneo de brilé no que participaron todos os grupos de alumnado do centro e tamén varios profesores.

A actividade,organizada polo Departamento de EF, permitiunos disfrutar dunha xornada distinta para rematar a 1ª avaliación.

O profesorado do centro e alumnado de 4º de ESO e 1ºBAC presenciou este venres, nun Salón de actos abarrotado, o relato apaixoante que nos regalou a alpinista Chus Lago. Cun silencio sobrecolledor cando se trata de adolescentes, escoitamos asombrados un relato de viaxes impresionantes que ía acompañado de música de fondo e imaxes moi ilustrativas das aventuras vividas por esta exploradora. Coas palabras engaiolantes de Chus viaxamos á Antartida, chegamos  á cima do Everest, paseamos por Laponia, imaxinamos desertos polares...pasamos verdadeiro frío, aprendemos o valor dos retos e tamén puidemos reflexionar sobre a posibilidade de cumplir soños imposibles e o significado da soidade e dos silencios en circunstancias extremas.

Todos quedamos impactados coa valentía desta muller pioneira, que nos anunciou con paixón o seu próximo reto, no que estárá acompañada por outras dúas mulleres coas que percorrerá Siberia.

En Bibliocabe podedes ler máis sobre o tema posto que co "lema Viaxeiras, intrépidas, exploradoras, aventureiras, ...: Mulleres!!", celebrarase o Día da Muller na Biblioteca durante todo o curso, motivo polo que tamén se colaborou coa presenza desta grande pioneira.. 

Agardamos escoitar  de novo a Chus Lago transmitindo tanto entusiasmo. 

O alumnado de 1º ESO realizou a rota de Sendeirismo do Poeta Galego Uxío Novoneira o luns 4 de xuño de 2018.
 
A rota parte da aula da Natureza de Moreda no Concello de Folgoso de Caurel e logo de pasar pola aldea de Moreda pasa por diante da casa do Poeta e remata no punto de partida. Son 8 km de ruta por sendeiros e algún tramo de asfalto ó longo do cal @s alumn@s foron lendo os poemas que están situados na rota e observando as distintas plantas presentes no percorrido.

A Actividade foi realizada en colaboración cos Departamentos de Educación física, Normalización Linguística e Bioloxía. Os profesores acompañantes foron Carmen Quiroga, Gonzalo Fernández e Carlos Parada.

Facendo click na imaxe accédese a unha pequena galería de fotos da actividade.

Álbum: Extraescolares -> Rota de senderismo 2018 - 1º ESO

O alumnado de 4º de ESO e de 1º de BAC, estivo na Praza de España para dar a coñecer algunhas das actividades que fan nas súas clases de Educación Física.

Deleitaron a todo o mundo que pasaba pola rúa con exhibicións de acrosport, coreografías, xogos populares, bailes tradicionais e incluso fixeron demostracións da súa pericia nas técnicas de reanimación cardio-pulmonar.

Álbum: Escolares -> Educación Física na rúa 2018

O alumnado de 1º, 2º e 3º  da ESO practicou maniobras de Resucitación Cardiopulmonar como actividade final dunha unidade didáctica na que se abordou o protocolo de actuación de primeiros auxilios. Este contido forma parte das programacións de Educación Física ao longo desta etapa.

Sábado 28/01/2017: Xa están todos e todas de volta en Monforte de Lemos e esta é a foto da despedida da Semana Branca en Andorra do IES Río Cabe 2017:

Xoves 26/01/2017: Día de esquí completo e estupendo, aínda que a última hora da tarde comezou a nevar abundantemente. Tamén aproveitaron para celebrar o cumpreanos de Ismael.

Mércores 25/01/2017: Hoxe día perfecto de esquí, pola mañá, cun sol impresionante e nevando pola tarde. Ningún lesionado e todo o alumnado esquiando sen contratempos. Ademáis algúns e algunhas tiveron ocasión de patinar sobre xeo, como podedes ver nas seguintes imaxes do día de hoxe:

Martes 24/01/2017: Hoxe segundo contacto coas pistas e bo día de neve. Todo o alumnado esquiando dentro do previsto nun gran día de sol:

Alumn@s de 3º de ESO e 1º BAC iniciaron a noite do sábado ao domingo 22 de xaneiro de 2016 a “Semana Branca en Andorra”.

A excursión está organizada polo Departamento de Educación Física. Os profesores acompañantes son Carlos Parada e Carlos Bacelo, profesores de Educación Física, xunto coa profesora de Lingua Castelá e Literatura, Paula Martínez.

A chegada a Andorra produciuse sen ningún contratempo e xa están instalados no Hotel Cosmos.

O luns estrearon as pistas de Soldeu el Tarter co seu primeiro día de esquí, a pesares das pequenas gotas de neve que estiveron caendo durante a maior parte do día. A continuación podedes observas dúas instantáneas do grupo na estación de esquí:

A volta está prevista para o vindeiro sábado 28 de xaneiro. Seguiremos informando desde esta páxina web do centro a medida que os profesores acompañantes manden máis información nos vindeiros días.

Venres 29/01/2016: As 17:00 horas remataron a última xornada de esquí sen novidades, día espléndido de esquí co bo tempo e moi boas sensacións por parte do alumnado. O autobús que os trae de retorno saldrá ás 21:00 horas, chegando a Monforte de Lemos as 9:00-10:00 horas aproximadamente. Aquí tedes a última foto de grupo na neve de Andorra e dúas dos profesores acompañantes para despedir a semana branca 2016 do IES Río Cabe:

Xoves 28/01/2016: De novo día soleado en Andorra, aínda que a temperatura media foi de 3 grados. Todos aprenderon un poco máis e están moito máis cansos e magullados, pero sen lesións de importancia. Pola noite a maior parte do alumnado asistiu a sesión nocturna no balneario de Caldea.

Mércores 27/01/2016: Terceiro día de neve e todo segue dentro da normalidade. Todo o mundo esquiando ao longo da estación e a maior parte do grupo foi a patinar a pista de xeo de Canillo antes da cea.

Martes 26/01/2016: Segundo día de esquí/snowboard sen incidentes nin lesións, aínda que algúns e algunhas empezan a ter dores debidos as caídas e esforzos. Tiveron un día de sol espléndido e pasárono xenial.

Luns 25/01/2016: Hoxe primeiro contacto coas pistas e primeiro día de esquí ou snowboard. Día soleado e tod@s progresando axeitadamente. Mañá máis !!!.

Alumnado de 3º de ESO e 1º BAC iniciaron a noite do sábado ao domingo 24 de xaneiro de 2016 a “Semana Branca en Andorra”.

A excursión está organizada polo Departamento de Educación Física. Os profesores acompañantes son Carlos Parada, profesor de Educación Física, xunto coa profesora do Seminario de Tecnoloxía, Covadonga Yugueros.

A chegada a Andorra produciuse sen ningún contratempo sobre as 13:00 horas e xa están instalados no Hotel Cosmos.

A volta está prevista para o vindeiro sábado 30 de xaneiro. Seguiremos informando nesta entrada da páxina web do centro a medida que os profesores acompañantes manden máis información nos vindeiros días.

O mércores 18 de  marzo o Departamento de Educación Física organizou una charla sobre primeiros auxilios. Foi impartida por Antonio Rodríguez Rivera, médico de urxencias do Hospital Comarcal de Monforte de Lemos e dirixida a alumnado de 4º ESO e 1º BAC.