Skip to Content

Proxecto Interdisciplinar da Biblioteca de Centro

"Fake news", bulos e discurso de odio nos medios e redes sociais con Agareso ONG

 

 

O pasado venres 18 de marzo, con motivo da Semana da Prensa, e vinculado ao noso Proxecto Documental Integrado deste curso, Cidadáns do mundo, o alumnado de 2º Bacharelato asistiu a unha charla dirixida por Roi Guitián, de Agareso ONG. Durante a charla Roi falou co alumnado sobre as noticias falsas, fake news ou bulos, explicándolles como se crean, como se propagan, o papel da burbulla de filtros na súa difusión, e a responsabilidade que temos nós como receptores de deter o seu percorrido. Falamos tamén da subxectividade na información, da elección motivada de imaxes ou titulares, do que se agocha detrás da elección de certo vocabulario e fotografías nos textos periodísticos para axudar a crear ese discurso de odio, e como ese discurso de odio pretende crear un clima de medo contra o "diferente". 

Agardamos que a charla de Roi servise para estimular o espíritu crítico do noso alumnado e enriquecese a súa forma de enfrontarse á información que lles chega a través de medios e redes. 

Moitas grazas a Roi Guitián e Agareso ONG por preparar esta actividade especialmente para nós. 

Día Internacional para a Tolerancia. Conversas con Mans Unidas.

 

O martes 16 de novembro, con motivo do Día Internacional para a Tolerancia, e dentro do marco do noso Proxecto Integrado “Cidadáns do mundo” recibimos a visita de dous voluntarios de Mans Unidas e Ecos do Sur, Mabel Mougán e Djibril Faye. Mabel e Djibril conversaron co alumnado de 4º e 3º da ESO, respectivamente, sobre os campos de refuxiados e sobre a experiencia da emigración.

Djibril Faye, voluntario da ONGD Ecos do Sur, veu nesta ocasión coma colaborador da ONGD Mans Unidas da  Delegación  de Santiago. Mans Unidas  leva  62  anos  loitando contra  a  fame  e a  desigualdade  nos  países do cono sur apoiando á  poboación  no  seu desenvolvemento  con  distintos  proxectos (educativos,  sanitarios , agrícolas ...) .   Djibril  traballa  na  ONG Ecos do  Sur como  mediador  intercultural  e  como  responsable  do  programa de acompañamento  sanitario. Actualmente residente en A  Coruña,  Djibril  é de  orixe  Senegalés, e compartiu coa  rapazada de 3º ESO  a  súa  experiencia como  migrante chegado  a  Canarias e  o  seu  periplo por España.

Djibril é quen de  falar 6  linguas además do  castelán  e  leva  traballando  en  Ecos do  Sur  dende o  ano  2008.  O alumnado tivo  unha  actitude  exemplar durante  toda  a  charla.  Agardamos que  compartan  a  experiencia  coas  súas  familias. 

Pola súa parte, Mabel Mougán, voluntaria da ONGD Mas Unidas, relatou a súa visita a ONGD Kuchinate en Israel, colectivo de mulleres africanas, ao alumnado de 4º ESO. A organización Kuchinate ten como obxectivo dar acubillo a mulleres africanas, sobre todo de Eritrea e Sudán, que foxen dos seus países en busca dun futuro mellor, pero moitas delas acaban sendo vítimas da trata de persoas, encarceradas e violadas. Finalmente as que conseguen chegar a Israel son acollidas por esta ONGD que lles proporciona un fogar, axuda psicolóxica e un medio de vida coa elaboración de artesanía de crochet. Unha realidade, a destas mulleres, moi dura, xa que ademais de todo o dito hai que sumarlle o feito de que en Israel non teñen o recoñecemento de refuxiadas, o que fai que “non existan” legalmente, de aí a importancia desta entidade que lles proporciona a axuda necesaria para sobrevivir.

Grazas a Mans Unidas por prestarse desinteresadamente a aproximar estas realidades ao noso alumnado, e á nosa xefa do Departamento de Inglés, Pury Vez, por xestionalo. Agardamos seguir aprendendo e enriquecéndonos con outras experiencias neste curso, da man do noso proxecto "Cidadáns do mundo".

VI Semana Temática: Diversidades

Premendo na imaxe pódense consultar as actividades que se desenvolverán durante esta semana adicada á identidade e diversidade de xénero.

Exposición dos Alumnos do Bacharelato de Artes

O alumnado do Bacharelato de Artes do IES Praia Barraña ten o pracer de convidarvos á inauguración da súa exposición que terá lugar no Centro Social de Boiro o día 25 de abril ás 19:00.

A temática da exposición ven a coincidir co Proxecto da Biblioteca de Centro, Ética e Dereitos dos Animais.

A exposición permanecerá no Centro Social durante un mes.

Blogue sobre enerxías renovables

O alumnado de 3º ESO B (sección bilingüe), con motivo da III Semana Temática "Desenvolvemento Sostible",  realizou  na matería de Tecnoloxías, en colaboración co Departamento de Inglés, un traballo sobre enerxías renovables que se recolle no seguinte blogue: renewablenergiesboiro.blogspot.com.es

Inauguración da III Semana Temática do Centro "Desenvolvemento Sostible"

O IES Praia Barraña de Boiro celebra na semana do 11 ao 15 de abril  a III Semana Temática, coordinado pola Biblioteca Escolar, dedicada este curso ao Desenvolvemento Sostible.

Hoxe luns 11 de abril, tivo lugar o acto de presentación do evento.

O alumnado asistiu á proxección dos diversos traballos audiovisuais realizados  e á estrea do documental “O legado das Rías Galegas” de Jorge J. Candán.

Asemade hai toda una serie de traballos de investigación expostos en diversos espazos do centro.

Clausura II Semana Temática

(La Voz de Galicia, 30 de abril de 2015)

Clausura II Semana Temática: Baile tradicional galego

O IES Praia Barraña de Boiro celebrou, entre o 20 e o 24 de abril, a II Semana Temática dedicada este curso ás “Tradicións e Costumes”.

Durante a semana leváronse a cabo unha serie de actividades e exposicións do traballo realizado polo alumnado.  O obxectivo fundamental de todo este proxecto, proposto pola Biblioteca Escolar do centro, é fomentar o interese pola investigación no noso alumnado, o interese pola súa contorna, polos nosos costumes, pola nosa tradición.

Inaugurouse a Semana Temática cun concerto didáctico de Narf, “De Rosalía a Craveirinha, A marabillosa viaxe da lingua galega”.  Tamén tivemos a sorte contar con  Quico Cadaval, o grande contador de historias,  e con Uxía, quen nos deleitou cuns talleres de cerámica. O punto e final a esta semana repleta de actividades púxoo o  magnífico grupo  de baile galego Xilbarbeira, composto por alumnas do noso bacharelato.

Baile tradicional galego -grupo Xilbarbeira-.

Distribuir contido


by Dr. Radut