Skip to Content

Educación Física

A CRUZ VERMELLA IMPARTE UN CURSO DE PRIMEIROS AXUILIOS PARA O ALUMNADO DE 4º DE ESO

16/05/2019

Onte, xoves, a Cruz Vermella de Noia impartiu un curso de primeiros auxilios (RCP e Maniobra de Heimlich) ao alumnado de 4º de ESO. Trouxeron maniquíes para practicar as maniobras básicas de RCP, continuando a formación teórico -práctica vista na materia.

VÍDEO TÉCNICO DA RUTA DA AUGA

14/05/2019

Cales son as características técnicas da Ruta da Auga? Cales os puntos de interese? Do departamento de Educación Física achéganos este vídeo onde se recolle esta información. Preparad@s para camiñar?!!!  Calzado cómodo. Saímos do centro e rematamos en Cans!

Convertemos o noso entorno na mellor aula!

  

Roteiro da auga. 1º ESO from SonCine on Vimeo.

EXCURSIÓN A PENA AVENTURA

06/05/2019

A semana pasada o alumnado de 3º de ESO viviu dous días de aventura no medio natural, actividade física e convivencia en Pena Aventura Park. Explorar a natureza, relaxarse e divertirse... e, ao tempo, practicar o portugués. A actividade foi organizada polo departamento de Educación Física. Non hai máis que ver esta foto para ver que ben o pasaron!!

 

 

 

CAMPIONATO PROVINCIAL DE ORIENTACIÓN, ACEA DA MA. XOGADE

24/04/2019

Excelentes resultados dos alumnos do IES  de Porto do Son no Campionato Provincial Escolar de Carreiras de Orientación celebrado o 9 de abril no Parque Deportivo de Acea de Ama (Culleredo), obtendo Elio Serantes e Nerea Oujo un 2ª posto na categoría cadete masculino e feminina respectivamente. Sete alumnos máis clasificáronse para o Campionato Galego que se celebrará o próximo 4 de maio en Orense. Como vedes na foto, destacada participación feminina! No fondo da imaxe, Eloi! PARABÉNS!!! 

 

 

CAMPIONATO INTERZONAL DE ORIENTACIÓN, XOGADE

22/03/2019

Imos ao Campionato provincial! Así de ben o fixeron os mozos e mozas que onte participaron no Campionato Interzonal de Orientación en Boiro, dentro do programa XOGADE. 1º Posto infantil, Silvia Pego, 2º infantil masculino, Alejandro Torres, 1º posto cadete feminino, Nerea Oujo e Eloi, 2º cadete masculino! Terceiros por institutos! FANTÁSTICA COMPETICIÓN! PARABÉNS!!!!

 

 

 

ÉXITO NO 1º CAMPIONATO PROVINCIAL DE CAMPO A TRAVÉS

26/02/2019

Excelente participación dos nosos rapaces e rapazas no 1º Campionato Provincial de Campo a  Través para centros educativos celebrado no Estadio Municipal de fútbol de Noia, á que chegaron tras a clasificación na fase intercomarcal celebrada no Loreto

Os resultados obtidos foron fantásticos! Primeiros por equipos en categoría masculina cadete e cun destacado segundo posto na clasificación individual de Alejandro Vázquez Calo. As rapazas, terceiras por equipos na categoría cadete. 

Parabéns!!!

   

A VIAXE Á NEVE! ANDAMOS POR ANDORRA!

12/02/2019

Van chegando as primerias imaxes da excursión a Andorra organizada polo departamento de Educación Física. Bo tempo, xenial as pistas, aprendendo e disfrutando!

PRIMEIRO ENCONTRO EN XOGADE

28/11/2018

 

 

O pasado Venres 23 de Novembro desprazáronse a Noia un total de 55 deportistas de 1º, 2º e 3º de ESO para competir na proba de Campo a Través nas diferentes categorías. As primeiras en tomar a saída foron as rapazas do equipo Infantil feminino, ás 11.45, acadando un 5º posto na súa categoría. Tras elas tocoulles aos Infantís masculinos, quedando no posto 11 por equipos. A continuación a representación do equipo Cadete Feminino fixo unha excelente carreira, acadando o 2º posto por equipos e a nivel Individual Xiana Filgueiras quedou en 3ª posición. Por último, competiu o equipo Cadete Masculino acadando un traballado 2º posto por equipos, e a nivel individual Alejandro Vázquez chegou en 3ª posición e Rafael Sampedro nunha meritoria 5º praza.

  

Equipo cadete feminino e Alejandro Vázquez competindo

No centro estabamos manifestándonos en contra da Violencia de Xénero, pero esta protesta tamén se levou a Xogade. Ben sabemos da discriminación e o machismo que aínda se vive no ámbito do deporte. Reflexionar e tentar mudar esta realidade forma parte tamén do día a día da educación. Dende o IES de Porto do Son queremos ter voz e actuar!

 

    

A seguinte carreira, xa clasificatoria para a seguinte fase, será no parque do Loreto (Porto do Son) o vindeiro Mércores 19 de Decembro.

Noraboa a tódolos/as participantes polo seu esforzo e comportamento!!!

Moito ánimo e pronta recuperación aos lesionados/as.

A CONQUISTA DOS ELEMENTOS. VISUALIZANDO O DEPORTE FEMININO

19/04/2018

 

Este luns 16, tivemos pola tarde no salón de actos do instituto unha xornada de vibilización e posta en valor do deporte feminino. A actividade forma parte dun proxecto da Deputación da Coruña que reponde á campaña Conquista os elementos, consistente na celebración de videofórums en 18 comarcas de Galicia. O alumnado de 4º de ESO, 1º de Bacharelato e Ciclo, viu o documental Contra os elementos, que dá nome á campaña, e a continuación escoitamos a tres mulleres que son exemplo do esforzo, o traballo e o éxito deportivo na nosa comarca, dúas antigas alumnas e unha profesora. Nerea Carballo, tras unha longa traxectoria no fútbol feminino, é actualmente xogadora do Atlántida Matamá na Segunda División Nacional. Pilar Rodríguez Maneiro é unha das grandes promesas do taekwondo nacional. Alejandra Carro é profesora no ciclo de "Condución de actividades físicas no medio natural", integrante da selección galega de orientación e con éxitos a nivel galego e en España en orientación e MTB.

Son un exemplo a seguir para as mozas e os mozos. Exemplo dos valores que van parellos ao deporte.

Membros do Concello e Ánxela Franco como representate da Daputación, asisitiron ao acto.

EN NOIA NA FASE INTERCOMARCAL DO DEPORTE ESCOLAR

31/01/2018

Parabéns aos mozos e mozas do centro que participaron na Fase Intercomarcal de Deporte Escolar! O equipo  cadete feminino a pesar das baixas quedou en terceiro lugar e  Valeria Lorenzo Olveira de 2º B  (7º posto) clasificouse para o campionato provincial a celebrar o sábado 3 de febreiro en Culleredo ( A coruña). 

 

Distribuir contido


EQUIPO DE DINAMIZACIÓN DA LINGUA GALEGA

by Dr. Radut