Curso 2018/19
PERFORMANCE E EXPOSICIÓN DE FOTOS DA ASOCIACIÓN ACADAR
O 22 de marzo foi presentada no noso centro A guía Violencia Sexual cara ás nenas e mulleres con discapacidade, editada pola Asociación Acadar (Asociación de mulleres con discapacidade de Galicia); está financiamda pola Secretaría Xeral de Igualdade da Xunta de Galicia e polo Ministerio de la Presidencia, Relaciones con las Cortes e Igualdad.
A actividade enmárcase dentro do programa Por 365 días de Respecto e Igualdade no que o noso centro participa nun dos Plan Proxecta.
Presentou a proposta a presidenta da Asociación, Nónica Álvarez San Primitivo, e posteriormente o alumnado de 4º ESO asistiu á performance a cargo da artista Mónica Mura. Tamén se acompañou a presentación cunha exposición de fotos que podedes ver nas imaxes.
Con esta actividade pretendeuse concienciar ó alumnado sobre a necesidade de defender os dereitos das mulleres con discapacidade e os abusos e violencia oculta que moitas veces sofren. Foi un modo de facer reflexionar sobre unhas simbólicas imaxes fotográficas que tamén se puideron visualizar por medio da performance, que mantivo a atención e o silencio do público asistente en todo momento.
"POETÍZATE NO RÍO CABE"
Hoxe a poesía inundou o noso instituto
Concerto didáctico na Coruña: "Palabras con corazón"
O alumnado de 3ºESO disfrutou dunha xornada soleada na cidade da Coruña.
Pola mañá asistiron a un concerto didáctico no Palacio da Ópera, titulado "Palabras con corazón". Despois do xantar participaron nunha visita guiada ó Museo de Belas Artes. A guía explicoulles contextualizando historicamente unha obra relevante de cada período.
Todos viñeron encantados deste día de arte e música... organizado polo Dpto de Música.
Xornada de convivencia e turismo cos alumnos do intercambio de francés e despedida...
O día 19 de marzo, martes, todo o alumnado que participa no intercambio de francés compartiu unha xornada de lecer cos seus compañeiros franceses, que están connosco do 14 ó 20.
Foi un día no que se desprazaron pola Ribeira Sacra, Fervenza Augacaída e visitaron o Mosteiro de Santa María de Ferreira (Convento das Bernardas).
Estes son algúns momentos dese percorrido:
Hoxe, mércores 20, para despedir ó alumnado francés que nos visita, na mañá participaron nunha actividade que consistiu nalgún xogo e clase de baile no ximnasio.
A continuación, visitaron algunhas instalacións do centro e participaron na Biblioteca nun xogo sobre a organización da mesma. Seguidamente foron ó Museo do Ferrocarril.
Agardamos que a súa estancia en Monforte fora do seu agrado.
Parlamento Xove 2019 - Bacharelato
Un equipo de alumnado de 1º BAC do IES Río Cabe acadou a terceira posición na fase clasificatoria da "X Edición do Parlamento Xove", que se acaba de celebrar esta fin de semana na localidade de Culleredo (A Coruña).
O equipo formado polos alumnos Jorge García Vázquez, Juan Pontón Rodríguez, María Quiroga Álvarez e Ánxela Romero González, logrou gañar os tres debates nos que participou e agora acudirán a Santiago de Compostela para participar na final desta competición na sede do Parlamento de Galicia durante unha fin de semana do mes de maio.
É de destacar que 3 destes alumnos, Jorge García, María Quiroga e Ánxela Romero, xa chegaron o ano pasado á final desta competición na modalidade de alumnado de ESO representando ao Colexio Padres Escolapios de Monforte e foi a súa profesora en 4º de ESO, Rosa González Roca, a que lles meteu "o gusanillo" de debater con outras persoas no corpo, os acompañou como coordinadora á final da IX edición e lograron rematar a mesma na segunda posición.
"Parlamento Xove" trátase dunha competición na que os diversos equipos inscritos investigan, escriben e debaten acerca dun tema, que na presente edición foi o de: "Deberiamos unificar as políticas de acollida de persoas refuxiadas en todos os estados membros da Unión europea?".
Podedes ver a clasificación na seguinte imaxe ou na páxina web do Parlamento Xove:
Por último, facendo click na seguinte imaxe accédese a unha pequena galería de fotografías:
"Presente e futuro da Ribeira Sacra"
O pasado luns, 11 de marzo, tivo lugar na aula de Turismo a conferencia “Presente e futuro da Ribeira Sacra” impartida por Alexandra Seara, xerente do Consorcio de Turismo Ribeira Sacra.
A exposición versou sobre o Consorcio, o seu funcionamento e os proxectos levados a cabo dende a súa creación no ano 2005 ata a actualidade, facendo fincapé no reto que supón a candidatura de Ribeira Sacra a Patrimonio da Humanidade.
Rematou a conferencia cunha mesa redonda onde o alumnado do CS de Guías, información e asistencia turísticas mostrou as súas inquedanzas relativas ao xeodestino.
Hai que destacar a boa disposición e implicación da poñente tanto na exposición coma na resolución das dúbidas plantexadas polo auditorio.
Foi todo un pracer contar cunha profesional de referencia no sector turístico coma é Alexandra Seara.
Asistencia do alumnado de ESO e BAC ó Teatro clásico grecolatino e visita ó Castro de Viladonga.
Os alumnos de Latín e Grego do IES RÍO CABE asistiron este luns á representación de dúas obras de TEATRO CLÄSICO GRECOLATINO: a traxedia de Eurípides Electra e a comedia de Plauto Xemelgos.
Tamén aproveitaron para visitar o castro de Viladonga.
ENTROIDO 2019
O venres pasado vivimos profesores e alumnos unha divertida xornada festiva de entroido na que destacou a animación, imaxinación, entusiasmo e variedade das propostas.
O grupo “Os caralludos do Río Cabe” empezou a súa actuación no Salón de actos con catro temas interpretados por dous profesores (Xurxo e Iván) e tres alumnos da ESO e de Bac (Aldán, Antón e Diego). Foi a súa presentación no centro.
Seguidamente, o Director Carlos Parada, presentou ós diferentes grupos da ESO e BAC que foron subindo ó escenario disfrazados para interpretar unha pequena coreografía. Houbo tamén entrega de medallas para os gañadores do campeonato de Brilé, do que se celebrou a final no recreo.
Un equipo de rugbby, unha divertida voda, Mickey Mouse, uns trastes demos, uns anciáns moi marchosos, a Bertolina, co seu “creador” Iván Capón, uns mecánicos moi bailóns, un grupo de Barbies, os 80... foron as variadas propostas que nos fixeron pasar unas horas moi agradables de sorrisos, convivencia e variedade musical.
Moitísimas grazas a todos, profes, alumnos e comunidade educativa en xeral pola vosa implicación e colaboración para facer este entroido tan divertido.
O PRIMEIRO PREMIO foi para 4º A, cos que actuaron tamén dous profesores (a súa titora María e Iván).
O SEGUNDO PREMIO conseguírono en 2ºA de Bacharelato:
O TERCEIRO foi para 3º B de ESO:
Noraboa!
"Eu practico turismofilia, e ti?"
Visita ós Museos científicos da Coruña
Os alumnos de 3º ESO, e tres profesoras, disfrutaron dunha xornada de visitas a varios Museos da Coruña o pasado luns 25. A actividade, organizada polo Dpto de C. Naturais, tivo como obxectivo ofrecer estímulos e recursos para incorporar a ciencia á súa cultura, para comprender mellor o mundo en que vivimos.
Sobre as 11 da mañá chegaron ao Aquarium Finisterrae, onde puideron ver diferentes exposicións didácticas sobre o mar e os organismos mariños. Alí baixaron á sala do Nautilus, para presenciar como alimentaban ao exemplar de tiburón toro que posúen e a diferentes especies de peixes propias do litoral. Xa na zona exterior, acercáronse ata as piscinas das focas.
Despois, realizaron unha pequena parada para comer, e xa pola tarde, visitaron a Domus, na cal realizaron diferentes e interesantes actividades interactivas.
Algúns momento do seu paso por A Domus (primeiro museo interactivo do mundo adicado ó ser humano) e o Aquarium Finisterrae poden verse nestas imaxes.
- « primeira
- ‹ anterior
- 1
- 2
- 3
- 4
- 5
- 6
- 7
- 8
- seguinte ›
- última »