Skip to Content

UNHA GRAN CAMPIOA

19/11/2019

Noa Romero Fernández, alumna de 1ºESO do noso centro, non para de dar alegrías. En taekwondo, na súa categoría, é a actual campioa de España e de Galicia; o 1 de outubro conseguiu a medalla de bronce no Campionato de Europa Cadete na categoría de menos de 33 kg, e esta fin de semana conseguiu a medalla de plata no Open de París G1 na categoría de menos de 37 kg. Parabéns!

ACTIVIDADES DO CICLO

17/11/2019

O alumnado de Ciclo do centro está moi activo nos últimos días. O xoves participaron no I Congreso Ibérico de Turismo Deportivo en Ourense, e o venres, recibiron a visita dun responsable de FEUGA (Fundación Empresa-Universidade Galega) para informalos da existencia de becas para poder realizar traballos en empresas.

CHEGOU O MAGOSTO!

16/11/2019

A semana pasada comezou co San Martiño e rematou co magosto. Música, baile, xogos tradicionais, paella de cogumelos de Antón e, por suposto, castañas quentiñas, que o día estaba frío. Moitas gracias a todo o mundo que colaborou para que a festa saíra tan ben como saiu, persoal de limpeza,profesores, conserxes, ANPA, e especialmente aos alumnos que estiveron traballando toda a mañá para que os seus compañeiros desfrutaran do magosto.

 

OBRADOIROS DE IGUALDADE

12/11/2019

Os Servizos Sociais do Concello do Porto do Son realizaron outro ano máis obradoiros sobre igualdade a nenas e nenos de 4ºESO e 2ºESO PMAR. Nestos obradoiros, danlle a coñecer aos nosos alumnos aspectos relacionados sobre a desigualdade de xénero existente aínda a día de hoxe como os micromachismos, e pautas para que intenten buscar unha sociedade máis xusta.

CAMPIONATO NACIONAL DE ORIENTACIÓN

05/12/2019
08/12/2019

Cinco alumnas de 3º ESO serán as únicas representantes galegas no Campionato Nacional de Orientación que se celebrará en Cáceres do 5 ao 8 de decembro.

ESCOLA DE NAIS E PAIS

12/11/2019

O luns pola tarde celebrouse con gran éxito, a primeira das sesións da Escola de Nais e Pais organizada polo CAFI en colaboración co IES de Porto do Son. Dúas psicólogas, Lorena Maneiro e Olalla Cutrín, ofreceron pautas básicas ás nais e pais presentes para afrontar os comportamentos problemáticos dos seus fillos adolescentes. Desde o centro, damos as gracias a todos os asistentes por animarse a asistir e a participar tan activamente na charla. Agardaremos á segunda sesión en marzo.

VIAXE DE ESTUDOS A MADRID

28/10/2019

Este último fin de semana de outubro os alumnos de Arte de 2ºBacharelato, acompañados por Pepe Lijó e Ána Dapena, estiveron de viaxe de estudos en Madrid, visitando os grandes museos como son o Prado e o Raíña Sofía, e impregnándose do ambiente cultural e artísitico dunha gran cidade.

LIMPEZA SIMULTÁNEA DE PRAIAS

28/10/2019

Como outros anos, ADEGA propuxo participar na actividade de limpeza simultánea de praias. Os alumnos de 2ºESO actuaron de voluntarios para facer unha batida da praia de Cabeiro, ao lado do centro, recollendo todo o lixo posible. Conseguimos reunir máis de 25 kg de lixo, basicamente plástico provinte de restos de aparellos de pesca, botellas, cabichas ou porespán. A actividade pretende que nos concienciemos do mantemento do medio natural, así como do uso masivo do plástico.

VIAXE DE INTERCAMBIO A FRANCIA

02/10/2019

Os alumnos de francés de 4ºESO e 1ºBacharelato están desde o día 30 de setembro en Francia realizando a segunda parte do intercambio que comezou o curso pasado. Daquela visitáronnos os alumnos dun centro de estudos de Quimper, na Bretaña francesa. Desta volta, o noso alumnado coñeceu a cidade de París e agora xa se instalaron coas familias en Quimper. A experiencia está resultando moi gratificante.

8TH ART EXHIBITION OF PEOPLE WITH AUTISM

14/09/2019

O alumno do centro Antón Romero Piñeiro, de 2º da ESO, participou nun concurso internacional de debuxo de persoas con autismo. O magnífico resultado é que a súa obra foi a segunda máis votada por persoas de todo o mundo. Os premios entregaranse en Niza (Francia) do 13 ao 15 de setembro. Parabéns, Antón!

https://artexhibitionautism.autismoburgos.es/piwigo/index.php?/category/1/start-15#content033.jpg

Distribuir contido


EQUIPO DE DINAMIZACIÓN DA LINGUA GALEGA

by Dr. Radut