O alumnado de 1º e 2º de BAC participou nunha sesión do Plan de Promoción do Talento Dixital en Galicia organizado por Amtega.

A través do programa GenTECH pretende fomentar o atractivo vocacional cara ás carreiras profesionais STEM (Ciencias, Enxeñería, Tecnoloxía e Matemáticas) e orientar á mocidade cara a un posible futuro profesional e romper as barreiras entre mozos e mozas neste tipo de carreiras.
 
A actividade consistiu nunha Sesión Dixital que achegou ao alumnado de 1º e 2º de bacharelato ás profesións TIC dando a coñecer as oportunidades de empleabilidade dunhas profesións con gran demanda no mercado laboral actual e futuro.
 
Crearon un espazo para a conversación que contou coa participación de dous profesionais do sector TIC que expoñeron en primeira persoa a súa experiencia dende unha perspectiva real, práctica e inspiradora…co obxectivo de espertar o xene.

"Galicia é un mar de inspiracións!"

O noso alumnado da ESA asistiu o 21 de febreiro na EOI de Monforte a unha actividade organizada polo Departamento de Normalización Lingüística da Escola, na que as invitadas foron María Viqueira e Ana Miguéns.

Promoción da cultura galega reflectida no labor emprendedor da xoiería de Ana Miguéns e nos tecidos e os bordados de María Viqueira, dúas mulleres emprendedoras que levan Galicia polo mundo adiante.

Calidade feita á man, por mans galegas, que se inspira na cultura e crea tendencias na artesanía  e no mundo da moda.

Galicia pódese levar posta seguindo a tradición e no mundo dixital e, por suposto, no corazón.

No día de hoxe o alumnado de 4ª ESO viaxou á cidade de Santiago.

Primeiro foron ver a exposición "Castelao maxistral" na cidade da cultura. Logo visitaron o Parlamento, onde disfrutaron dunha visita guiada e foron recibidos polos parlamentarios monfortinos.

Despois de repoñer forzas pasearon polos xardíns do Pazo de Oca aproveitando a excelente climatoloxía.

O alumnado de primeiro de Bacharelato asistiu á conferencia de Ana Boullón que levaba por título "Por que nos chamamos así? Os apelidos galegos". A nosa relatora de hoxe é profesora titular da Facultade de Filoloxía da USC e realizou unha achega á historia da antroponimia dende o mundo castrexo, pasando polo romano, o período medieval, os Séculos Escuros ata o Franquismo e a Democracia. Desta forma, puidemos advertir como o sistema dos apelidos foi cambiando ao longo da historia da man das necesidades e vicisitudes da sociedade. En España, fronte á maioría de países de Europa, os habitantes contamos con dous apelidos, pero isto non quere dicir que ao longo do tempo isto sempre fose así. O crecemento demográfico que se rexistrou na Baixa Idade Media motivou que desa época date o xerme dos apelidos galegos actuais, pois advírtese unha importante homonimia á que hai que buscar solución. 

No s. XVI o galego desaparece dos textos escritos e é nese entón cando comeza a castelanización de moitos apelidos, tales como Otero, Ameijeiras ou Seijas, por exemplo. O noso sistema de apelidos remóntase á Lei do Rexistro Civil de 1857 e dende a Lei 40/1999 permítese regular os apelidos ortograficamente.

A continuación, realizouse unha achega aos 36 apelidos que contan con maior número de portadores en Monforte de Lemos. Como non podía ser doutra forma, o máis común, ao igual que no resto de Galicia, é Rodríguez. Podemos clasificar algúns deles seguindo a seguinte clasificación con respecto á súa orixe:

 1. Patronímicos: Rodríguez, López, González, Fernández, Vázquez, Díaz, Pérez, Álvarez, Martínez (Martís), García, Sánchez, Arias, Gómez Macía ou Arias.

 2. Delexicais (alcumes): Iglesias, Blanco / Branco, Prieto / Preto...

 3. Toponímicos: Figueiras, Carballada, Casanova, Salgueiro, Castro, Losada / Lousada, Fuente / Fonte, Otero / Outeiro, Guitián...

Nas semanas previas, o alumnado elaborou con relación á conferencia diversos murais nos que investigaron sobre a etimoloxía, significado e distribución dos seus apelidos. Para isto, servíronse da Cartografía dos apelidos de Galicia, ferramenta de grande interese traballada na aula. Os resultados están expostos no centro e convidamos a todos os interesados/as a que se acheguen a coñecer máis de preto os seus apelidos. 

Deixamos tamén a ligazón ao vídeo que se reproduciu de forma paralela á presentación da relatora de hoxe e que foi elaborado por Alejandro García Rodríguez: 

 https://www.youtube.com/watch?v=5YbZdXkMnvM&feature=youtu.be

(Texto: Tania Vázquez)

Co gallo da exposición “F. Boix fotógrafo de Mauthasen” o alumnado do CS de Guía, información e asistencia turísticas realizou na tarde do luns, 11 de febreiro, varias visitas guiadas para dar a coñocer a transcendental laboura deste personaxe. Nado en Barcelona, militante izquierdista exiliado en Francia e posteriormente deportado ao campo de concentración nazi de Mathause, acabou sendo clave para a condena de militares nazis no xuizo de Nuremberg grazas as fotografías custodiadas por el.

Esta exposición organizada pola Biblioteca do Centro pódese visitar ata o venres 15 de febreiro.

Este venres 8 no Salón de actos do centro os alumnos de 1º e 2º de BAC asistiron a unha charla impartida por Carmen García Rodeja (investigadora da Asociación para a Recuperación da Memoria Histórica) e Miguel Bugliot, sobriño do deportado a Mauthausen Manuel Barreiro Bugliot,

O acto enmárcase nas actividades organizadas pola Biblioteca con motivo da Exposición "F. Boix fotógrafo de Mauthausen" (que estará no noso centro ata o venres 15). A charla levou por título: "Galegos e españois en Mauthausen".

Os poñentes acercáronnos ó tema das deportacións de españois a campos de concentración, centráronse na necesidade de recuperar a memoria histórica das persoas que foron represaliadas ou perderon a vida sen que, en moitos casos, os familiares teñan a oportunidade de enterrar dignamente os seus restos e homenaxear o seu recordo.

Miguel Bugliot tamén leu varias emotivas cartas de familares das vítimas que naquel momento dan unha visión moi real da dor que lles tocou vivir, pola guerra,  carencias, medo e o sofremento que provocou a ausencia inxustificada dos seres queridos, por causas de intolerancia e marxinación do que simplemente pensa distinto ou se lle considera inferior por algunha razón.

Esta Asociación traballa de modo altruísta para que as familias podan recuperar os restos dos seus, que ás veces acabaron en fosas comúns ou non están aínda localizados.É importante non esquecer episodios cercanos do noso pasado que moitas veces están silenciados no inxusto olvido.

Rapaces e profesores plantexaron moitas cuestións e reflexións tras unha interesada e atenta escoita de todo o público presente. 

O día 8 de Febreiro os alumnos de 1º e 2º da ESO de Relixión visitaron a cidade de Lugo, onde pasaron unha xornada cultural e lúdica.

En primeiro lugar fomos á Catedral,onde visitamos o claustro,o museo diocesano, subimos ás torres e por último pasamos pola nave da catedral,admirando as súas capelas e o altar maior. Despois nos trasladamos ao MIHL, onde puidemos contemplar exposicións e un video sobre a historia da cidade, como se foi construíndo. Tras esta visita tocaba ir a comer ás Termas. Á tarde fixemos un pequeno tramo do Camiño Primitivo dende a Porta de San Pedro ata a Catedral. Alí subimos á Muralla romana. Tralo recorrido volta para Monforte.

Desde o mércores 6 ata o venres 15 está na entrada do centro unha interesantísima Exposición, organizada pola Biblioteca, que trata sobre a figura de Boix, fotógrafo de Mauthausen, que documentou coa súa testemuña gráfica o sucedido nos campos de concentración nazis, o exterminio masivo, o traballo forzado...por medio de fotografías que sacaron á luz os horrores do campo de concentración de Mauthausen.

Todos os alumnos do IES Río Cabe están tendo a oportunidade estes días (acompañados por varios profesores que presentan a exposición) de facer un percorrido, a través dos paneis, por unha parte da historia que non convén esquecer: o horror dos campos de exterminio e a recuperación da memoria de miles de exiliados españoles e galegos que foron deportados entre 1939 e 1945.

O venres 8 Carmen García Rodeja, investigadora para a recuperación da Memoria histórica, e Miguel Bugliot (sobriño dun deportado a Mauthausen -Manuel Barreiro Bugliot) darán unha charla, ás 13:15, no salón de actos do centro. A Conferencia leva por título: "Galegos e españois en Mauthausen, unha historia non recoñecida".

Invitamos a visitar a exposición a todo o público en xeral.

Os alumnos do Ciclo de Turismo farán o luns unha visita guiada ás 18:00 para o alumnado de Bacharelato de Adultos e ciclo de fútbol. Unha segunda visita (para a ESA) será ás 18:40.

O alumnado de Turismo contou este martes, 5 de febreiro, coa presenza do coordinador de “Segredos de Pantón”, Lucas Vázquez.

Dende o postureo das redes sociais -como di Lucas- pretenden divulgar e darlle dignidade as tradicións, a cultura e o patrimonio do mundo rural focalizado no concello de Pantón.

Mostra da manifesta paixón polo rural son as actuacións que están a levar a cabo: rutas, charlas, proxectos de investigación, coidado da natureza, posta en valor de tradicións en perigo de desaparición ou publicación de novas do concello, entre outras.

 Xa que Lucas se ofreceu para rutear con nós, verémonos de novo!

“Coaching no Camiño” foi o título da charla impartida por María Benita García Dacosta na aula de Turismo este luns, 4 de febreiro. 

A relatora conta con ampla experiencia como coach executivo e de saúde, ademáis de estar vencellada ao sector turístico na súa etapa coma responsable de marketing da Maison du Languedoc Rousillon. Foi tamén responsable do  desenvolvemento de estratexias de promoción turística para diversas rexións francesas no territorio español, entre outras experiencias laborais.

Na disertación relatou o programa do produto, “Coaching en el Camino” que comercializa a empresa Kam Move, da que é socia fundadora.

Segundo as súas verbas, trátase de aproveitar a introspección que o propio camiño de Santiago facilita para, aplicando técnicas de coaching, chegar ao autocoñecemento persoal.

Unha interesante toma de contacto co mundo do coaching que terá continuación no futuro.