Skip to Content

5º Curso

CLASES CULTURAIS INGLÉS

06/02/2024 08:53

O luns 5 de febreiro, os alumnos de 1º Bacharelato disfrutaron dunha clase cultural en inglés impartida por un nativo. Nela tiveron a oportunidade de aprender sobre a diversidade dun país tan grande como USA, centrándose especialmente na poboación de orixe irlandesa. Foi unha actividade interactiva e divertida.  

 

CHARLA IDENTIDADE

30/01/2024 22:10

O martes 30 de xaneiro, o alumnado de 1º de Bacharelato asistiu no Salón de Actos do IES a unha charla sobre a IDENTIDADE.

Ao longo da historia, tanto literatos coma filósofos ou psicólogos dedicaron moitos esforzos a conectar cunha intuición que en distintos momentos da vida se manifesta con lucidez. Podería expresarse así: non sei ben quen son porque non sempre me recoñezo. Tal intuición leva aparelladas unha serie de preguntas que preocupan desde os albores da humanidade: quen son? Podo coñecerme totalmente? Son responsable do que fago? Non son máis que variacións do clásico γνωθι σεαυτόν («coñécete a ti mesmo») do oráculo de Delfos. Tanto na literatura como na mitoloxía, estas preguntas desenvólvense dando lugar a varias figuras dominantes, como por exemplo o heroe, o dobre, o espello ou a sombra, protagonistas de relatos, contos e novelas.

Durante esta charla, o alumnado puido repasar varios exemplos desta variada produción literaria mediante algunhas claves interpretativas filosóficas e psicolóxicas coa finalidade de aprender a profundar no camiño do autocoñecemento e da aceptación de si mesmo.

Viaxe cultural a Madrid-Monet

14/01/2024 18:14

As alumnas de francés de 1º de Bacharelato viaxaron a Madrid os días 11, 12 e 13 de xaneiro para ver a exposición de Monet e a exposición permanente Thyssen Bornemisza , visitar o Institut Français de Madrid onde poideron degustar platos franceses, asistir ao musical Mamma Mía e por suposto visitar a cidade.

 

 

Viaxe cultural a Madrid Monet

14/01/2024 17:59

As alumnas de francés de 1º de Bacharelato viaxaron a Madrid os días 11, 12 e 13 de xaneiro para ver a exposición de Monet e a exposición permanente Thyssen Bornemisza , visitar o Institut Français de Madrid onde poideron degustar platos franceses, asistir ao musical Mamma Mía e por suposto visitar a cidade.

 

 

Para ver máis fotos, pulsar AQUÍ.

 

 

CONVIVENCIA DEPORTIVA CO IES SAN ALBERTO

21/12/2023 23:21

O xoves 21 de decembro o alumnado de CICLO e de 1º de BACHARELATO visitou o IES Campo de San Alberto  (Noia). 

Ao longo de toda a mañá o alumnado de ambos institutos realizaron varias competicións deportivas e disfrutaron dunha pequena merenda contando con tempo para socializar entre eles.

 

 

ESTRATEXIAS PARA AFRONTAR SITUACIÓNS DE DESIGUALDADE FÍSICA

04/12/2023 22:20

Dentro das actividades propostas polo Concello para a conmemoración do 25 de Novembro, o alumnado de 1º de Bacharelato recibiu unhas clases para aprender estratexias para afrontar situacións de desigualdade física. Estas clases foron impartidas por Israel e Clara da escola de boxeo "EL CANARIO"de Ribeira entre o 29 de novembro e o 1 de decembro.

                                        

 

 

 

 

ESTRATEXIAS PARA AFRONTAR SITUACIÓNS DE DESIGUALDADE FÍSICA

04/12/2023 22:03

Dentro das actividades propostas polo Concello para a conmemoración do 25 de Novembro, o alumnado de 1º de Bacharelato recibiu unhas clases para aprender estratexias para afrontar situacións de desigualdade física. Estas clases foron impartidas por Israel e Clara da escola de boxeo "EL CANARIO"de Ribeira entre o 29 de novembro e o 1 de decembro.

Para ver máis, pulsar AQUÍ

BIOBLITZ. ESTUDO DA BIODIVERSIDADE

18/11/2023 17:41

O 17 de novembro, o alumnado de 1º de Bacharelato de Bioloxía e Xeoloxía, Anatomía e Cultura Científica, participaron nunha actividade para estudar a biodiversidade.

Un bioblitz é unha actividade para estudar a biodiversidade dunha zona concreta, neste caso da parroquia de Baroña, grazas á invitación da súa Comunidade de Montes. 

Para esta actividade usamos a aplicación i.Naturalist que axuda na identificación das especies e permite crear proxectos de ciencia cidadá, para que entre todos coidemos do noso planeta.

BIOBLITZ. ESTUDO DA BIODIVERSIDADE

17/11/2023 16:30

O 17 de novembro, o alumnado de 1º de Bacharelato de Bioloxía e Xeoloxía, Anatomía e Cultura Científica, participaron nunha actividade para estudar a biodiversidade na parroquia de Baroña.

 

 Para ver máis pulsar AQUÍ

EXPOSICIÓN LUZ NA TERRA

26/10/2023 19:33

 

Dende os departamentos de Xeografía e Historia, Lingua Galega e Literatura e Bioloxía organizamos unha saída para 1º de Bacharelato, o xoves 26 de outubro á Cidade da Cultura, igual que a semana anterior fixeron os nosos compañeiros de 2º de Bacharelato. Asistimos á visita guiada da exposición “Luz na Terra. O Seminario de Estudos Galegos, unha institución de alta cultura”, que se ofrece dentro dos actos de conmemoración do centenario da creación do Seminario de Estudos Galegos no Museo Centro Gaiás.

 

 

 

 

Con esta actividade pretendemos achegar ao alumnado de 1º de bacharelato o seu labor determinante na construción da identidade galega e na modernización cultural e científica de Galicia.

  

 

 

 

 

 

Ao tempo, aproveitamos para ver a exposición de fotografía de “Nicolás Muller. Vento do Norte”, considerado un dos grandes referentes documentais do século XX. Co seu relato desvela unha mirada profundamente humanista e imprescindible.

 

 

  

 

 

 

Distribuir contido


by Dr. Radut